ਜ਼ਿਲ੍ਹਾ ਗੁਰਦਾਸਪੁਰ ਦੇ ਵੱਖ-ਵੱਖ ਪਿੰਡਾਂ ਵਿਚ ਗਰੀਬ ਲੋਕਾਂ ਨੂੰ ਦੋ ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੰਡੀ ਜਾਣ...
ਗੁਰਦਾਸਪੁਰ: ਜ਼ਿਲ੍ਹਾ ਗੁਰਦਾਸਪੁਰ ਦੇ ਵੱਖ-ਵੱਖ ਪਿੰਡਾਂ ਵਿਚ ਗਰੀਬ ਲੋਕਾਂ ਨੂੰ ਦੋ ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੰਡੀ ਜਾਣ ਵਾਲੀ ਕਣਕ ਵਿਚ ਘਪਲਾ ਕਰਨ ਦੇ ਦੋਸ਼ ਵਿਚ ਇੰਸਪੈਕਟਰ ਨੂੰ ਸਰਕਾਰ ਵੱਲੋਂ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਜਾਣਕਾਰੀ ਮੁਤਾਬਿਕ ਜ਼ਿਲਾ ਖੁਰਾਕ ਤੇ ਸਪਲਾਈ ਵਿਭਾਗ ਦੇ ਇੰਸਪੈਕਟਰਾਂ ਵੱਲੋਂ ਆਪਣੇ ਹੀ ਵਿਭਾਗ ਦੇ ਇੰਸਪੈਕਟਰ ਸੁਮਿਤ ਕੁਮਾਰ ਦੇ ਵਿਰੁੱਧ ਕਣਕ ਘੱਟ ਭੇਜਣ ਤੇ ਪਾਣੀ ਪਾ ਕੇ ਭੇਜਣ ਦਾ ਦੋਸ਼ ਲਗਾਇਆ ਗਿਆ ਸੀ। ਜਿਸ ਦੌਰਾਨ ਕਾਰਵਾਈ ਕਰਦੇ ਹੋਏ ਪੰਜਾਬ ਸਰਕਾਰ ਨੇ ਉਕਤ ਇੰਸਪੈਕਟਰ ਸੁਮਿਤ ਕੁਮਾਰ ਨੂੰ ਮੁਅੱਤਲ ਕਰ ਦਿੱਤਾ ਹੈ।
ਸੁਮਿਤ ਵਿਰੁੱਧ ਪਹਿਲਾਂ ਵੀ ਕਈ ਸ਼ਿਕਾਇਤਾਂ ਚੱਲ ਰਹੀਆਂ ਸਨ ਅਤੇ ਦੋ ਵਾਰ ਮੁਅੱਤਰ ਹੋਣ ਦੇ ਨਾਲ-ਨਾਲ ਇਸ ‘ਤੇ ਦੋਸ਼ ਸਨ ਕਿ ਜਿੰਨਾਂ ਗੁਦਾਮਾਂ ਦਾ ਹੁਣ ਇਸ ਨੂੰ ਇੰਚਾਰਜ਼ ਲਗਾਇਆ ਸੀ। ਉਨ੍ਹਾਂ ਗੁਦਾਮਾਂ ਦਾ ਇਹ ਪਹਿਲਾ ਇੰਚਾਰਜ਼ ਸੀ ਅਤੇ ਇਸ ਦੇ ਸਟਾਕ ਦੀ ਜਾਂਚ ਪੜਤਾਲ ਕਰਨ ‘ਤੇ 1700 ਤੋਂ ਜ਼ਿਆਦਾ ਕਣਕ ਦੀਆਂ ਬੋਰੀਆਂ ਘੱਟ ਪਾਈਆਂ ਗਈਆਂ ਸਨ ਪਰ ਉਸ ਦੇ ਬਾਵਜੂਦ ਇਸ ਨੂੰ ਉਨ੍ਹਾਂ ਗੁਦਾਮਾਂ ਦਾ ਇੰਚਾਰਜ਼ ਲਗਾਇਆ ਗਿਆ ਸੀ।
ਗਰੀਬ ਲੋਕਾਂ ਨੂੰ ਦੋ ਰੁਪਏ ਵੰਡਣ ਦੇ ਲਈ ਗੁਰਦਾਸਪੁਰ ਵਿਚ ਪਨਗ੍ਰੇਨ ਦੇ ਗੁਦਾਮਾਂ ਤੋਂ ਵੱਖ-ਵੱਖ ਸਰਕਲ ਵਿਚ ਕਣਕ ਭੇਜੀ ਜਾਂਦੀ ਸੀ ਪਰ ਇਹ ਕਣਕ ਨਿਰਧਾਰਿਤ ਤੇ ਨਾਲ ਨੱਥੀ ਪੱਤਰ ਵਿਚ ਕਣਕ ਦੇ ਵਜਨ ਤੋਂ ਘੱਟ ਅਤੇ ਪਾਣੀ ਨਾਲ ਭੀਜੀ ਹੋਣ ਦੇ ਕਾਰਨ ਸੰਬੰਧਿਤ ਕਰਕਲ ਦੇ ਇੰਸਪੈਕਟਰ ਇਹ ਕਣਕ ਲੈਣ ਨੂੰ ਤਿਆਰ ਨਹੀਂ ਸੀ।
ਪਨਗ੍ਰੇਨ ਇੰਸਪੈਕਟਰ ਸੁਮਿਤ ਕੁਮਾਰ ਵੱਲੋਂ ਕੀਤੀ ਜਾ ਰਹੀ ਘਪਲੇਬਾਜੀ ਦੀ ਜਾਣਕਾਰੀ ਉਚ ਅਧਿਕਾਰੀਆਂ ਨੂੰ ਦਿੱਤੀ। ਇਨ੍ਹਾਂ ਇੰਸਪੈਕਟਰਾਂ ਨੇ ਇਸ ਘਪਲੇ ਦੀ ਜਾਣਕਾਰੀ ਡਾਇਰੈਕਟਰ ਖੁਰਾਕ ਤੇ ਸਪਲਾਈ ਵਿਭਾਗ ਨੂੰ ਦਿੱਤੀ ਸੀ। ਇਸ ਸੰਬੰਧੀ ਜਾਂਚ ਰਿਪੋਰਟ ਪ੍ਰਾਪਤ ਕਰਨ ਤੋਂ ਬਾਅਦ ਉਕਤ ਇੰਸਪੈਕਟਰ ਸੁਮਾਤ ਕੁਮਾਰ ਨੂੰ ਡਾਇਰੈਕਟਰ ਨੇ ਮੁਅੱਤਲ ਕਰ ਦਿੱਤਾ।
