Advertisement
  ਜੀਵਨ ਜਾਚ   ਕਲਾ ਤੇ ਡਿਜ਼ਾਈਨ  22 Aug 2020  ਪਲਾਸਟਿਕ ਦੀ ਥਾਂ ਇਨ੍ਹਾਂ ਭਾਂਡਿਆਂ ਵਿਚ ਪੀਉਗੇ ਪਾਣੀ ਤਾਂ ਤੁਹਾਡੀ ਸਿਹਤ ਰਹੇਗੀ ਕਮਾਲ ਦੀ

ਪਲਾਸਟਿਕ ਦੀ ਥਾਂ ਇਨ੍ਹਾਂ ਭਾਂਡਿਆਂ ਵਿਚ ਪੀਉਗੇ ਪਾਣੀ ਤਾਂ ਤੁਹਾਡੀ ਸਿਹਤ ਰਹੇਗੀ ਕਮਾਲ ਦੀ

ਸਪੋਕਸਮੈਨ ਸਮਾਚਾਰ ਸੇਵਾ
Published Aug 22, 2020, 12:56 pm IST
Updated Aug 22, 2020, 12:56 pm IST
ਸਰੀਰ ਲਈ ਪਾਣੀ ਕਿੰਨਾ ਜ਼ਰੂਰੀ ਹੈ ਇਹ ਤਾਂ ਸਾਰੇ ਬਾਖ਼ੂਬੀ ਜਾਣਦੇ ਹਨ ਪਰ ਕਿਹੜੇ ਬਰਤਨ ਵਿਚ ਪਾਣੀ ਪੀਣਾ ਚਾਹੀਦਾ ਹੈ ਇਸ ਗੱਲ ਦੀ ਜਾਣਕਾਰੀ ਬਹੁਤ ਘੱਟ ਲੋਕਾਂ ਨੂੰ ਹੁੰਦੀ ਹੈ
Drink Water
 Drink Water

ਸਰੀਰ ਲਈ ਪਾਣੀ ਕਿੰਨਾ ਜ਼ਰੂਰੀ ਹੈ ਇਹ ਤਾਂ ਸਾਰੇ ਬਾਖ਼ੂਬੀ ਜਾਣਦੇ ਹਨ ਪਰ ਕਿਹੜੇ ਬਰਤਨ ਵਿਚ ਪਾਣੀ ਪੀਣਾ ਚਾਹੀਦਾ ਹੈ ਇਸ ਗੱਲ ਦੀ ਜਾਣਕਾਰੀ ਬਹੁਤ ਘੱਟ ਲੋਕਾਂ ਨੂੰ ਹੁੰਦੀ ਹੈ। ਆਮ ਤੌਰ 'ਤੇ ਸਾਰੇ ਘਰਾਂ ਵਿਚ ਪਲਾਸਟਿਕ ਦੀ ਬੋਤਲ ਨਾਲ ਹੀ ਪਾਣੀ ਪੀਂਦੇ ਹਨ ਅਤੇ ਉਸੇ ਭਾਂਡੇ ਵਿਚ ਪਾਣੀ ਭਰ ਕੇ ਵੀ ਰਖਦੇ ਹਨ। ਇਥੋਂ ਤਕ ਕਿ ਆਫ਼ਿਸ ਵਿਚ ਵੀ ਪਾਣੀ ਪਲਾਸਿਟਕ ਦੀ ਬੋਤਲ ਨਾਲ ਹੀ ਪੀਂਦੇ ਹਨ। ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਪਲਾਸਟਿਕ ਦੀ ਬੋਤਲ ਨਾਲ ਪਾਣੀ ਪੀਣਾ ਚਾਹੀਦਾ ਹੈ ਜਾਂ ਕਿਸੇ ਹੋਰ ਭਾਂਡੇ ਨਾਲ? ਕਿਸ ਭਾਂਡੇ ਨਾਲ ਪਾਣੀ ਪੀਣਾ ਸਿਹਤ ਲਈ ਸਹੀ ਹੈ ਤੇ ਕਿਹੜੀ ਨਾਲ ਨਹੀਂ? ਜੇਕਰ ਨਹੀਂ ਜਾਣਦੇ ਤਾਂ ਅੱਜ ਅਸੀ ਇਸੇ ਗੱਲ ਦੀ ਚਰਚਾ ਕਰਾਂਗੇ ਕਿ ਕਿਹੜੇ ਭਾਂਡੇ ਨਾਲ ਪਾਣੀ ਪੀਣਾ ਚਾਹੀਦਾ ਹੈ ਤੇ ਕਿਹੜੇ ਨਾਲ ਨਹੀਂ।

 Pottery Pottery

ਮਿੱਟੀ ਦੇ ਭਾਂਡੇ: ਮਿੱਟੀ ਕੁਦਰਤ ਦੀ ਦੇਣ ਹੈ। ਇਹੀ ਵਜ੍ਹਾ ਹੈ ਕਿ ਮਿੱਟੀ ਦੇ ਭਾਂਡੇ ਵਿਚ ਪਾਣੀ ਕੁਦਰਤੀ ਤੌਰ 'ਤੇ ਠੰਢਾ ਰਹਿੰਦਾ ਹੈ। ਵੈਸੇ ਤਾਂ ਸਾਰੇ ਘਰਾਂ ਵਿਚ ਮਿੱਟੀ ਦੇ ਘੜੇ ਮਿਲ ਜਾਂਦੇ ਹਨ। ਘੜੇ ਦੀ ਪੱਕੀ ਹੋਈ ਮਿੱਟੀ ਵਿਚ ਜੋ ਮਿਨਰਲ ਹੁੰਦੇ ਹਨ, ਉਹ ਸਰੀਰ ਦੇ ਜ਼ਹਿਰੀਲੇ ਤੱਤਾਂ ਤੋਂ ਮੁਕਤ ਕਰ ਕੇ ਸਰੀਰ ਨੂੰ ਫ਼ਾਇਦੇਮੰਦ ਗੁਣ ਪਹੁੰਚਾਉਂਦੇ ਹਨ। ਘੜੇ ਦੇ ਪਾਣੀ ਨਾਲ ਗੈਸ, ਐਸੀਡਿਟੀ, ਕਬਜ਼ ਵਰਗੀਆਂ ਬੀਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ। ਇਹੀ ਕਾਰਨ ਹੈ ਕਿ ਘੜੇ ਦਾ ਪਾਣੀ ਸਰੀਰ ਲਈ ਠੀਕ ਹੁੰਦਾ ਹੈ। ਇਕ ਗੱਲ ਦਾ ਧਿਆਨ ਰਖਣਾ ਚਾਹੀਦਾ ਹੈ ਕਿ ਮਿੱਟੀ ਦੇ ਭਾਂਡੇ ਸਾਫ਼-ਸੁਥਰੇ ਹੋਣੇ ਚਾਹੀਦੇ ਹਨ।

Copper UtensilsCopper Utensils

ਤਾਂਬੇ ਦੇ ਭਾਂਡੇ: ਤਾਂਬੇ ਦੇ ਭਾਂਡੇ ਨਾਲ ਪਾਣੀ ਪੀਣਾ ਸਰੀਰ ਲਈ ਜ਼ਿਆਦਾ ਫ਼ਾਇਦੇਮੰਦ ਹੈ। ਬਲੱਡ ਪ੍ਰੈਸ਼ਰ ਤੇ ਐਨੀਮੀਆ ਵਰਗੀਆਂ ਬੀਮਾਰੀਆਂ ਹੋਣ 'ਤੇ ਤਾਂਬੇ ਦੇ ਭਾਂਡੇ ਵਿਚ ਰਾਤ ਨੂੰ ਪਾਣੀ ਰੱਖ ਕੇ ਉਸ ਨੂੰ ਸਵੇਰੇ ਪੀਣ ਦੀ ਸਲਾਹ ਵੀ ਦਿਤੀ ਜਾਂਦੀ ਹੈ। ਤਾਂਬੇ ਦੇ ਬਰਤਨ ਨਾਲ ਪਾਣੀ ਪੀਣ 'ਤੇ ਸਰੀਰ ਵਿਚ ਮੌਜੂਦ ਬੈਕਟੀਰੀਆ ਦੂਰ ਕਰਨ ਵਿਚ ਮਦਦ ਮਿਲਦੀ ਹੈ।

Glass Glass

ਕੱਚ ਦੇ ਭਾਂਡੇ : ਪਲਾਸਟਿਕ ਦੇ ਮੁਕਾਬਲੇ ਕੱਚ ਨੂੰ ਵਧੀਆ ਮੰਨਿਆ ਜਾਂਦਾ ਹੈ। ਕੱਚ ਦਾ ਗਲਾਸ ਜਾਂ ਬੋਤਲ ਬਣਾਉਣ ਵਿਚ ਕੈਮੀਕਲ ਦਾ ਇਸਤੇਮਾਲ ਨਹੀਂ ਹੁੰਦਾ। ਇਹੀ ਵਜ੍ਹਾ ਹੈ ਕਿ ਕੱਚ ਦੇ ਬਰਤਨ ਵਿਚ ਰੱਖੇ ਪਦਾਰਥ ਸੁਰੱਖਿਅਤ ਰਹਿੰਦੇ ਹਨ। ਇਹ ਤੁਹਾਡੇ ਸਰੀਰ ਨੂੰ ਕੈਂਸਰ ਵਰਗੀ ਬਿਮਾਰੀ ਨਾਲ ਲੜਨ ਵਿਚ ਵੀ ਮਦਦ ਕਰਦੇ ਹਨ। ਕੁੱਝ ਕੱਚ ਦੇ ਬਰਤਨ ਰੰਗੇ ਹੋਏ ਮਿਲਦੇ ਹਨ ਜੋ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ। ਰੰਗੇ ਹੋਏ ਕੱਚ ਦੇ ਬਰਤਨਾਂ ਵਿਚ ਕੈਮੀਕਲ ਦੀ ਵਰਤੋਂ ਹੁੰਦੀ ਹੈ ਜੋ ਸਰੀਰ ਲਈ ਹਾਨੀਕਾਰਕ ਹੁੰਦਾ ਹੈ।

Plastic UtensilsPlastic Utensils

ਪਲਾਸਟਿਕ ਦੇ ਭਾਂਡੇ : ਪਲਾਸਟਿਕ ਦੀ ਬੋਤਲ ਵੀ ਇਸੇ ਲੜੀ ਵਿਚ ਆਉਂਦੀ ਹੈ। ਪਾਣੀ ਪੀਣ ਦੀ ਸਾਨੂੰ ਇੰਨੀ ਜਲਦੀ ਰਹਿੰਦੀ ਹੈ ਕਿ ਅਸੀਂ ਅਕਸਰ ਭੁਲ ਜਾਂਦੇ ਹਾਂ ਕਿ ਜਿਸ ਪਲਾਸਟਿਕ ਦੀ ਬੋਤਲ ਵਿਚ ਪਾਣੀ ਪੀ ਰਹੇ ਹਾਂ, ਉਸ ਨਾਲ ਕਿੰਨਾ ਨੁਕਸਾਨ ਹੋ ਰਿਹਾ ਹੈ। ਪਲਾਸਟਿਕ ਦੀਆਂ ਬੋਤਲਾਂ ਵਿਚ ਇਕ ਦਿਨ ਤੋਂ ਜ਼ਿਆਦਾ ਰਖਿਆ ਹੋਇਆ ਪਾਣੀ ਸਰੀਰ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦਾ ਹੈ। ਸਾਧਾਰਣ ਪਲਾਸਟਿਕ ਦੀਆਂ ਬੋਤਲਾਂ ਵਿਚ ਰਖਿਆ ਪਾਣੀ ਪੀਣ ਨਾਲ ਅੰਤੜੀਆਂ ਤੇ ਲਿਵਰ ਨੂੰ ਖਤਰਾ ਰਹਿੰਦਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Advertisement
Advertisement

 

Advertisement
Advertisement