21 ਸਾਲਾ ਦੇ ਕਿਸਾਨ ਨੇ ਕਰਤੀ ਕਮਾਲ, ਪੰਜਾਬ ਦੇ ਖੇਤਾਂ ‘ਚ ਹੀ ਸ਼ੁਰੂ ਕੀਤੀ ਚੰਦਨ ਦੀ ਖੇਤੀ
Published : Dec 15, 2019, 3:42 pm IST
Updated : Dec 15, 2019, 3:42 pm IST
SHARE ARTICLE
Sandalwood Agriculture
Sandalwood Agriculture

ਅਮਨਦੀਪ ਸਿੰਘ ਨਾਂਅ ਦੇ ਇਸ ਨੌਜਵਾਨ ਨੇ ਚੰਦਨ ਦੀ ਖੇਤੀ ਕਰ ਕੇ ਪੰਜਾਬ ਕੇ ਕਿਸਾਨਾਂ ਨੂੰ ਨਵਾਂ ਰਸਤਾ ਦਿਖਾਇਆ ਹੈ।

ਮਾਨਸਾ: ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਨਾਲ ਜੂਝ ਰਹੇ ਪੰਜਾਬ ਦੇ ਕਿਸਾਨ ਅੱਜ-ਕੱਲ੍ਹ ਨਵੀਆਂ ਫਸਲਾਂ ਉਗਾ ਰਹੇ ਹਨ। ਅੱਜ ਅਸੀਂ ਤੁਹਾਨੂੰ ਜਿਸ ਨੌਜਵਾਨ ਕਿਸਾਨ ਬਾਰੇ ਦੱਸਣ ਜਾ ਰਹੇ ਹਾਂ, ਉਸ ਦੀ ਉਮਰ ਸਿਰਫ 21 ਸਾਲ ਹੈ ਅਤੇ ਇੰਨੀ ਘੱਟ ਉਮਰ ਵਿਚ ਇਹ ਨੌਜਵਾਨ ਚੰਦਨ ਦੀ ਖੇਤੀ ਕਰ ਰਿਹਾ ਹੈ। ਮਾਨਸਾ ਜਿਲ੍ਹੇ ਦੇ ਰਹਿਣ ਵਾਲੇ ਅਮਨਦੀਪ ਸਿੰਘ ਨਾਂਅ ਦੇ ਇਸ ਨੌਜਵਾਨ ਨੇ ਚੰਦਨ ਦੀ ਖੇਤੀ ਕਰ ਕੇ ਪੰਜਾਬ ਕੇ ਕਿਸਾਨਾਂ ਨੂੰ ਨਵਾਂ ਰਸਤਾ ਦਿਖਾਇਆ ਹੈ।

Amandeep SinghAmandeep Singh

ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਇਸ ਖੇਤੀ ਦੀ ਟਰੇਨਿੰਗ ਲੈਂਦਿਆਂ ਉਹਨਾਂ ਨੂੰ ਚਾਰ ਸਾਲ ਹੋ ਗਏ ਹਨ। ਉਹਨਾਂ ਦੱਸਿਆ ਕਿ ਉਹ ਇਸ ਦੀ ਟਰੇਨਿੰਗ ਲਈ ਬੰਗਲੁਰੂ ਵੀ ਗਏ ਸਨ ਅਤੇ ਟਰੇਨਿੰਗ ਤੋਂ ਬਾਅਦ ਹੀ ਉਹਨਾਂ ਨੇ ਚੰਦਨ ਦੀ ਖੇਤੀ ਦੀ ਸ਼ੁਰੂਆਤ ਕੀਤੀ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਚੰਦਨ ਦਾ ਪਲਾਂਟ 2 ਜਾਂ ਢਾਈ ਮਹੀਨਿਆਂ ਦਾ ਪਲਾਂਟ ਹੈ।

Sandalwood AgricultureSandalwood Agriculture

ਅਮਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਕਿਤੇ ਨਾ ਕਿਤੇ ਚੰਦਨ ਦਾ ਮੇਲ ਡ੍ਰਾਇਗਨ ਫਰੂਟ ਨਾਲ ਹੈ, ਇਸ ਨੂੰ ਪਾਣੀ ਬਹੁਤ ਘੱਟ ਚਾਹੀਦਾ ਹੁੰਦਾ ਹੈ। ਇਸ ਨੂੰ ਪਾਣੀ ਦੀ ਲੋੜ ਸਿਰਫ ਸ਼ੁਰੂਆਤੀ 5-6 ਸਾਲਾਂ ਵਿਚ ਹੀ ਹੁੰਦੀ ਹੈ। ਉਹਨਾਂ ਨੇ ਦੱਸਿਆ ਕਿ ਉਹ ਹਫਤੇ ਵਿਚ ਦੋ ਵਾਰ ਪਲਾਂਟ ਨੂੰ ਪਾਣੀ ਦਿੰਦੇ ਹਨ। ਉਹਨਾਂ ਦੱਸਿਆ ਕਿ ਇਸ ਨੂੰ ਲਗਾਉਣ ਦਾ ਸਹੀ ਸਮਾਂ ਸਾਉਣ ਦਾ ਮਹੀਨਾ ਹੈ ਕਿਉਂਕਿ ਇਸ ਮਹੀਨੇ ਵਿਚ ਜ਼ਿਆਦਾ ਬਾਰਿਸ਼ ਹੁੰਦੀ ਹੈ।

File Photo 1File Photo 1

ਅਮਨਦੀਪ ਨੇ ਦੱਸਿਆ ਕਿ ਚੰਦਨ ਇਕ ਹੁਸਟੇਰੀਆ ਪਲਾਂਟ ਹੈ ਅਤੇ ਇਹ ਅਪਣੀ ਖੁਰਾਕ ਦੂਜੇ ਪਲਾਂਟ ਤੋਂ ਲੈਂਦਾ ਹੈ, ਇਸ ਲਈ ਖਾਦ ਦੀ ਕੁਝ ਜ਼ਿਆਦਾ ਲੋੜ ਨਹੀਂ ਹੁੰਦੀ। ਇਸੇ ਕਾਰਨ ਇਸ ਪਲਾਂਟ ਦੇ ਨਾਲ ਹੋਰ ਕਈ ਤਰ੍ਹਾਂ ਦੇ ਪਲਾਂਟ ਲਗਾਏ ਗਏ ਹਨ, ਜ਼ਿਆਦਾਤਰ ਇਹ ਕੇਜ਼ੁਰੀਨਾ (ਹੋਸਟ ਪਲਾਂਟ) ‘ਤੇ ਨਿਰਭਰ ਹੁੰਦਾ ਹੈ। ਅਮਨਦੀਪ ਸਿੰਘ ਨੇ ਇਹ ਵੀ ਦੱਸਿਆ ਕਿ ਚੰਦਨ ਨੂੰ ਪੱਤਝੜ ਨਹੀਂ ਆਉਂਦੀ।

File Photo 2File Photo 2

ਕਈ ਵਾਰ ਇਸ ਦੇ ਸਟੇਮ ਵਿਚ ਇਕ ਕੀੜਾ ਲੱਗ ਜਾਂਦਾ ਹੈ, ਜੋ ਕਿ ਟੀਕੇ ਨਾਲ ਸਹੀ ਹੋ ਜਾਂਦਾ ਹੈ। ਉਹਨਾਂ ਦੱਸਿਆ ਕਿ ਸ਼ੁਰੂਆਤ ਵਿਚ ਚੰਦਨ ਦੇ ਪਲਾਂਟ ਨੂੰ ਫੰਗਸ ਤੋਂ ਬਚਾਉਣ ਲਈ ਫੰਗੀਸਾਈਡ ਕੀਤਾ ਜਾਂਦਾ ਹੈ। ਉਹਨਾਂ ਕਿਹਾ ਕਿ ਚੰਦਨ ਦਾ ਪਲਾਂਟ ਘੱਟ ਪਾਣੀ ਵਾਲੀਆਂ ਥਾਵਾਂ ‘ਤੇ ਵੀ ਉੱਗ ਸਕਦਾ ਹੈ। ਉਹਨਾਂ ਦੱਸਿਆ ਕਿ ਇਸ ਪਲਾਂਟ ਨੂੰ ਗਰਮੀ ਨਾਲ ਕੋਈ ਫਰਕ ਨਹੀਂ ਪੈਂਦਾ।

File Photo 3File Photo 3

ਪੰਜਾਬ ਵਿਚ ਏਨੀ ਠੰਢ ਨਹੀਂ ਹੁੰਦੀ, ਜਿਸ ਨਾਲ ਇਸ ਦਾ ਨੁਕਸਾਨ ਹੋਵੇ, ਪੰਜਾਬ ਦਾ ਮੌਸਮ ਇਸ ਪਲਾਂਟ ਲਈ ਢੁੱਕਵਾਂ ਹੈ। ਉਹਨਾਂ ਦੱਸਿਆ ਕਿ ਜੇਕਰ ਇਕ ਕਿੱਲੇ ਵਿਚ ਇਸ ਨੂੰ ਉਗਾਇਆ ਜਾਵੇ ਤਾਂ ਇਸ ਦੀ ਸਾਰੀ ਕਟਾਈ 12 ਤੋਂ 15 ਸਾਲਾਂ ਵਿਚ ਹੋਵੇਗੀ। ਇਕ ਪਲਾਂਟ ਵਿਚੋਂ 20 ਤੋਂ 25 ਕਿਲੋ ਤੱਕ ਹਾਰਟਵੁੱਡ ਹੁੰਦੀ ਹੈ। ਉਹਨਾਂ ਦੱਸਿਆ ਕਿ ਹਾਰਟਵੁੱਡ ਦੀ ਅੱਜ ਦੀ ਕੀਮਤ 6 ਤੋਂ 10 ਹਜ਼ਾਰ ਪ੍ਰਤੀ ਕਿਲੋਗ੍ਰਾਮ ਹੈ।

File Photo 4File Photo 4

ਬਾਕੀ ਲੱਕੜੀ ਦੀ ਕੀਮਤ 1000 ਰੁਪਏ ਪ੍ਰਤੀ ਕਿਲੋ ਹੈ ਅਤੇ ਇਕ ਪਲਾਂਟ ਵਿਚੋਂ 30 ਤੋਂ 40 ਕਿਲੋ ਤੱਕ ਨਿਕਲਦੀ ਹੈ। ਹਾਰਟਵੁੱਡ ਰਸਦਾਰ ਲੱਕੜੀ ਨੂੰ ਕਿਹਾ ਜਾਂਦਾ ਹੈ, ਜਿਸ ਦੀ ਵਰਤੋਂ ਚੰਦਨ ਦੇ ਤੇਲ ਦਵਾਈਆਂ, ਧੂਫ, ਅਗਰਬੱਤੀਆਂ, ਸਾਬਣ, ਪ੍ਰਫਿਊਮ ਆਦਿ ਵਿਚ ਹੁੰਦੀ ਹੈ। ਉਹਨਾਂ ਦੱਸਿਆ ਕਿ ਇਸ ਪਲਾਂਟ ਦੇ ਨਾਲ ਮਸੰਮੀ, ਕਿਨੂੰ ਜਾਂ ਆੜੂ ਆਦਿ ਫਲ ਲਗਾਏ ਜਾ ਸਕਦੇ ਹਨ।

File Photo 5File Photo 5

ਅਮਨਦੀਪ ਨੇ ਦੱਸਿਆ ਕਿ ਉਹ ਕਈ ਵਾਰ ਕਿਸਾਨਾਂ ਨੂੰ ਚੰਦਨ ਦੀ ਖੇਤੀ ਲਈ ਟਰੇਨਿੰਗ ਵੀ ਦਿੰਦੇ ਹਨ। ਅਸਲੀ ਪਲਾਂਟ 20 ਜਾਂ 25 ਸਾਲ ਪੁਰਾਣੇ ਬੀਜ ਤੋਂ ਹੀ ਲੱਗਦਾ ਹੈ। ਉਹਨਾਂ ਇਹ ਵੀ ਦੱਸਿਆ ਕਿ ਇਸ ਪਲਾਂਟ ਦੀ ਜੜ੍ਹ 3 ਜਾਂ 4 ਇੰਚ ਡੂੰਘੀ ਹੁੰਦੀ ਹੈ। ਅਮਨਦੀਪ ਸਿੰਘ ਨੇ ਦੱਸਿਆ ਚੰਦਨ ਦੇ ਪਲਾਂਟ ਲਗਾਉਣ ਲਈ 25 ਤੋਂ 30 ਹਜ਼ਾਰ ਰੁਪਏ ਤੱਕ ਦਾ ਖਰਚਾ ਹੁੰਦਾ ਹੈ।

File Photo 6File Photo 6

ਉਹਨਾਂ ਦੱਸਿਆ ਕਿ 15 ਸਾਲ ਬਾਅਦ ਇਕ ਪਲਾਂਟ ਦਾ ਮੁੱਲ 1 ਲੱਖ ਤੋਂ ਜ਼ਿਆਦਾ ਹੁੰਦਾ ਹੈ। ਅਮਨਦੀਪ ਸਿੰਘ ਨੇ ਕਿਸਾਨਾਂ ਨੂੰ ਸੁਨੇਹਾ ਦਿੱਤਾ ਕਿ ਉਹਨਾਂ ਨੂੰ ਹਿੰਮਤ ਨਹੀਂ ਹਾਰਨੀ ਚਾਹੀਦੀ। ਉਹਨਾਂ ਕਿਹਾ ਕਿ ਕਿਸਾਨਾਂ ਨੂੰ ਨਵੇਂ-ਨਵੇਂ ਤਜ਼ਰਬੇ ਕਰਦੇ ਰਹਿਣਾ ਚਾਹੀਦਾ ਹੈ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਕਿਉਂ ਪੰਜਾਬੀਆਂ 'ਚ ਸਭ ਤੋਂ ਵੱਧ ਵਿਦੇਸ਼ ਜਾਣ ਦਾ ਜਨੂੰਨ, ਕਿਵੇਂ ਘਟੇਗੀ ਵੱਧਦੀ ਪਰਵਾਸ ਦੀ ਪਰਵਾਜ਼ ?

06 Aug 2025 9:27 PM

Donald Trump ਨੇ India 'ਤੇ ਲੱਗਾ ਦਿੱਤਾ 50% Tariff, 24 ਘੰਟਿਆਂ 'ਚ ਲਗਾਉਣ ਦੀ ਦਿੱਤੀ ਸੀ ਧਮਕੀ

06 Aug 2025 9:20 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM
Advertisement