ਮੁੰਬਈ : ਸੋਸ਼ਲ ਮੀਡੀਆ 'ਤੇ ਇੱਕ ਕੁੜੀ ਦੀਆਂ ਤਸਵੀਰਾਂ ਅਤੇ ਵੀਡੀਓ ਕਲਿੱਪਸ ਵਇਰਲ ਹੋ ਰਹੇ ਹਨ। ਇਸ ਵਿੱਚ ਇੱਕ ਕੁੜੀ ਅੱਖਾਂ ਨਾਲ ਆਪਣੇ ਇਸ਼ਕ ਨੂੰ ਜ਼ਾਹਿਰ ਕਰਦੇ ਹੋਏ ਨਜ਼ਰ ਆ ਰਹੀ ਹੈ। ਕੁੜੀ ਦੀਆਂ ਅਦਾਵਾਂ ਲੋਕਾਂ ਨੂੰ ਇੰਨੀਆਂ ਜ਼ਿਆਦਾ ਪਸੰਦ ਆ ਰਹੀਆਂ ਹਨ ਕਿ ਇੰਸਟਾਗ੍ਰਾਮ 'ਤੇ ਉਸਦੇ ਕੁੱਝ ਹੀ ਘੰਟਿਆਂ ਵਿੱਚ ਚਾਰ ਲੱਖ ਤੋਂ ਜ਼ਿਆਦਾ ਫਾਲੋਅਰਸ ਵਧ ਚੁੱਕੇ ਹਨ।
ਨਾਲ ਹੀ ਟਵਿੱਟਰ 'ਤੇ ਵੀ ਉਸਦਾ ਨਾਮ ਟਾਪ ਟ੍ਰੈਂਡ ਵਿੱਚ ਬਣਿਆ ਹੋਇਆ ਹੈ। ਯੂਜ਼ਰਸ ਵੀ ਟਵੀਟਸ ਦੇ ਜ਼ਰੀਏ ਆਪਣੀ ਦੀਵਾਨਗੀ ਜ਼ਾਹਿਰ ਕਰ ਰਹੇ ਹਨ। ਦਰਅਸਲ, ਤਸਵੀਰਾਂ ਅਤੇ ਵੀਡੀਓ ਕਲਿੱਪ ਵਿੱਚ ਦਿੱਖ ਰਹੀ ਕੁੜੀ ਮਲਿਆਲੀ ਅਦਾਕਾਰਾ ਪ੍ਰਿਆ ਪ੍ਰਕਾਸ਼ ਵਾਰੀਅਰ ਹੈ।
18 ਸਾਲ ਦੀ ਪ੍ਰਿਆ ਵਾਰੀਅਰ ਕੇਰਲ ਦੇ ਤ੍ਰਿਸ਼ੂਰ ਦੀ ਰਹਿਣ ਵਾਲੀ ਹੈ। ਉਹ ਤ੍ਰਿਸ਼ੂਰ ਦੇ ਵਿਮਲਾ ਕਾਲਜ ਤੋਂ ਬੀ.ਕਾਮ ਦੀ ਪੜ੍ਹਾਈ ਕਰ ਰਹੀ ਹੈ।
ਉਨ੍ਹਾਂ ਦੀ ਡੈਬਿਊ ਫਿਲਮ 'ਓਰੂ ਅਦਾਰ ਲਵ' ਦੇ ਗੀਤ ਮਾਨਿਕਆ ਮਲਾਰਯਾ ਦੀ ਇੱਕ ਵੀਡੀਓ ਕਲਿੱਪ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਗੀਤ ਨੂੰ ਸਕੂਲ ਦੇ ਟੀਨਏਜ਼ ਵਿਦਿਆਰਥੀਆਂ ਦੀ ਜ਼ਿੰਦਗੀ 'ਤੇ ਫਿਲਮਾਇਆ ਗਿਆ ਹੈ। ਇਸ ਨੂੰ ਯੂ-ਟਿਊਬ 'ਤੇ ਵੀ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। ਨਾਲ ਹੀ ਟਵਿੱਟਰ 'ਤੇ ਵੀ ਇਹ ਵੀਡੀਓ ਲੋਕਾਂ ਵੱਲੋ ਸ਼ੇਅਰ ਕੀਤੀ ਜਾ ਰਹੀ ਹੈ।
ਹੁਣ ਤੱਕ ਇਸ ਗੀਤ ਨੂੰ ਯੂ-ਟਿਊਬ 'ਤੇ ਪੌਣੇ 4 ਲੱਖ ਤੋਂ ਵੀ ਜ਼ਿਆਦਾ ਵਾਰ ਦੇਖਿਆ ਜਾ ਚੁੱਕਿਆ ਹੈ। ਇਸ ਫਿਲਮ ਦੇ ਲੇਖਕ ਅਤੇ ਡਾਇਰੈਕਟਰ ਉਮਰ ਲੁਲੁ ਹਨ ਜਦੋਂ ਕਿ ਸ਼ਾਨ ਰਹਿਮਾਨ ਨੇ ਇਸ ਫਿਲਮ ਨੂੰ ਆਪਣੇ ਸੰਗੀਤ ਨਾਲ ਸ਼ਿੰਗਾਰਿਆ ਹੈ।
