ਸਾਡੀ ਚਮੜੀ ਨੂੰ ਲਗਾਤਾਰ ਦੇਖਭਾਲ ਅਤੇ ਧਿਆਨ ਦੀ ਜ਼ਰੂਰਤ ਹੁੰਦੀ ਹੈ। ਉਂਜ ਤਾਂ ਤੁਸੀਂ ਰੋਜ਼ਾਨਾ ਕਲੀਂਜਿੰਗ ਅਤੇ ਮਾਇਸ਼ਚਰਾਇਜੇਸ਼ਨ ਵਾਲੀਆਂ ਚੀਜ਼ਾਂ ਦਾ .....
ਸਾਡੀ ਚਮੜੀ ਨੂੰ ਲਗਾਤਾਰ ਦੇਖਭਾਲ ਅਤੇ ਧਿਆਨ ਦੀ ਜ਼ਰੂਰਤ ਹੁੰਦੀ ਹੈ। ਉਂਜ ਤਾਂ ਤੁਸੀਂ ਰੋਜ਼ਾਨਾ ਕਲੀਂਜਿੰਗ ਅਤੇ ਮਾਇਸ਼ਚਰਾਇਜੇਸ਼ਨ ਵਾਲੀਆਂ ਚੀਜ਼ਾਂ ਦਾ ਇਸਤੇਮਾਲ ਕਰਦੇ ਹੋ ਅਤੇ ਕੁੱਝ ਹੋਰ ਬਿਊਟੀ ਟ੍ਰੀਟਮੈਂਟਸ ਵੀ, ਜਿਨ੍ਹਾਂ ਨੂੰ ਇਕ ਵਾਰ ਜ਼ਰੂਰ ਐਪਲਾਈ ਕਰਣਾ ਚਾਹੀਦਾ ਹੈ। ਕਈ ਵਾਰ ਤਿਉਹਾਰਾਂ ਅਤੇ ਪਰਵਾਰਿਕ ਪ੍ਰੋਗਰਾਮਾਂ ਵਿਚ ਘਰ ਦੀਆਂ ਔਰਤਾਂ ਕੁੱਝ ਹਟ ਕੇ ਦਿਖਨਾ ਪਸੰਦ ਕਰਦੀਆਂ ਹਨ। ਜੇਕਰ ਤੁਸੀਂ ਸੁੰਦਰ ਅਤੇ ਗਲੋਇੰਗ ਦਿਖਣਾ ਹੈ ਤਾਂ ਤੁਸੀਂ ਘਰ ਵਿਚ ਹੀ ਗੋਲਡ ਫੈਸ਼ੀਅਲ ਕਰ ਸਕਦੇ ਹੋ। ਇਹੀ ਇਕ ਅਜਿਹਾ ਫੈਸ਼ੀਅਲ ਹੈ ਜੋ ਸਾਰੇ ਪ੍ਰਕਾਰ ਦੀ ਸਕਿਨ ਟੋਨ ਨੂੰ ਸੂਟ ਕਰਦਾ ਹੈ।
ਗੋਲਡ ਫੈਸ਼ੀਅਲ ਲਈ ਕਲੀਂਜ਼ਰ, ਗੋਲਡ ਕਲੀਂਜ਼ਰ, ਗੋਲਡ ਫੈਸ਼ੀਅਲ ਸਕਰਬ, ਗੋਲਡ ਫੈਸ਼ੀਅਲ ਮਾਸਕ, ਮਾਸ਼ਚਰਾਇਜਿੰਗ ਲੋਸ਼ਨ ਦੀ ਲੋੜ ਪੈਂਦੀ ਹੈ।
ਚਿਹਰੇ ਨੂੰ ਠੰਡੇ ਪਾਣੀ ਨਾਲ ਧੋਵੋ। ਫੈਸ਼ੀਅਲ ਸ਼ੁਰੂ ਕਰਣ ਤੋਂ ਪਹਿਲਾਂ ਚਿਹਰੇ ਨੂੰ ਕਲੀਂਜ਼ਰ ਦੀ ਮਦਦ ਨਾਲ ਸਾਫ਼ ਕਰੋ। ਹੁਣ ਅਪਣੇ ਚਿਹਰੇ ਅਤੇ ਗਲੇ ਉਤੇ 5 ਤੋਂ 8 ਮਿੰਟ ਲਈ ਸਰਕੁਲੇਸ਼ਨ ਮੋਸ਼ਨ ਵਿਚ ਉਂਗਲੀਆਂ ਚਲਾਉ। ਫਿਰ ਗੁਨਗੁਨੇ ਪਾਣੀ ਨਾਲ ਚਿਹਰੇ ਨੂੰ ਸਾਫ਼ ਕਰ ਲਉ। ਸਕਰਬ ਨਾਲ 2 ਤੋਂ 3 ਮਿੰਟ ਲਈ ਚਿਹਰੇ ਅਤੇ ਗਲੇ ਦੀ ਮਸਾਜ਼ ਕਰੋ। ਇਸ ਨਾਲ ਚਿਹਰੇ ਦੇ ਸਾਰੇ ਛਿਦਰ ਖੁੱਲ ਜਾਣਗੇ। ਗੋਲਡ ਕਰੀਮ ਨੂੰ ਚਿਹਰੇ ਅਤੇ ਗਲੇ ਉਤੇ ਲਗਾਉ ਅਤੇ ਚਿਹਰੇ ਦੀ ਮਸਾਜ 15 ਤੋਂ 20 ਮਿੰਟ ਲਈ ਕਰੋ।
ਮਸਾਜ ਕਰੀਮ ਵਿਚ ਐਲੋਵੇਰਾ, ਚੰਦਨ, ਕੇਸਰ ਅਤੇ ਗੋਲਡ ਪਾਊਡਰ ਦੇ ਗੁਣ ਹੁੰਦੇ ਹਨ ਜੋ ਤੁਹਾਡੀ ਸਕਿਨ ਨੂੰ ਚਮਕਾਉਣ ਵਿਚ ਮਦਦ ਕਰਦੇ ਹਨ। ਗੋਲਡ ਮਾਸਕ ਨਾਲ ਆਪਣੇ ਪੂਰੇ ਚਿਹਰੇ ਨੂੰ ਕਵਰ ਕਰੋ। ਸੁੱਕ ਜਾਣ ਤੇ ਸਾਫ਼ ਕਰੋ। ਤੁਸੀਂ ਅਪਣੀ ਚਮੜੀ ਨੂੰ ਟੋਨ ਕਰਣ ਲਈ ਖੀਰੇ ਦਾ ਰਸ ਜਾਂ ਪਸੰਦੀਦਾ ਟੋਨਰ ਵੀ ਲਗਾ ਸਕਦੇ ਹੋ। ਚਿਹਰੇ ਉਤੇ ਮਾਇਸ਼ਚਰਾਇਜ਼ਰ ਲਗਾਉਣਾ ਜਰੂਰੀ ਹੁੰਦਾ ਹੈ। ਗੋਲਡ ਫੈਸ਼ੀਅਲ ਤੁਹਾਨੂੰ ਧੁੱਪ ਤੋਂ ਅਤੇ ਮੇਲੇਨਿਨ ਦਾ ਵਧਨਾ ਘੱਟ ਕਰਦਾ ਹੈ। ਗੋਲਡ ਫੈਸ਼ੀਅਲ ਤੁਹਾਨੂੰ ਸੂਰਜ ਦੀਆਂ ਕਿਰਨਾਂ ਤੋਂ ਹੋਣ ਵਾਲੇ ਨੁਕਸਾਨਾਂ ਤੋਂ ਬਚਾਉਂਦਾ ਹੈ।
ਐਂਟੀ - ਏਜਿੰਗ ਗੁਣਾਂ ਨਾਲ ਯੁਕਤ ਗੋਲਡ ਫੈਸ਼ੀਅਲ ਤੁਹਾਡੀ ਚਮੜੀ ਨੂੰ ਚਮਕਦਾਰ ਅਤੇ ਤਰੋਤਾਜ਼ਾ ਰੱਖਦਾ ਹੈ। ਕਾਫ਼ੀ ਦਿਨਾਂ ਤੱਕ ਤੁਹਾਡੇ ਚਿਹਰੇ ਦੀਆਂ ਝੁਰੜੀਆਂ ਦਿਖਾਈ ਨਹੀਂ ਦਿੰਦੀਆਂ। ਇਹ ਫੈਸ਼ੀਅਲ ਸਾਲ ਭਰ ਤੱਕ ਚੱਲਦਾ ਹੈ, ਨਮੀ ਦੇ ਬਾਵਜੂਦ ਵੀ ਇਹ ਫੈਸ਼ੀਅਲ ਤੁਹਾਡੀ ਚਮੜੀ ਉਤੇ ਪ੍ਰਭਾਵ ਦਿਖਾਉਣਾ ਘੱਟ ਨਹੀਂ ਕਰਦਾ ਹੈ। ਜੇਕਰ ਤੁਸੀਂ ਘਰ ਵਿਚ ਗੋਲਡ ਫੈਸ਼ੀਅਲ ਦਾ ਸਭ ਤੋਂ ਚੰਗਾ ਨਤੀਜਾ ਪ੍ਰਾਪਤ ਕਰਣਾ ਚਾਹੁੰਦੇ ਹੋ ਤਾਂ ਤਿੰਨ ਮਹੀਨੇ ਦੇ ਅੰਤਰਾਲ ਵਿਚ ਹੀ ਇਸ ਫੈਸ਼ੀਅਲ ਨੂੰ ਐਪਲਾਈ ਕਰਦੇ ਰਹੋ।