ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਐਡੀਟੇਡ ਹੈ। ਇਸ ਪੋਸਟ ਰਾਹੀਂ ਗ੍ਰੇਟਾ ਥਨਬਰਗ 'ਤੇ ਨਿਸ਼ਾਨਾ ਸਾਧ ਉਸਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਰੋਜ਼ਾਨਾ ਸਪੋਕਸਮੈਨ(ਮੋਹਾਲੀ ਟੀਮ) - ਕਿਸਾਨਾਂ ਦਾ ਸਮਰਥਨ ਕਰਨ ਤੋਂ ਬਾਅਦ ਵਾਤਾਵਰਨ ਐਕਟੀਵਿਸਟ ਗ੍ਰੇਟਾ ਥਨਬਰਗ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਈ ਪੋਸਟ ਵਾਇਰਲ ਹੋਏ। ਸੋਸ਼ਲ ਮੀਡੀਆ 'ਤੇ ਜਿਥੇ ਕਈ ਲੋਕਾਂ ਨੇ ਗ੍ਰੇਟਾ ਥਨਬਰਗ ਦਾ ਸਮਰਥਨ ਕੀਤਾ ਓਥੇ ਹੀ ਕਈ ਨਾਮੀ ਸਿਤਾਰਿਆਂ ਸਣੇ ਲੋਕਾਂ ਨੇ ਗ੍ਰੇਟਾ ਥਨਬਰਗ ਦਾ ਵਿਰੋਧ ਕੀਤਾ। ਹੁਣ ਇਸੇ ਕ੍ਰਮ ਵਿਚ ਇੱਕ ਪੋਸਟ ਵਾਇਰਲ ਹੋ ਰਹੀ ਹੈ ਜਿਸ ਦੇ ਵਿਚ ਇੱਕ ਤਸਵੀਰ ਜਰੀਏ ਗ੍ਰੇਟਾ ਥਨਬਰਗ ਨੂੰ ਟਾਰਗੇਟ ਕੀਤਾ ਜਾ ਰਿਹਾ ਹੈ। ਇਸ ਤਸਵੀਰ ਵਿਚ ਗ੍ਰੇਟਾ ਥਨਬਰਗ ਜਿਥੇ ਖਾਣਾ ਖਾ ਰਹੀ ਹੈ ਉਸਦੇ ਨਾਲ ਖਿੜਕੀ ਦੇ ਬਾਹਰ ਕੁਝ ਗਰੀਬ ਬੱਚਿਆਂ ਨੂੰ ਬੈਠਾ ਵੇਖਿਆ ਜਾ ਸਕਦਾ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਐਡੀਟੇਡ ਹੈ। ਇਸ ਪੋਸਟ ਰਾਹੀਂ ਗ੍ਰੇਟਾ ਥਨਬਰਗ 'ਤੇ ਨਿਸ਼ਾਨਾ ਸਾਧ ਉਸਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਵਾਇਰਲ ਦਾਅਵਾ
ਟਵਿੱਟਰ ਯੂਜ਼ਰ ਨੇ ਇਸ ਤਸਵੀਰ ਨੂੰ ਅਪਲੋਡ ਕਰਦੇ ਹੋਏ Zee News ਦੇ ਐਡੀਟਰ ਇਨ ਚੀਫ ਦਾ ਧੰਨਵਾਦ ਕਰਦੇ ਹੋਏ ਲਿਖਿਆ, "Thanks @sudhirchaudhary ji for exposing her.Folded handsFolded hands #AskGretaWhy"
ਇਸ ਪੋਸਟ ਦਾ ਆਰਕਾਇਵਡ ਲਿੰਕ ਇਥੇ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ। ਸਰਚ ਦੇ ਨਤੀਜਿਆਂ ਤੋਂ ਸਾਫ਼ ਹੋ ਗਿਆ ਕਿ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ।
ਸਾਨੂੰ ਇਹ ਤਸਵੀਰ Metro.co.uk ਦੀ ਵੈੱਬਸਾਈਟ 'ਤੇ ਅਪਲੋਡ ਮਿਲੀ। ਇਹ ਖ਼ਬਰ 27 ਸਿਤੰਬਰ 2019 ਨੂੰ ਅਪਲੋਡ ਕੀਤੀ ਗਈ ਸੀ ਅਤੇ ਇਸ ਨੂੰ ਅਪਲੋਡ ਕਰਦਿਆਂ ਹੈਡਲਾਈਨ ਲਿਖੀ ਗਈ ਸੀ, "Fury over fake photo of Greta Thunberg eating lunch in front of poor children"
ਇਸ ਖ਼ਬਰ ਵਿਚ ਵਾਇਰਲ ਤਸਵੀਰ ਨੂੰ ਲੈ ਕੇ ਦੱਸਿਆ ਗਿਆ ਸੀ ਕਿ ਗ੍ਰੇਟਾ ਥਨਬਰਗ ਨੂੰ ਟਾਰਗੇਟ ਕਰਦੇ ਹੋਏ ਲੋਕਾਂ ਨੇ ਉਸ ਦੀ ਐਡੀਟੇਡ ਤਸਵੀਰ ਵਾਇਰਲ ਕੀਤੀ, ਜਿਸ ਦੇ ਵਿਚ ਗ੍ਰੇਟਾ ਥਨਬਰਗ ਨੂੰ ਗਰੀਬ ਬੱਚਿਆਂ ਸਾਹਮਣੇ ਖਾਣਾ ਖਾਂਦੇ ਵੇਖਿਆ ਜਾ ਸਕਦਾ ਹੈ। ਖ਼ਬਰ ਵਿਚ ਦੱਸਿਆ ਗਿਆ ਸੀ ਕਿ ਇਹ ਤਸਵੀਰ ਐਡੀਟੇਡ ਹੈ ਅਤੇ ਅਸਲ ਤਸਵੀਰ ਵਿਚ ਗਰੀਬ ਬੱਚੇ ਨਹੀਂ ਸਨ।
ਵਾਇਰਲ ਤਸਵੀਰ ਅਤੇ ਅਸਲ ਤਸਵੀਰ ਦੇ ਕੋਲਾਜ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਗ੍ਰੇਟਾ ਥਨਬਰਗ ਬਾਰੇ ਪਹਿਲਾਂ ਵੀ ਕਈ ਦਾਅਵੇ ਵਾਇਰਲ ਹੋ ਚੁੱਕੇ ਹਨ। ਕੁੱਝ ਦਿਨ ਪਹਿਲਾਂ ਦਾਅਵਾ ਵਾਇਰਲ ਹੋਇਆ ਸੀ ਕਿ ਗ੍ਰੇਟਾ ਥਨਬਰਗ ਦਾ ਅਸਲੀ ਨਾਮ ਗਜਾਲਾ ਭੱਟ ਹੈ। ਇਸ ਦਾਅਵੇ ਨੂੰ ਲੈ ਕੇ ਰੋਜ਼ਾਨਾ ਸਪੋਕਸਮੈਨ ਨੇ ਇਸ ਦਾ ਫੈਕਟ ਚੈੱਕ ਕੀਤਾ ਸੀ ਜਿਸ ਨੂੰ ਇਥੇ ਕਲਿੱਕ ਕਰ ਕੇ ਪੜ੍ਹਿਆ ਜਾ ਸਕਦਾ ਹੈ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਐਡੀਟੇਡ ਹੈ। ਇਸ ਪੋਸਟ ਰਾਹੀਂ ਗ੍ਰੇਟਾ ਥਨਬਰਗ 'ਤੇ ਨਿਸ਼ਾਨਾ ਸਾਧ ਉਸਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
Claim: ਤਸਵੀਰ ਵਿਚ ਗ੍ਰੇਟਾ ਥਨਬਰਗ ਜਿਥੇ ਖਾਣਾ ਖਾ ਰਹੀ ਹੈ ਉਸਦੇ ਨਾਲ ਖਿੜਕੀ ਦੇ ਬਾਹਰ ਕੁਝ ਗਰੀਬ ਬੱਚਿਆਂ ਨੂੰ ਬੈਠਾ ਵੇਖਿਆ ਜਾ ਸਕਦਾ ਹੈ।
Claimed By: ਟਵਿੱਟਰ ਯੂਜ਼ਰ Umesh Singh Tomar
Fact Check: ਫਰਜ਼ੀ
