ਪਰ ਜਿਹੜੀ ਨੀਤੀਆਂ ਬਣਾਈਆਂ ਜਾਂਦੀਆਂ ਹਨ ਉਹ ਸਰਕਾਰਾਂ ਦੇ...
ਚੰਡੀਗੜ੍ਹ: ਦਫੇਦਾਰ ਹਰਜਿੰਦਰ ਸਿੰਘ ਨੇ ਕਿਸਾਨ ਦਾ ਦਰਦ ਇਕ ਵੀਡੀਓ ਰਾਹੀਂ ਪੇਸ਼ ਕੀਤਾ ਹੈ। ਉਹਨਾਂ ਕਿਹਾ ਕਿ ਲੋਕਾਂ ਨੇ ਜ਼ਮੀਨ ਤੇ ਟਰੈਕਟਰ ਚਲਦੇ ਤਾਂ ਬਥੇਰੇ ਦੇਖੇ ਹਨ ਪਰ ਅੱਜ ਕਿਸਾਨ ਦੀ ਹਿੱਕ ਤੇ ਟਰੈਕਟਰ ਚਲਿਆ ਹੈ। ਜਿਵੇਂ ਕਿ ਸਰਕਾਰਾਂ ਅਤੇ ਵਿਦਵਾਨਾਂ ਦਾ ਕਹਿਣਾ ਹੈ ਪਾਣੀ ਬਚਾਓ, ਖਰਚੇ ਬਚਾਓ ਤੇ ਸਿੱਧੀ ਬਿਜਾਈ ਕਰੋ।
ਇਸ ਵਾਰ ਕੋਰੋਨਾ ਦੇ ਚਲਦੇ ਲੇਬਰ ਦੀ ਬਹੁਤ ਵੱਡੀ ਮੁਸ਼ਕਿਲ ਆਈ ਹੈ। ਉਹਨਾਂ ਨੇ ਇਹ ਬਿਜਾਈ ਕੀਤੀ ਵੀ ਸੀ ਪਰ ਉਹਨਾਂ ਨੂੰ ਹੁਣ ਇਹ ਵਾਹੁਣੀ ਪੈ ਗਈ। ਇਸ ਵਿਚ ਉੱਗੇ ਘਾਹ ਲਈ ਦਵਾਈ ਦਾ ਝਿੜਕਾਅ ਕੀਤਾ ਸੀ ਤਾਂ ਕਿ ਘਾਹ ਮਰ ਜਾਵੇ ਪਰ ਅਜਿਹਾ ਨਹੀਂ ਹੋਇਆ। ਕਿਸਾਨਾਂ ਤੇ ਬਹੁਤ ਸਾਰੀਆਂ ਆਫ਼ਤਾਂ ਆਉਂਦੀਆਂ ਰਹਿੰਦੀਆਂ ਹਨ ਜਿਹਨਾਂ ਅੱਗੇ ਉਹ ਲਾਚਾਰ ਹੈ, ਇਹਨਾਂ ਆਫ਼ਤਾਂ ਅੱਗੇ ਉਸ ਦਾ ਵੱਸ ਵੀ ਨਹੀਂ ਚਲਦਾ।
ਪਰ ਜਿਹੜੀ ਨੀਤੀਆਂ ਬਣਾਈਆਂ ਜਾਂਦੀਆਂ ਹਨ ਉਹ ਸਰਕਾਰਾਂ ਦੇ ਹੱਥ ਵਿਚ ਹਨ। ਸਰਕਾਰ ਜੇ ਚਾਹੁੰਣ ਤਾਂ ਕਿਸਾਨ ਜੋ ਕਿ ਦੇਸ਼ ਦੀ ਰੀੜ ਦੀ ਹੱਡੀ ਹੈ ਉਸ ਦੇ ਲਈ ਨਵੀਆਂ ਤੇ ਕਿਸਾਨਾਂ ਦੇ ਹੱਕ ਵਿਚ ਨੀਤੀਆਂ ਬਣਾਈਆਂ ਜਾਣ ਤਾਂ ਜੋ ਕਿਸਾਨ ਖੁਦਕੁਸ਼ੀ ਨਾ ਕਰੇ, ਉਸ ਨੂੰ ਹੋਰਨਾਂ ਮੁਸ਼ਕਿਲਾਂ ਦਾ ਸਾਹਮਣਾ ਨਾ ਕਰਨਾ ਪਵੇ। ਪਰ ਦੁੱਖ ਦੀ ਗੱਲ ਹੈ ਕਿ ਸਰਕਾਰ ਕਿਸਾਨ ਵਾਸਤੇ ਨੀਤੀਆਂ ਨਾ ਬਣਾ ਕੇ ਬਦਨੀਤੀਆਂ ਹੀ ਬਣਾਉਂਦੀ ਹੈ।
ਵਪਾਰੀ ਵਰਗ ਨੂੰ ਖੁਸ਼ ਕਰਨ ਲਈ ਕਿਸਾਨਾਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ਮਤਲਬ ਹਰ ਪਾਸੇ ਮਾਰ ਹੀ ਮਾਰ ਹੈ। ਕਿਸਾਨਾਂ ਨੇ ਦਸਿਆ ਕਿ ਉਹਨਾਂ ਨੇ ਘਾਹ ਨੂੰ ਨਸ਼ਟ ਕਰਨ ਲਈ ਮਹਿੰਗੀ ਕੀਮਤ ਤੇ ਦਵਾਈ ਲਿਆਂਦੀ ਸੀ ਪਰ ਉਸ ਨੇ ਇਕ ਪ੍ਰਤੀਸ਼ਤ ਵੀ ਅਸਰ ਨਹੀਂ ਦਿਖਾਇ ਤੇ ਇਸ ਵਿਚ ਘਾਹ ਉਸੇ ਤਰ੍ਹਾਂ ਹੀ ਖੜਾ ਹੈ।
ਇਸ ਲਈ ਮਜ਼ਬੂਰਨ ਉਹਨਾਂ ਨੂੰ ਝੋਨਾ ਵਾਹੁਣਾ ਪਿਆ ਹੈ। ਕੰਪਨੀਆਂ ਆਪਣੀ ਮਰਜ਼ੀ ਨਾਲ ਨਕਲੀ ਦਵਾਈਆਂ ਭਾਰੀ ਕੀਮਤ ਤੇ ਵੇਚ ਰਹੀਆਂ ਹਨ ਤੇ ਇਹਨਾਂ ਤੇ ਲਗਾਮ ਲਾਉਣ ਵੱਲ ਕੋਈ ਧਿਆਨ ਨਹੀਂ ਦੇ ਰਿਹਾ। ਉਹ ਵੀ ਕਿਸਾਨਾਂ ਨੂੰ ਘਟੀਆ ਬੀਜ਼ ਦੇ ਕੇ ਉਹਨਾਂ ਨੂੰ ਲੁੱਟਣ ਵਿਚ ਕੋਈ ਕਸਰ ਨਹੀਂ ਛੱਡ ਰਹੇ।
ਸਰਕਾਰਾਂ ਦੇ ਇਹਨਾਂ ਲੁੱਟਣਖੋਰਾਂ ਨਾਲ ਮਿਲੇ ਹੋਣ ਕਰ ਕੇ ਅਜਿਹੇ ਘਟੀਆ ਉਤਪਾਦ ਮਾਰਕਿਟ ਵਿਚ ਆਉਂਦੇ ਹਨ। ਉਹਨਾਂ ਨੇ ਕੈਪਟਨ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿਉਹ ਕਿਸਾਨਾਂ ਨੂੰ 8 ਘੰਟੇ ਬਿਜਲੀ ਦੇਵੇ ਤਾਂ ਜੋ ਉਹ ਸਮੇਂ ਸਿਰ ਖੇਤੀ ਦਾ ਕੰਮ ਨੇਪਰੇ ਚਾੜ੍ਹ ਸਕਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।