ਵਰਕਸ਼ਾਪ ਦਾ ਦੂਜਾ ਦਿਨ ਅਨੀਮੀਆ ਅਤੇ ਕੁਪੋਸ਼ਣ ਦੀ ਰੋਕਥਾਮ ਲਈ ਮੁਢਲੇ ਪੋਸ਼ਕ ਤੱਤਾਂ ਉੱਪਰ ਕੇਂਦਰਿਤ ਸੀ।
ਲੁਧਿਆਣਾ - ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਲੁਧਿਆਣਾ ਦੇ ਸਕਿੱਲ ਡਿਵੈਲਪਮੈਂਟ ਸੈਂਟਰ ਵਲੋਂ ਆਂਗਨਵਾੜੀ ਵਰਕਰਾਂ ਅਤੇ ਸੁਪਰਵਾਇਜ਼ਰਾਂ ਲਈ ਦੋ ਰੋਜ਼ਾ ਸਿਖਲਾਈ ਵਰਕਸ਼ਾਪ ਕਰਵਾਈ ਗਈ। ਕੁੱਲ ਮਿਲਾ ਕੇ 182 ਆਂਗਨਵਾੜੀ ਵਰਕਰਾਂ ਨੇ ਇਸ ਸਿਖਲਾਈ ਵਿਚ ਹਿੱਸਾ ਲਿਆ। ਵਰਕਸ਼ਾਪ ਦਾ ਦੂਜਾ ਦਿਨ ਅਨੀਮੀਆ ਅਤੇ ਕੁਪੋਸ਼ਣ ਦੀ ਰੋਕਥਾਮ ਲਈ ਮੁਢਲੇ ਪੋਸ਼ਕ ਤੱਤਾਂ ਉੱਪਰ ਕੇਂਦਰਿਤ ਸੀ।
A two day workshop for Anganwadi workers was conducted at PAU
ਸਕਿੱਲ ਡਿਵੈਲਪਮੈਂਟ ਸੈਂਟਰ ਦੇ ਸਹਿਯੋਗੀ ਨਿਰਦੇਸ਼ਕ ਡਾ ਤੇਜਿੰਦਰ ਸਿੰਘ ਰਿਆੜ ਨੇ ਸਿਖਿਆਰਥੀਆਂ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਵਰਕਸ਼ਾਪ ਵਿਚ ਭਾਗ ਲੈਣ ਵਾਲਿਆਂ ਨੂੰ ਢੁਕਵੀਆਂ ਪੋਸ਼ਣ ਤਕਨੀਕਾਂ ਦੀ ਵਰਤੋਂ ਲਈ ਮਾਹਿਰਾਂ ਦੇ ਸੰਪਰਕ ਵਿਚ ਰਹਿਣ ਦੀ ਅਪੀਲ ਕੀਤੀ। ਭਾਰਤੀ ਡਾਇਟੈਟਿਕ ਐਸੋਸੀਏਸ਼ਨ ਦੇ ਲੁਧਿਆਣਾ ਭਾਗ ਦੇ ਕਨਵੀਨਰ ਡਾ ਜਸਪ੍ਰੀਤ ਕੌਰ ਨੇ ਸਿਖਿਆਰਥੀਆਂ ਨੂੰ ਹਾਸਿਲ ਕੀਤੀ ਜਾਣਕਾਰੀ ਦੀ ਸਹੀ ਵਰਤੋਂ ਕਰਨ ਤੇ ਜਾਣਕਾਰੀ ਆਪਣੇ ਖੇਤਰ ਵਿਚ ਸਾਂਝੀ ਕਰਨ ਲਈ ਪ੍ਰੇਰਿਤ ਕੀਤਾ।
A two day workshop for Anganwadi workers was conducted at PAU
ਸੀਨੀਅਰ ਪਸਾਰ ਮਾਹਿਰ ਅਤੇ ਵਰਕਸ਼ਾਪ ਦੇ ਕਨਵੀਨਰ ਡਾ ਕਿਰਨ ਗਰੋਵਰ ਨੇ ਕੁਪੋਸ਼ਣ ਅਤੇ ਅਨੀਮੀਆ ਦੀ ਰੋਕਥਾਮ ਦੇ ਤਰੀਕੇ ਸਾਂਝੇ ਕੀਤੇ। ਉਨ੍ਹਾਂ ਨੇ ਰੋਜ਼ਾਨਾ ਖੁਰਾਕ ਵਿਚ ਹਰੀਆਂ ਪੱਤੇਦਾਰ ਸਬਜ਼ੀਆਂ ਦੀ ਵਰਤੋਂ ਬਾਰੇ ਭਰਪੂਰ ਜਾਣਕਾਰੀ ਸਾਂਝੀ ਕੀਤੀ। ਭੋਜਨ ਤੇ ਪੋਸ਼ਣ ਵਿਭਾਗ ਦੇ ਸਹਿਯੋਗੀ ਪ੍ਰੋਫੈਸਰ ਡਾ ਸੋਨਿਕਾ ਸ਼ਰਮਾ ਨੇ ਗਰਭਵਤੀ ਅਤੇ ਜੱਚਾ ਔਰਤਾਂ ਵਿਚ ਪੋਸ਼ਕਤਾ ਦੇ ਵਾਧੇ ਬਾਰੇ ਆਪਣਾ ਭਾਸ਼ਣ ਦਿੱਤਾ।
A two day workshop for Anganwadi workers was conducted at PAU
ਉਨ੍ਹਾਂ ਨੇ ਔਰਤਾਂ ਦੀ ਖੁਰਾਕ ਵਿਚ ਪੋਸ਼ਕ ਤੱਤਾਂ ਦੇ ਵਾਧੇ ਲਈ ਘੱਟ ਕੀਮਤ ਦੇ ਪੋਸ਼ਕ ਤੱਤਾਂ ਬਾਰੇ ਜਾਗਰੂਕ ਕੀਤਾ। ਸਹਾਇਕ ਪ੍ਰੋਫੈਸਰ ਡਾ ਨਵਜੋਤ ਕੌਰ ਨੇ ਪੁੰਗਰੇ ਅਨਾਜ, ਸਬਜ਼ੀਆਂ, dwelt ਅਤੇ ਤੇਲਬੀਜਾਂ ਦੀ ਵਰਤੋਂ ਨਾਲ ਨਵਜੰਮੇ ਅਤੇ ਛੋਟੇ ਬੱਚਿਆਂ ਵਿਚ ਪੋਸ਼ਣ ਦੀਆਂ ਲੋੜਾਂ ਦੀ ਪੂਰਤੀ ਬਾਰੇ ਚਾਨਣਾ ਪਾਇਆ। ਅੰਤ ਵਿਚ ਬਾਲ ਵਿਕਾਸ ਪ੍ਰਾਜੈਕਟ ਅਧਿਕਾਰੀ ਸ਼੍ਰੀਮਤੀ ਰਵਿੰਦਰਪਾਲ ਕੌਰ ਨੇ ਮਾਹਿਰਾਂ ਦਾ ਵਡਮੁੱਲੀ ਜਾਣਕਾਰੀ ਪ੍ਰਦਾਨ ਕਰਨ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਇਸ ਵਰਕਸ਼ਾਪ ਨੂੰ ਲਾਭਕਾਰੀ ਕਿਹਾ ਤੇ ਲਗਾਤਾਰ ਐਸੀਆਂ ਵਰਕਸ਼ਾਪਾਂ ਕਰਾਉਣ ਦੀ ਲੋੜ ਤੇ ਜ਼ੋਰ ਦਿੱਤਾ।
A two day workshop for Anganwadi workers was conducted at PAU
A two day workshop for Anganwadi workers was conducted at PAU
A two day workshop for Anganwadi workers was conducted at PAU
