ਨਵੀਂ ਦਿੱਲੀ: ਮਹਾਰਾਸ਼ਟਰ ਅਤੇ ਗੁਜਰਾਤ ਦੇ ਕੁਝ ਹਿੱਸਿਆਂ ਵਿਚ ਭਾਰੀ ਬਾਰਿਸ਼ ਅਤੇ ਤੇਜ਼ ਹਵਾਵਾਂ ਦਾ ਕਹਿਰ ਜਾਰੀ ਹੈ। ਇਸ ਦੇ ਚਲਦਿਆਂ ਕਈ ਇਲਾਕਿਆਂ ਵਿਚ ਤਬਾਹੀ ਮਚਾ ਚੁੱਕੇ ਚੱਕਰਵਾਤ ਨਿਸਾਰਗਾ ਨਾਲ ਸਬੰਧਤ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
Cyclone
ਇਸ ਦੌਰਾਨ ਇਕ 15 ਸੈਕਿੰਡ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਦੇ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਨਿਸਾਰਗਾ ਚੱਕਰਵਾਤ ਦੀ ਹੈ ਅਤੇ ਕਈ ਨਿਊਜ਼ ਵੈੱਬਸਾਈਟਾਂ ਵੱਲੋਂ ਇਸ ਖ਼ਬਰ ਨੂੰ ਗਲਤ ਦਾਅਵੇ ਨਾਲ ਪਬਲਿਸ਼ ਵੀ ਕੀਤਾ ਗਿਆ ਹੈ। ਹਾਲਾਂਕਿ ਇਹਨਾਂ ਵੈੱਬਸਾਈਟਾਂ ਨੇ ਬਾਅਦ ਵਿਚ ਇਸ ਨੂੰ ਡਿਲੀਟ ਕਰ ਦਿੱਤਾ ਸੀ।
Photo
ਜਦੋਂ ਇਸ ਵੀਡੀਓ ਦੀ ਜਾਂਚ ਕੀਤੀ ਗਈ ਤਾਂ ਪਾਇਆ ਗਿਆ ਕਿ ਇਹ ਵੀਡੀਓ ਲਗਭਗ ਸੱਤ ਮਹੀਨੇ ਪੁਰਾਣੀ ਹੈ ਅਤੇ ਇਸ ਦੇ ਨਾਲ ਕੀਤਾ ਜਾ ਰਿਹਾ ਦਾਅਵਾ ਵੀ ਗਲਤ ਹੈ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਇਹੀ ਵੀਡੀਓ 25 ਅਕਤੂਬਰ 2019 ਨੂੰ ਯੂਟਿਊਬ 'ਤੇ ਅਪਲੋਡ ਕੀਤੀ ਗਈ ਸੀ, ਇਸ ਦੇ ਨਾਲ “Kyarr Cyclone #karnataka” ਲਿਖਿਆ ਹੋਇਆ ਸੀ।
Photo
ਇਸ ਤੋਂ ਇਲਾਵਾ ਕਰਨਾਟਕਾ ਦੇ ਇਕ ਨਿਊਜ਼ ਚੈਨਲ ਵੱਲੋਂ ਵੀ ਇਹੀ ਵੀਡੀਓ ਉਸੇ ਤਰੀਕ ਨੂੰ ਅਪਲੋਡ ਕੀਤੀ ਗਈ ਸੀ। ਜਾਂਚ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਦਾ ਚੱਕਰਵਾਤ ਨਿਸਾਰਗਾ ਨਾਲ ਕੋਈ ਸਬੰਧ ਨਹੀਂ ਹੈ। ਇਹ ਵੀਡੀਓ ਇੰਟਰਨੈੱਟ 'ਤੇ 7 ਮਹੀਨੇ ਪਹਿਲਾਂ ਵੀ ਮੌਜੂਦ ਸੀ।
Cyclone
ਫੈਕਟ ਚੈੱਕ:
ਦਾਅਵਾ: ਵਾਇਰਲ ਵੀਡੀਓ ਸਬੰਧੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਚੱਕਰਵਾਤ ਨਿਸਰਗਾ ਨਾਲ ਸਬੰਧਤ ਹੈ।
ਸੱਚਾਈ: ਇਹ ਵੀਡੀਓ ਲਗਭਗ 7 ਮਹੀਨੇ ਪੁਰਾਣੀ ਹੈ। ਇਸ ਦਾ ਵੀਡੀਓ ਦਾ ਚੱਕਰਵਾਤ ਨਿਸਾਰਗਾ ਨਾਲ ਕੋਈ ਸਬੰਧ ਨਹੀਂ ਹੈ।
ਸੱਚ/ਝੂਠ: ਝੂਠ
