ਕਿਰਸਾਨੀ ਅੰਦੋਲਨ ਦੌਰਾਨ ਜਿਨ੍ਹਾਂ ਦਾ ਵਿਰੋਧ ਕੀਤਾ ਗਿਆ ਸੀ ਹੁਣ ਫਿਰ ਤੋਂ ਉਨ੍ਹਾਂ ਅਡਾਨੀ ਗੁਦਾਮਾਂ ਵਿਚ ਹੀ ਕਿਸਾਨ ਆਪਣੀ ਫ਼ਸਲ ਵੇਚ ਰਹੇ ਹਨ!
ਚੰਡੀਗੜ੍ਹ : ਇੱਕ ਸਾਲ ਦੇ ਅੰਦਰ ਹੀ ਤਸਵੀਰ ਪੂਰੀ ਤਰ੍ਹਾਂ ਬਦਲ ਗਈ ਹੈ। ਕਿਰਸਾਨੀ ਅੰਦੋਲਨ ਦੌਰਾਨ ਜਿਨ੍ਹਾਂ ਦਾ ਵਿਰੋਧ ਕੀਤਾ ਗਿਆ ਸੀ ਹੁਣ ਫਿਰ ਤੋਂ ਉਨ੍ਹਾਂ ਅਡਾਨੀ ਗੁਦਾਮਾਂ ਵਿਚ ਹੀ ਕਿਸਾਨ ਆਪਣੀ ਫ਼ਸਲ ਵੇਚ ਰਹੇ ਹਨ। ਇਸ ਸਾਰੇ ਹਾਲਾਤ 'ਤੇ ਤੰਜ਼ ਕੱਸਦੀ ਇੱਕ ਤਸਵੀਰ ਸਾਹਮਣੇ ਆਈ ਹੈ।
photo
ਇਸ ਵਿਚ ਇੱਕ ਛੋਟੇ ਬੱਚੇ ਨੇ ਹੱਥ ਵਿਚ ਸੰਦੇਸ਼ ਲਿਖੀ ਇੱਕ ਤਖ਼ਤੀ ਫੜੀ ਹੋਈ ਹੈ ਜਿਸ ਉਪਰ ਲਿਖਿਆ ਹੈ 'ਮੁੱਲ 6 ਮਹੀਨਿਆਂ ਵਿਚ ਭੁੱਲ ਗਏ ਨੇ ਦਿੱਤੀ ਕੁਰਬਾਨੀ ਦਾ, ਖੜ੍ਹਾ ਟਰੈਕਟਰ ਸਾਇਲੋ ਮੂਹਰੇ ਝੰਡਾ ਲਾ ਕਿਰਸਾਨੀ ਦਾ।'' ਬਰਨਾਲਾ ਦੇ ਰਹਿਣ ਵਾਲੇ ਇਸ ਬੱਚੇ ਨੇ ਉਨ੍ਹਾਂ ਕਿਸਾਨਾਂ 'ਤੇ ਤੰਜ਼ ਕੱਸਿਆ ਹੈ ਜੋ ਕਿਰਸਾਨੀ ਅੰਦੋਲਨ ਖ਼ਤਮ ਹੋਣ ਦੇ ਕਰੀਬ 6 ਮਹੀਨਿਆਂ ਅੰਦਰ ਹੀ ਬਦਲ ਗਏ ਹਨ ਅਤੇ ਆਪਣੀਆਂ ਫਸਲਾਂ ਉਨ੍ਹਾਂ ਨੂੰ ਵੇਚ ਰਹੇ ਹਨ ਜਿਨ੍ਹਾਂ ਦਾ ਕਿਸੇ ਵੇਲੇ ਵਿਰੋਧ ਕਰਦੇ ਸਨ।
Farmers
ਜ਼ਿਕਰਯੋਗ ਹੈ ਕਿ ਕਿਰਸਾਨੀ ਅੰਦੋਲਨ ਦੌਰਾਨ ਅਡਾਨੀ ਸਾਇਲੋ ਪਲਾਂਟ ਬੰਦ ਕਰਵਾ ਦਿਤੇ ਗਏ ਸਨ ਅਤੇ ਉਨ੍ਹਾਂ ਦਾ ਵਿਰੋਧ ਕਰਦਿਆਂ ਚਲਣ ਨਹੀਂ ਦਿਤਾ ਗਿਆ ਸੀ ਪਰ ਹੁਣ ਕਿਸਾਨਾਂ ਵਲੋਂ ਉਨ੍ਹਾਂ ਗਈ ਗੁਦਾਮਾਂ ਵਿਚ ਫ਼ਸਲ ਵੇਚਣ ਨੂੰ ਤਰਜੀਹ ਦਿਤੀ ਜਾ ਰਹੀ ਹੈ।
