ਇਸ ਸਾਲ 25 ਅਗਸਤ ਨੂੰ ਸੀਬੀਆਈ ਦੀ ਇੱਕ ਵਿਸ਼ੇਸ਼ ਅਦਾਲਤ ਨੇ ਸੌਦਾ ਸਾਧ ਨੂੰ ਰੇਪ ਦੇ ਇਲਜ਼ਾਮ ਵਿੱਚ ਦੋਸ਼ੀ ਪਾਇਆ ਅਤੇ 20 ਸਾਲ ਦੀ ਸਜ਼ਾ ਸੁਣਾ ਦਿੱਤੀ। 2002 ਦੇ ਰੇਪ ਵਾਲੇ ਮਾਮਲੇ 'ਚ ਦੋਸ਼ੀ ਪਾਏ ਜਾਣ ਦੇ ਬਾਅਦ ਸੌਦਾ ਸਾਧ ਦੇ ਸਮਰਥਕਾਂ ਨੇ ਹਰਿਆਣਾ ਅਤੇ ਪੰਜਾਬ ਵਿੱਚ ਜੰਮਕੇ ਹਫੜਾ-ਦਫੜੀ ਮਚਾ ਦਿੱਤੀ ਸੀ।
ਹਾਲਾਂਕਿ ਕਾਫ਼ੀ ਮਸ਼ਕਤ ਦੇ ਬਾਅਦ ਇਸ ਉੱਤੇ ਕਾਬੂ ਪਾ ਲਿਆ ਗਿਆ, ਪਰ ਭਾਰੀ ਭੀੜ ਨੇ ਕਈ ਜਗ੍ਹਾਵਾਂ ਤੇ ਹਿੰਸਾ ਫੈਲਾ ਕੇ ਪੂਰੇ ਉੱਤਰ ਭਾਰਤ ਵਿੱਚ ਖੌਫ ਦਾ ਮਾਹੌਲ ਪੈਦਾ ਕਰ ਦਿੱਤਾ ਸੀ। ਇਸ ਹਿੰਸੇ ਦੇ ਬਾਅਦ ਹਰਿਆਣਾ ਸਰਕਾਰ ਅਤੇ ਪੁਲਿਸ ਪ੍ਰਸ਼ਾਸਨ ਦੀ ਲਾਪਰਵਾਹੀ ਉੱਤੇ ਸਵਾਲ ਖੜੇ ਹੋਏ।
ਆਖ਼ਿਰਕਾਰ, ਕਰੀਬ 40 ਦਿਨ ਬਾਅਦ ਸੌਦਾ ਸਾਧ ਦੀ ਗੋਦ ਲਈ ਹੋਈ ਧੀ ਹਨੀਪ੍ਰੀਤ ਨੂੰ ਵੀ ਹਿੰਸਾ ਫੈਲਾਉਣ ਦੇ ਇਲਜ਼ਾਮ ਵਿੱਚ ਹਰਿਆਣਾ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ। ਸੌਦਾ ਸਾਧ ਬਾਬਾ ਬਣਕੇ ਕਈ ਸਾਲਾਂ ਤੋਂ ਆਪਣੇ ਚੇਲਿਆਂ ਨੂੰ ਮੂਰਖ ਬਣਾਉਣ ਦਾ ਕੰਮ ਕਰਦਾ ਰਿਹਾ ਅਤੇ ਇਸ ਵਿੱਚ ਉਸਨੇ ਅਥਾਹ ਜਾਇਦਾਦ ਵੀ ਇਕੱਠੀ ਕਰ ਲਈ।
ਪਿਛਲੇ ਦੋ ਸਾਲ ਵਿੱਚ ਸੌਦਾ ਸਾਧ ਨੇ ਕਰੀਬ 5 ਫਿਲਮਾਂ ਵੀ ਬਣਾਈਆਂ। ਸੌਦਾ ਸਾਧ ਦਾਅਵਾ ਕਰਦਾ ਸੀ ਕਿ ਇਨ੍ਹਾਂ ਫਿਲਮਾਂ ਲਈ ਉਹ ਆਪਣੇ ਆਪ ਹੀ ਐਕਟਰ,ਡਾਇਰੈਕਟਰ, ਪ੍ਰੋਡਿਊਸਰ ਆਦਿ ਦੀ ਭੂਮਿਕਾ ਨਿਭਾਈ, ਇੱਥੇ ਤੱਕ ਕਿ ਇਨ੍ਹਾਂ ਫਿਲਮਾਂ ਲਈ ਗੀਤ ਵੀ ਸਾਧ ਨੇ ਹੀ ਗਾਏ।
ਦੋਸ਼ੀ ਪਾਏ ਜਾਣ ਦੇ ਬਾਅਦ ਸਾਧ ਦੀ ਕਰੋੜਾਂ ਦੀ ਜਾਇਦਾਦ ਉੱਤੇ ਵੀ ਗਾਜ ਡਿੱਗੀ, ਜਿਸਨੂੰ ਸਰਕਾਰ ਨੇ ਜਬਤ ਕਰ ਲਿਆ। ਸੋਸ਼ਲ ਮੀਡੀਆ ਉੱਤੇ ਵੀ ਟਵਿਟਰ ਨੇ ਸਾਧ ਦੇ ਕਰੀਬ ਚਾਰ ਵੈਰੀਫਾਇਡ ਅਕਾਊਟ ਨੂੰ ਡਿਲੀਟ ਕਰ ਦਿੱਤਾ। ਇਸ ਸਾਲ ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਸਜ਼ਾ ਸੁਣਾ ਕੇ ਆਖ਼ਿਰਕਾਰ ਸਾਧ ਦਾ ਖੇਡ ਖਤਮ ਕਰ ਦਿੱਤਾ।
