ਵਾਲਾਂ ਲਈ ਕੰਡੀਸ਼ਨਿੰਗ ਦਾ ਕੰਮ ਕਰਦਾ ਹੈ ਆਂਡਾ
Published : Mar 7, 2022, 12:56 pm IST
Updated : Mar 7, 2022, 12:56 pm IST
SHARE ARTICLE
Egg works as a conditioner for hair
Egg works as a conditioner for hair

ਜੇਕਰ ਵਾਲ ਝੜ ਰਹੇ ਹੋਣ ਜਾਂ ਫਿਰ ਉਨ੍ਹਾਂ ਦੀ ਗਰੋਥ ਠੀਕ ਨਾ ਹੋਵੇ ਤਾਂ ਅਰੰਡੀ ਦੇ ਤੇਲ ਵਿਚ ਆਂਡਾ ਮਿਲਾ ਕੇ ਵਾਲਾਂ ਦੀ ਚੰਗੀ ਤਰ੍ਹਾਂ ਮਾਲਸ਼ ਕਰੋ।

 

 ਚੰਡੀਗੜ੍ਹ: ਆਂਡੇ ਵਿਚ ਸਮਰੱਥ ਮਾਤਰਾ ਵਿਚ ਪ੍ਰੋਟੀਨ ਮਿਲ ਜਾਣ ਕਾਰਨ ਇਹ ਸਿਹਤ ਬਣਾਉਣ ਦੇ ਨਾਲ-ਨਾਲ ਵਾਲਾਂ ਦੀ ਸਿਹਤ ਲਈ ਵੀ ਕਾਫ਼ੀ ਫ਼ਾਇਦੇਮੰਦ ਹੈ। ਇਹ ਵਾਲਾਂ ਲਈ ਕੰਡੀਸ਼ਨਿੰਗ ਦਾ ਕੰਮ ਕਰਦਾ ਹੈ। ਇਸ ਦੇ ਇਸਤੇਮਾਲ ਨਾਲ ਵਾਲਾਂ ਦੀਆਂ ਕਈ ਸਮਸਿਆਵਾਂ ਤੋਂ ਵੀ ਛੁਟਕਾਰਾ ਮਿਲ ਜਾਂਦਾ ਹੈ। ਜੇਕਰ ਵਾਲ ਝੜ ਰਹੇ ਹੋਣ ਜਾਂ ਫਿਰ ਉਨ੍ਹਾਂ ਦੀ ਗਰੋਥ ਠੀਕ ਨਾ ਹੋਵੇ ਤਾਂ ਅਰੰਡੀ ਦੇ ਤੇਲ ਵਿਚ ਆਂਡਾ ਮਿਲਾ ਕੇ ਵਾਲਾਂ ਦੀ ਚੰਗੀ ਤਰ੍ਹਾਂ ਮਾਲਸ਼ ਕਰੋ। ਅੱਧੇ ਘੰਟੇ ਬਾਅਦ ਸਿਰ ਨੂੰ ਧੋ ਲਉ। ਕੁੱਝ ਦਿਨ ਅਜਿਹਾ ਕਰਨ ਨਾਲ ਵਾਲ ਝੜਨੇ ਬੰਦ ਹੋ ਜਾਣਗੇ ਅਤੇ ਉਹ ਲੰਮੇ, ਸੰਘਣੇ ਅਤੇ ਚਮਕਦਾਰ ਬਣ ਜਾਣਗੇ।

 

Egg works as a conditioner for hairEgg works as a conditioner for hair

 

ਚਿੱਟੇ ਵਾਲਾਂ ਨੂੰ ਲਕਾਉਣ ਲਈ ਮਹਿੰਦੀ ਦਾ ਇਸਤੇਮਾਲ ਕਰਨਾ ਚਾਹੀਦਾ ਹੈ ਪਰ ਉਸ ਦੀ ਠੰਢੀ ਤਾਸੀਰ ਤੁਹਾਨੂੰ ਰਾਸ ਨਹੀਂ ਆਉਂਦੀ ਤਾਂ ਇਸ ਸਮੱਸਿਆ ਨੂੰ ਦੂਰ ਕਰਨ ਦਾ ਸੱਭ ਵਲੋਂ ਵਧੀਆ ਤਰੀਕਾ ਇਹ ਹੈ ਕਿ ਤੁਸੀ ਮਹਿੰਦੀ ਨੂੰ ਪਾਣੀ ਦੀ ਬਜਾਏ ਆਂਡੇ ਦੇ ਘੋਲ ਵਿਚ ਤਿਆਰ ਕਰੋ ਅਤੇ ਫਿਰ ਵਾਲਾਂ ਵਿਚ ਲਗਾਉ। ਇਸ ਨਾਲ ਤੁਹਾਨੂੰ ਡਬਲ ਫ਼ਾਇਦਾ ਮਿਲੇਗਾ ਯਾਨੀ ਵਾਲਾਂ ਦੀ ਸਫੇਦੀ ਵੀ ਲੁਕ ਜਾਵੇਗੀ ਅਤੇ ਨਾਲ ਹੀ ਸਰੀਰ ਵਿਚ ਮਹਿੰਦੀ ਦੀ ਤਾਸੀਰ ਵੀ ਨਹੀਂ ਪਹੁੰਚੇਗੀ। 

 

Egg works as a conditioner for hairEgg works as a conditioner for hair

 

ਵਾਲਾਂ ਨੂੰ ਧੋਣ ਤੋਂ ਅੱਧਾ ਘੰਟਾ ਪਹਿਲਾਂ ਉਨ੍ਹਾਂ ਦੀ ਤੇਲ ਨਾਲ ਮਾਲਸ਼ ਕਰਨ ਦੀ ਬਜਾਏ ਆਂਡੇ ਦੇ ਘੋਲ ਨਾਲ ਮਾਲਸ਼ ਕਰੋ ਅਤੇ ਫਿਰ ਵਾਲਾਂ ਦੇ ਸੁੱਕਣ ਉਤੇ ਸਾਫ਼ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋ ਲਉ। ਇਸ ਤੋਂ ਬਾਅਦ ਵਾਲਾਂ ਵਿਚ ਸ਼ੈਂਪੂ ਕਰੋ। ਅਜਿਹਾ ਕੁੱਝ ਹਫ਼ਤਿਆਂ ਤਕ ਕਰਨ ਨਾਲ ਤੁਹਾਡੇ ਵਾਲ ਰੇਸ਼ਮੀ ਹੋ ਜਾਣਗੇ। ਜਦ ਤੁਹਾਡੇ ਵਾਲ ਦੇਖਣ ਵਿਚ ਕਾਫ਼ੀ ਰੁੱਖੇ ਲਗਦੇ ਹੋਣ ਤਾਂ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਬੇਬੀ ਤੇਲ ਦੇ ਨਾਲ ਆਂਡੇ ਦੇ ਪੀਲੇ ਹਿੱਸੇ ਨੂੰ ਹਲਕੇ ਪਾਣੀ ਵਿਚ ਮਿਲਾ ਕੇ ਉਸ ਨਾਲ ਵਾਲ ਧੋਵੋ।

 

Egg works as a conditioner for hairEgg works as a conditioner for hair

 

ਉਸ ਤੋਂ ਬਾਅਦ ਸ਼ੈਂਪੂ ਕਰੋ। ਇਸ ਨਾਲ ਵਾਲਾਂ ਵਿਚ ਨਵੀਂ ਜਾਨ ਆ ਜਾਵੇਗੀ। ਸਿਕਰੀ ਕਾਰਨ ਵਾਲ ਖ਼ਰਾਬ ਹੋ ਗਏ ਹੋਣ ਤਾਂ ਇਸ ਲਈ ਦਹੀਂ ਅਤੇ ਨਿੰਬੂ  ਦੇ ਮਿਸ਼ਰਣ ਵਿਚ ਆਂਡੇ ਦਾ ਘੋਲ ਮਿਲਾ ਕੇ ਵਾਲਾਂ ਵਿਚ ਲਗਾਉ। ਅੱਧੇ ਘੰਟੇ ਬਾਅਦ ਧੋ ਲਉ। ਫਿਰ ਸ਼ੈਂਪੂ ਕਰੋ। ਕੁੱਝ ਦਿਨ ਅਜਿਹਾ ਕਰਨ ਨਾਲ ਵਾਲਾਂ ਦੀ ਰੰਗਤ ਬਦਲ ਜਾਵੇਗੀ।

 

Egg works as a conditioner for hairEgg works as a conditioner for hair

 

ਘਰ ਵਿਚ ਕੰਡੀਸ਼ਨਰ ਖ਼ਤਮ ਹੋ ਗਿਆ ਹੋਵੇ ਅਤੇ ਤੁਸੀ ਕਿਸੇ ਪਾਰਟੀ ਵਿਚ ਜਾਣਾ ਹੋਵੇ ਤਾਂ ਇਸ ਲਈ ਤੁਸੀ ਘਰ ਵਿਚ ਮੌਜੂਦ ਆਂਡੇ ਨੂੰ ਨਿੰਬੂ ਨਾਲ ਮਿਲਾ ਕੇ ਇਸਤੇਮਾਲ ਵਿਚ ਲਿਆਉ। ਇਹ ਇਕ ਚੰਗੇ ਹਰਬਲ ਕੰਡੀਸ਼ਨਰ ਦਾ ਕੰਮ ਕਰੇਗਾ। ਵਾਲਾਂ ਨੂੰ ਸਿਲਕੀ ਬਣਾਉਣ ਲਈ ਆਂਡੇ ਦੇ ਪੀਲੇ ਹਿੱਸੇ ਵਿਚ ਸ਼ਹਿਦ, ਨਿੰਬੂ,  ਦਹੀਂ ਅਤੇ ਬਦਾਮ ਦਾ ਤੇਲ ਮਿਲਾ ਕੇ ਪੇਸਟ ਬਣਾ ਲਉ। ਫਿਰ ਇਸ ਨੂੰ ਵਾਲਾਂ ਵਿਚ ਲਗਾ ਕੇ ਅੱਧੇ ਘੰਟੇ ਤੋਂ ਬਾਅਦ ਵਾਲਾਂ ਨੂੰ ਧੋ ਲਉ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Darbar-E-Siyasat 'ਚ Sunil Jakhar ਨੇ ਕਈ ਰਾਜ਼ ਕੀਤੇ ਬੇਪਰਦਾ Exclusive Interview LIVE

22 May 2024 4:35 PM

Sukhpal Khaira ਦੇ ਬਿਆਨ ਨੇ ਭਖਾਈ ਸਿਆਸਤ ਤੇ PM ਦਾ ਪਲਟਵਾਰ ਕੌਣ ਮਾਰ ਰਿਹਾ ਪੰਜਾਬੀਆਂ ਦੇ ਹੱਕ? Debate LIVE

22 May 2024 4:28 PM

ਹੁਸ਼ਿਆਰਪੁਰ ਤੋਂ ਲੋਕ ਸਭਾ 'ਚ ਕੌਣ ਜਾਵੇਗਾ ਇਸ ਵਾਰ? ਸੁਣੋ ਕੌਣ ਲੋਕਾਂ ਦਾ ਚਹੇਤਾ, ਕਿਸ ਕੋਲੋਂ ਨੇ ਨਾਰਾਜ਼?

22 May 2024 4:22 PM

ਪਿੰਡ ਦੇ ਵਿਚਾਲੇ ਇਕੱਠੇ ਹੋਏ ਲੋਕਾਂ ਨੇ ਸਰਕਾਰ ਦੀਆਂ ਗਰੰਟੀਆਂ ਬਾਰੇ ਕੀਤੇ ਖੁਲਾਸੇ,ਬਿਜਲੀ ਤੋਂ ਬਿਨ੍ਹਾ ਹੋਰ ਕੋਈ ਗਰੰਟੀ

22 May 2024 2:15 PM

Punjab Summer Vacation Holidays News: ਪੰਜਾਬ ਸਰਕਾਰ ਦਾ ਵੱਡਾ ਫੈਸਲਾ, ਸੂਬੇ ਦੇ ਸਾਰੇ ਸਕੂਲਾਂ 'ਚ ਛੁੱਟੀਆਂ ਦਾ..

21 May 2024 12:02 PM
Advertisement