ਬਜ਼ਾਰ ਵਿਚ ਕਈ ਤਰ੍ਹਾਂ ਦਾ ਪਨੀਰ ਮਿਲ ਜਾਂਦਾ ਹੈ ਪਰ ਬਜ਼ਾਰ ਵਿਚ ਮਿਲਣ ਵਾਲੇ ਪਨੀਰ ਵਿਚ ਮਿਲਾਵਟ ਹੁੰਦੀ ਹੈ, ਜਿਸ ਨਾਲ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ।
ਸਿਹਤ ਲਈ ਪਨੀਰ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਬਜ਼ਾਰ ਵਿਚ ਕਈ ਤਰ੍ਹਾਂ ਦਾ ਪਨੀਰ ਮਿਲ ਜਾਂਦਾ ਹੈ ਪਰ ਬਜ਼ਾਰ ਵਿਚ ਮਿਲਣ ਵਾਲੇ ਪਨੀਰ ਵਿਚ ਮਿਲਾਵਟ ਹੁੰਦੀ ਹੈ, ਜਿਸ ਨਾਲ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਲਈ ਘਰ ਵਿਚ ਪਨੀਰ ਬਣਾ ਕੇ ਖਾਣ ਨਾਲ ਜ਼ਿਆਦਾ ਫਾਇਦਾ ਮਿਲਦਾ ਹੈ। ਘਰ ਵਿਚ ਹੀ ਪਨੀਰ ਬਣਾਉਣ ਦਾ ਪ੍ਰੋਸੈਸ ਬਹੁਤ ਆਸਾਨ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ। ਪਨੀਰ ਬਣਾਉਣ ਲਈ ਫੁੱਲ ਕਰੀਮ ਦੁੱਧ ਲੈ ਲਓ। ਇਸ ਦੀ ਜਗ੍ਹਾ ਦੁੱਧ ਦਾ ਪੈਕੇਟ ਵੀ ਲੈ ਸਕਦੇ ਹੋ। ਇਸ ਦੇ ਲਈ ਪਹਿਲਾਂ ਤੋਂ ਪਕਿਆ ਹੋਇਆ ਦੁੱਧ ਨਹੀਂ ਲੈਣਾ ਚਾਹੀਦਾ।
cheese
ਦੁੱਧ ਨੂੰ ਉਬਾਲ ਆਉਣ ਤਕ ਪਕਾ ਲਓ। ਜਦੋਂ ਤੱਕ ਦੁੱਧ ਪਕ ਰਿਹਾ ਹੈ ਉਸ ਸਮੇਂ ਤਕ ਦੁੱਧ ਨੂੰ ਪਾੜਣ ਲਈ ਇਕ ਚੀਜ਼ ਤਿਆਰ ਕਰ ਲਵੋ। ਇਸ ਦੇ ਲਈ ਇਕ ਲਿਟਰ ਪਾਣੀ ਲਓ ਅਤੇ ਉਸ ਵਿਚ ਤਿੰਨ ਟੇਬਲਸਪੂਨ ਵਿਨੇਗਰ ਪਾਓ। ਜੇਕਰ ਵਿਨੇਗਰ ਨਹੀਂ ਹੈ ਤਾਂ ਨੀਂਬੂ ਜਾਂ ਫਿਰ ਸਟਰੀਕ ਐਸਿਡ ਦੀ ਵੀ ਵਰਤੋਂ ਕੀਤੀ ਜਾ ਸਕਦੀ ਹੈ।
cheese
ਦੁੱਧ ਨੂੰ ਉਬਲਣ ਤੋਂ ਬਾਅਦ ਗੈਸ ਨੂੰ ਬੰਦ ਕਰ ਦਿਓ। ਹੁਣ ਦੁੱਧ ਨੂੰ ਵਿਨੇਗਰ ਵਾਲੇ ਪਾਣੀ ਨੂੰ ਮਿਲਾ ਲਓ। ਇਸ ਤੋਂ ਦੁੱਧ ਫ਼ੱਟਨਾ ਸ਼ੁਰੂ ਹੋ ਜਾਵੇਗਾ। ਦੁੱਧ ਪੂਰੀ ਤਰ੍ਹਾਂ ਫ਼ੱਟਣ ਤੋਂ ਬਾਅਦ ਹੇਠਾਂ ਪਾਣੀ ਆ ਜਾਂਦਾ ਹੈ। ਹੁਣ ਇਕ ਮਲਮਲ ਦਾ ਕਪੜਾ ਲਓ। ਇਸ ਵਿਚ ਪਾਣੀ ਨੂੰ ਪੁਣ ਲਵੋ।
cheese
ਪਾਣੀ ਨੂੰ ਕੱਢਦੇ ਸਮੇਂ ਹੇਠਾਂ ਇਕ ਬਰਤਨ ਰੱਖੋ। ਕੱਪੜੇ ਵਿਚ ਪਨੀਰ ਇਕੱਠਾ ਹੋ ਜਾਵੇਗਾ ਅਤੇ ਬਰਤਨ ਵਿਚ ਪਾਣੀ। ਪਾਣੀ ਵਿਚ ਕੱਪੜੇ ਨੂੰ ਹੱਥ ਨਾਲ ਡੁਬਾਉਂਦੇ ਜਾਓ ਅਤੇ ਉਸ ਨੂੰ ਥੋੜ੍ਹਾ ਆਕਾਰ ਦਿੰਦੇ ਜਾਓ। ਹੁਣ ਕੱਪੜੇ ਨੂੰ ਸਿੱਧੀ ਜਿਹੀ ਪਲੇਟ ਦੇ ਉਤੇ ਰੱਖ ਕੇ ਉਤੇ ਤੋਂ ਭਾਰੀ ਚੀਜ਼ ਰੱਖ ਦਿਓ। ਤਾਕਿ ਪਨੀਰ ਦਾ ਪਾਣੀ ਚੰਗੀ ਤਰ੍ਹਾਂ ਨਿਕਲ ਜਾਵੇ।
cheese
ਹੁਣ ਇਸ ਨੂੰ ਤਿੰਨ ਤੋਂ ਚਾਰ ਘੰਟੇ ਲਈ ਛੱਡ ਦਿਓ। 4 ਘੰਟੇ ਤੋਂ ਬਾਅਦ ਭਾਰ ਹਟਾ ਕੇ ਦੇਖਾਂਗੇ ਤਾਂ ਪਨੀਰ ਇਕਦਮ ਸੈੱਟ ਹੋ ਗਿਆ ਹੋਵੇਗਾ। ਹੁਣ ਇਸ ਨੂੰ ਤੁਸੀਂ ਸਟੋਰ ਕਰ ਸਕਦੇ ਹੋ।
