Patiala News : ਕਿਸਾਨਾਂ ਵਲੋਂ ਦੁਬਾਰਾ ਕਬਜ਼ਾ ਕਰਨ ਦੀ ਕੋਸ਼ਿਸ਼, ਪੁਲਿਸ ਮੁਲਾਜ਼ਮਾਂ ਨਾਲ ਹੋਇਆ ਤਕਰਾਰ
Farmers and Police Administration Face Off Again Over Acquired Land in Patiala Latest News in Punjabi ਪਟਿਆਲਾ ’ਚ ਐਕਵਾਇਰ ਕੀਤੀ ਜ਼ਮੀਨ ਨੂੰ ਲੈ ਕੇ ਕਿਸਾਨ ਤੇ ਪੁਲਿਸ ਪ੍ਰਸ਼ਾਸਨ ਮੁੜ ਆਹਮੋਂ-ਸਾਹਮਣੇ ਹੋਏ ਹਨ। ਦੱਸ ਦਈਏ ਕਿ ਕਿਸਾਨਾਂ ਵਲੋਂ ਇਸ ਜ਼ਮੀਨ ’ਤੇ ਦੁਬਾਰਾ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਜਿਸ ਦੇ ਚੱਲਦਿਆਂ ਪੁਲਿਸ ਮੁਲਾਜ਼ਮਾਂ ਤੇ ਕਿਸਾਨਾਂ ਵਿਚਕਾਰ ਜੰਮ ਕੇ ਬਹਿਸਬਾਜ਼ੀ ਹੋਈ।
ਦੱਸ ਦਈਏ ਕਿ ਪਟਿਆਲਾ ਦੇ ਪਿੰਡ ਜਾਹਲਾਂ ’ਚ ਕਿਸਾਨਾਂ ਨੇ ਪ੍ਰਸ਼ਾਸਨ ਵਲੋਂ ਐਕਵਾਇਰ ਕੀਤੀ 18 ਏਕੜ ਜ਼ਮੀਨ ਉੱਪਰ ਦੁਬਾਰਾ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ, ਜਿਸ ਕਾਰਨ ਨੂੰ ਇਕ ਵਾਰ ਫਿਰ ਤੋਂ ਕਿਸਾਨਾਂ ਅਤੇ ਪੁਲਿਸ ਪ੍ਰਸ਼ਾਸਨ ਵਿਚਕਾਰ ਤਕਰਾਰ ਹੋ ਗਿਆ।
ਮਾਮਲਾ ਪਟਿਆਲਾ ਦੇ ਪਿੰਡ ਜਾਹਲਾਂ ਦਾ ਹੈ ਜਿੱਥੇ ਕਿਸਾਨਾਂ ਤੇ ਪਿੰਡ ਦੇ ਡੇਰੇ ਦੇ ਮਹੰਤ ਦੇ ਵਿਚਕਾਰ ਜ਼ਮੀਨ ਨੂੰ ਲੈ ਕੇ ਵਿਵਾਦ ਕੋਰਟ ਵਿਚ ਚੱਲ ਰਿਹਾ ਸੀ ਅਤੇ ਇਸੇ ਪਿੰਡ ਦੀ 18 ਏਕੜ ਜ਼ਮੀਨ ਪਟਿਆਲਾ ਸਰਹੰਦ ਬਾਈਪਾਸ ਦੇ ਲਈ ਐਕਵਾਇਰ ਹੋਣੀ ਸੀ ਅਤੇ ਕਿਸਾਨਾਂ ਵਲੋਂ ਇਸ ਐਕਵਾਇਰ ਜ਼ਮੀਨ ਦੀ ਮੁਆਵਜ਼ਾ ਰਾਸ਼ੀ ਲਈ ਪ੍ਰਸ਼ਾਸਨ ਉੱਪਰ ਦਬਾਅ ਪਾਇਆ ਜਾ ਰਿਹਾ ਸੀ ਅਤੇ ਪ੍ਰਸ਼ਾਸਨ ਵਲੋਂ ਇਹ ਗੱਲ ਕਹੀ ਗਈ ਸੀ ਕਿ ਅਸੀਂ ਮੁਆਵਜ਼ੇ ਦੇ ਪੈਸੇ ਕੋਰਟ ਦੇ ਵਿਚ ਜਮ੍ਹਾਂ ਕਰਵਾ ਦਿੰਦੇ ਹਾਂ ਅਤੇ ਜੋ ਵੀ ਧਿਰ ਕੋਰਟ ਵਿਚੋਂ ਮਾਮਲਾ ਜਿੱਤ ਜਾਵੇਗੀ, ਉਸ ਨੂੰ ਇਹ ਪੈਸੇ ਕੋਰਟ ਦੇ ਦੇਵੇਗਾ।
ਇਸ ਸਬੰਧੀ 23 ਤਰੀਕ ਨੂੰ ਪ੍ਰਸ਼ਾਸਨ ਵਲੋਂ 18 ਏਕੜ ਜ਼ਮੀਨ ਨੂੰ ਐਕਵਾਇਰ ਵੀ ਕਰ ਲਿਆ ਗਿਆ ਸੀ ਅਤੇ ਅੱਜ ਭਾਕਿਯੂ ਉਗਰਾਹਾਂ ਜਥੇਬੰਦੀ ਵਲੋਂ ਮੁੜ ਤੋਂ ਇਸ ਜ਼ਮੀਨ ਵਿਚ ਝੋਨੇ ਦੀ ਫ਼ਸਲ ਲਗਾਈ ਗਈ ਅਤੇ ਜਦੋਂ ਪੁਲਿਸ ਦੇ ਕੁੱਝ ਮੁਲਾਜ਼ਮ ਉਥੇ ਮੌਕੇ ’ਤੇ ਪਹੁੰਚੇ ਤਾਂ ਕਿਸਾਨਾਂ ਵਲੋਂ ਉਨ੍ਹਾਂ ਨਾਲ ਜੰਮ ਕੇ ਬਹਿਸਬਾਜੀ ਕੀਤੀ ਗਈ।
ਇਸ ਸਬੰਧੀ ਐਸ.ਐਚ.ਓ. ਪਸਿਆਣਾ ਅਮਨਦੀਪ ਸਿੰਘ ਵਿਰਕ ਨੇ ਦਸਿਆ ਕਿ 28 ਤਰੀਕ ਨੂੰ ਪ੍ਰਸ਼ਾਸਨ ਨਾਲ ਮੀਟਿੰਗ ਰੱਖੀ ਗਈ ਹੈ, ਜੋ ਕੁੱਝ ਵੀ ਕਿਸਾਨਾਂ ਵਲੋਂ ਗਲਤ ਕੀਤਾ ਜਾ ਰਿਹਾ ਹੈ, ਉਸ ਦੇ ਵਿਰੁਧ ਬਣਦੀ ਕਾਰਵਾਈ ਵੀ ਕੀਤੀ ਜਾਵੇਗੀ।
(For more news apart from Farmers and Police Administration Face Off Again Over Acquired Land in Patiala Latest News in Punjabi stay tuned to Rozana Spokesman.)
