ਅੱਜ ਅਸੀਂ ਤੁਹਾਨੂੰ ਝੋਨੇ ਦੀ ਅਜਿਹੀ ਫ਼ਸਲ ਬਾਰੇ ਦੱਸਣ...
ਮੋਗਾ: ਮੌਜੂਦਾ ਸਮੇਂ ਝੋਨੇ ਦਾ ਸੀਜ਼ਨ ਬੜੇ ਜ਼ੋਰਾਂ-ਸ਼ੋਰਾਂ ਤੇ ਚਲ ਰਿਹਾ ਹੈ। ਸਾਰੇ ਕਿਸਾਨ ਆਪੋ-ਅਪਣੇ ਖੇਤਾਂ ਵਿਚ ਲਗਾਏ ਗਏ ਝੋਨੇ ਨੂੰ ਪਾਣੀ ਲਾਉਣ ਅਤੇ ਦਵਾਈਆਂ ਆਦਿ ਦੇ ਛਿੜਕਾਅ ਕਰਨ ਵਿਚ ਰੁੱਝੇ ਹੋਏ ਹਨ ਤਾਂ ਜੋ ਉਹਨਾਂ ਨੂੰ ਚੰਗੀ ਪੈਦਾਵਾਰ ਮਿਲ ਸਕੇ ਕਿਉਂ ਕਿ ਮਿਹਨਤ ਕਰਨਾ ਕਿਸਾਨ ਦਾ ਫ਼ਰਜ਼ ਹੈ। ਪਰ ਫ਼ਸਲ ਦੀ ਪੈਦਾਵਾਰ ਦੇਣਾ ਕੁਦਰਤ ਦੇ ਹੱਥ ਹੈ।
Paddy
ਅੱਜ ਅਸੀਂ ਤੁਹਾਨੂੰ ਝੋਨੇ ਦੀ ਅਜਿਹੀ ਫ਼ਸਲ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਨਾ ਤਾਂ ਕਿਸਾਨ ਨੇ ਮਸ਼ੀਨ ਰਾਹੀਂ ਬੀਜਿਆ ਹੈ, ਨਾ ਛਿੱਟਾ ਦਿੱਤਾ ਹੈ ਤੇ ਨਾ ਹੀ ਕਿਸੇ ਮਜ਼ਦੂਰ ਕੋਲੋਂ ਲਵਾਇਆ ਹੈ ਬਲਕਿ ਪੂਰੇ ਇਕ ਸਾਲ ਮਗਰੋਂ ਇਹ ਝੋਨਾ ਅਪਣੇ-ਆਪ ਹੀ ਖੇਤਾਂ ਵਿਚ ਉੱਗ ਗਿਆ ਹੈ। ਹੈਰਾਨੀ ਦੀ ਗੱਲ ਇਹ ਵੀ ਹੈ ਕਿ ਇਸ ਸਾਲ ਕਣਕ ਦੀ ਫ਼ਸਲ ਵੀ ਬੀਜੀ ਗਈ ਜੋ ਕਿ ਕਿਸਾਨ ਨੇ ਵੱਢ ਲਈ ਪਰ ਹੁਣ ਖੇਤ ਵਿਚ ਪਿਛਲੇ ਸਾਲ ਦਾ ਖਿੰਡਿਆ ਝੋਨਾ ਅਪਣੇ ਆਪ ਉੱਗ ਆਇਆ ਹੈ।
Sukhwinder Singh
ਇਹ ਘਟਨਾਕਰਮ ਮੋਗਾ ਦੇ ਪਿੰਡ ਕੜਿਆਲ ਦੇ ਕਿਸਾਨ ਸੁਖਵਿੰਦਰ ਸਿੰਘ ਸੁੱਖਾ ਦੇ ਖੇਤਾਂ ਵਿਚ ਵਾਪਰਿਆ ਹੈ। ਜਿਸ ਦੀ ਵੀਡੀਓ ਬਣਾ ਕੇ ਸੁੱਖਾ ਕਬੱਡੀ ਕਮੈਂਟੇਟਰ ਵੱਲੋਂ ਪੋਸਟ ਕੀਤੀ ਗਈ ਹੈ। ਉਸ ਵੱਲੋਂ ਬਣਾਈ ਗਈ ਵੀਡੀਓ ਵਿਚ ਉਹ ਕਹਿ ਰਹੇ ਹਨ ਕਿ ਉਹ ਅੱਜ ਅਜਿਹਾ ਝੋਨਾ ਵਿਖਾਉਣ ਜਾ ਰਹੇ ਹਨ ਜਿਸ ਨੂੰ ਦੇਖ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।
Paddy
ਵੀਡੀਓ ਵਿਚ ਉਹਨਾਂ ਵੱਲੋਂ ਅਪਣਾ ਪਤਾ ਦਸਿਆ ਜਾ ਰਿਹਾ ਹੈ। ਝੋਨਾ ਵਿਖਾਉਂਦਿਆਂ ਉਹਨਾਂ ਦਸਿਆ ਕਿ ਇਹ ਨਾ ਤਾਂ ਡ੍ਰਿਲ ਨਾਲ ਲਗਾਇਆ ਹੈ ਤੇ ਨਾ ਹੀ ਕਿਸੇ ਮਜ਼ਦੂਰ ਨੇ। ਇਹ ਪਿਛਲੇ ਸਾਲ ਤੋਂ ਬਾਅਦ ਹੁਣ ਅਪਣੇ ਆਪ ਉੱਗਿਆ ਹੈ। ਉਹਨਾਂ ਨੇ ਇਹ ਜ਼ਮੀਨ ਭੱਠੇ ਵਾਲਿਆਂ ਨੂੰ ਦਿੱਤੀ ਹੋਈ ਸੀ ਉਸ ਤੋਂ ਬਾਅਦ ਉਹਨਾਂ ਨੇ ਇਸ ਜ਼ਮੀਨ ਨੂੰ ਵਹਾਉਣਾ ਚਾਹਿਆ ਪਰ ਜਦੋਂ ਉਹ ਖੇਤ ਆਏ ਤਾਂ ਝੋਨਾ ਉੱਗਿਆ ਹੋਇਆ ਸੀ।
Paddy
ਉਸ ਤੋਂ ਬਾਅਦ ਉਹਨਾਂ ਨੇ ਇਸ ਨੂੰ ਉਸੇ ਤਰ੍ਹਾਂ ਹੀ ਰਹਿਣ ਦਿੱਤਾ। ਇਸ ਵਿਚ ਕੋਈ ਘਾਹ ਵੀ ਨਹੀਂ ਉੱਗਿਆ ਤੇ ਨਾ ਹੀ ਇਸ ਝੋਨੇ ਨੂੰ ਕੋਈ ਦਵਾਈ ਦਾ ਛਿੜਕਾਅ ਕੀਤਾ ਗਿਆ ਹੈ। ਉਹਨਾਂ ਨੇ ਹੋਰਨਾਂ ਕਿਸਾਨਾਂ ਨੂੰ ਵੀ ਇਹੀ ਸੁਨੇਹਾ ਦਿੱਤਾ ਹੈ ਕਿ ਜਿੰਨਾ ਹੋ ਸਕੇ ਖਰਚੇ ਤੋਂ ਬਚਿਆ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
