ਨਵੀਂ ਦਿੱਲੀ: 19 ਸਤੰਬਰ
(ਅਮਨਦੀਪ ਸਿੰਘ) : ਡੇਂਗੂ ਤੇ ਚਿਕਨਗੁਣੀਆ ਵਰਗੀਆਂ ਬਿਮਾਰੀਆਂ ਨੂੰ ਠੱਲ ਪਾਉਣ ਲਈ ਦਿੱਲੀ
ਸਰਕਾਰ ਦੇ ਵਿਧਾਇਕਾਂ ਨੇ ਆਪੋ ਆਪਣੇ ਹਲਕਿਆਂ ਵਿਚ ਦਵਾਈਆਂ ਦਾ ਛਿੜਕਣ ਦਾ ਕੰਮ ਸ਼ੁਰੂ ਕਰ
ਦਿਤਾ ਹੋਇਆ ਹੈ ।
ਪੱਛਮੀ ਦਿੱਲੀ ਦੇ ਤਿਲਕ ਨਗਰ ਦੇ ਸੰਤ ਗੜ੍ਹ ਵਿਖੇ ਇਲਾਕੇ ਦੇ
ਵਿਧਾਇਕ ਜਰਨੈਲ ਸਿੰਘ ਤੇ 'ਆਪ' ਕੌਂਸਲਰ ਗੁਰਮੁਖ ਸਿੰਘ ਬਿੱਟੂ ਨੇ ਆਰ.ਡਬਲਿਊਜ਼ ਨਾਲ ਰਲ
ਕੇ, ਡੇਂਗੂ ਦੇ ਖਾਤਮੇ ਦੀ ਦਵਾਈਆਂ ਛਿੜਕਣ ਦੀ ਮੁਹਿੰਮ ਸ਼ੁਰੂ ਕੀਤੀ ।
ਦੋਹਾਂ ਨੇ ਕਿਹਾ ਕਿ ਇਸ ਮੁਹਿੰਮ ਜ਼ਰੀਏ ਲੋਕਾਂ ਨੂੰ ਘਰਾਂ ਵਿਚ ਡੇਂਗੂ ਦੇ ਮੱਛਰ ਪੈਦਾ ਹੋਣ ਤੋਂ ਰੋਕਣ ਬਾਰੇ ਜਾਗਰੂਕ ਕੀਤਾ ਜਾਵੇਗਾ।
ਲੋਕਾਂ ਦੀ ਜਾਗਰੂਕਤਾ ਵਾਸਤੇ ਦਿੱਲੀ ਸਰਕਾਰ ਵਲੋਂ ਤਿਆਰ ਕਰਵਾਈ ਗਈ ਵਿਸ਼ੇਸ਼ ਛੋਟੀਆਂ
ਫਿਲਮਾਂ ਵੀ ਵਿਖਾਈਆਂ ਜਾ ਰਹੀਆਂ ਹਨ ਤੇ ਇਲਾਕੇ ਦੀਆਂ ਆਰ.ਡਬਲਿਊਜ਼ ਦਾ ਵੀ ਸਹਿਯੋਗ ਲਿਆ
ਜਾ ਰਿਹਾ ਹੈ ।
