ਭਰਵਾ ਕਰੇਲਾ ਮਖਣੀ ਇਕ ਸਵਾਦਿਸ਼ਟ ਸਬਜ਼ੀ ਹੈ ਜੋ ਤੁਸੀਂ ਆਪਣੇ ਲੰਚ ਜਾਂ ਡਿਨਰ ਦੇ ਖਾਣੇ ਲਈ ਬਣਾ ਸਕਦੇ ਹੋ।
ਭਰਵਾ ਕਰੇਲਾ ਮਖਣੀ ਇਕ ਸਵਾਦਿਸ਼ਟ ਸਬਜ਼ੀ ਹੈ ਜੋ ਤੁਸੀਂ ਆਪਣੇ ਲੰਚ ਜਾਂ ਡਿਨਰ ਦੇ ਖਾਣੇ ਲਈ ਬਣਾ ਸਕਦੇ ਹੋ। ਇਹ ਸਬਜ਼ੀ ਵੱਡਿਆ ਦੇ ਨਾਲ ਨਾਲ ਬੱਚਿਆਂ ਨੂੰ ਵੀ ਪੰਸਦ ਆਵੇਗੀ।
ਸਮੱਗਰੀ - ਚਾਰ ਕਰੇਲੇ, ਇਕ ਕੱਪ ਪਨੀਰ ਕਦੂਕਸ ਕੀਤਾ ਹੋਇਆ , ਅੱਧਾ ਕੱਪ ਆਲੂ ਉਬਲਿ਼ਆ ਹੋਇਆ, ਇਕ ਚਮਚ ਕਾਲੀ ਮਿਰਚ ਪਾਊਡਰ, ਇਕ ਚਮਚ ਧਨੀਆ ਪੱਤੀ ਬਰੀਕ ਕਟੀ ਹੋਈ, ਲੂਣ ਸਵਾਦ ਅਨੁਸਾਰ, ਤੇਲ ਲੋੜ ਅਨੁਸਾਰ, ਗਰੇਵੀ ਲਈ ਇਕ ਕਪ ਪਿਆਜ ਬਰੀਕ ਕਟਿਆ ਹੋਇਆ, ਇਕ ਕਪ ਟੋਮੈਟੋ ਪਿਊਰੀ, ਇਕ ਵਡਾ ਚਮਚ ਅਦਰਕ -ਲਸਣ ਦਾ ਪੇਸਟ, ਇਕ ਛੋਟਾ ਚਮਚ ਲਾਲ ਮਿਰਚ ਪਾਊਡਰ, ਇਕ ਛੋਟਾ ਚਮਚ ਧਨੀਆ ਪਾਊਡਰ, ਇਕ ਛੋਟਾ ਚਮਚ ਗਰਮ ਮਸਾਲਾ ਪਾਊਡਰ, ਦੋ ਛੋਟੇ ਚਮਚ ਕਰੀਮ, ਇਕ ਕੱਪ ਪਾਣੀ, ਲੂਣ ਸਵਾਦ ਅਨੁਸਾਰ
bharwa karela makhni
ਵਿਧੀ- ਭਰਵਾਂ ਕਰੇਲਾ ਮਖਣੀ ਬਣਾਉਣ ਲਈ ਸਭ ਤੋਂ ਪਹਿਲਾਂ ਕਰੇਲੇ ਨੂੰ ਧੋ ਕੇ ਉਸ ਦਾ ਛਿਲਕਾ ਉਤਾਰ ਲਓ। ਹੁਣ ਕਰੇਲੇ ਦੇ ਬੀਜਾਂ ਵਿਚ ਇਕ ਚੀਰਾ ਦੇ ਕੇ ਕਰੇਲੇ ਦਾ ਗੁਦਾ ਅਤੇ ਬੀਜ ਕੱਢ ਦਿਓ। ਇਕ ਪੈਨ ਵਿਚ ਪਾਣੀ ਪਾ ਕੇ ਕਰੇਲੇ ਨੂੰ 10 ਮਿੰਟ ਤਕ ਉਬਾਲੋ। ਜਦੋਂ ਕਰੇਲੇ ਉਬਲ ਜਾਣ ਤਾਂ ਗੈਸ ਬੰਦ ਕਰ ਕੇ ਇਸ ਨੂੰ ਇਕ ਪਲੇਟ ਵਿਚ ਕਢ ਕੇ ਰੱਖ ਦਿਓ। ਹੁਣ ਕਰੇਲੇ ਬਣਾਉਣ ਲਈ ਇਕ ਕਟੋਰੀ ਵਿਚ ਪਨੀਰ, ਆਲੂ, ਲੂਣ, ਕਾਲੀ ਮਿਰਚ ਪਾਊਡਰ, ਧਨੀਆ ਪੱਤੀ ਚੰਗੀ ਤਰਾਂ ਨਾਲ ਮਿਲਾ ਲਓ। ਹੁਣ ਕਰੇਲੇ ਵਿਚ ਮਿਸ਼ਰਣ ਨੂੰ ਚੰਗੀ ਤਰਾਂ ਭਰ ਦਿਓ। ਇਕ ਪੈਨ ਵਿਚ ਤੇਲ ਪਾ ਕੇ ਗਰਮ ਕਰੋ। ਤੇਲ ਦੇ ਗਰਮ ਹੁੰਦੇ ਹੀ ਕਰੇਲੇ ਨੂੰ ਪੈਨ ਵਿਚ ਪਾ ਕੇ ਹਲਕਾ ਭੂਰਾ ਹੋਣ ਦਿਓ।
krela
ਜਦੋਂ ਕਰੇਲੇ ਪਕ ਜਾਣ ਤਾਂ ਇਸ ਨੂੰ ਕੱਢ ਕੇ ਇਕ ਪਲੇਟ ਵਿਚ ਰੱਖ ਲਓ। ਗਰੇਵੀ ਲਈ ਉਸੇ ਪੈਨ ਵਿਚ ਦੋ ਚਮਚ ਤੇਲ ਪਾ ਕੇ ਗਰਮ ਕਰੋ। ਤੇਲ ਦੇ ਗਰਮ ਹੁੰਦੇ ਹੀ ਪਿਆਜ,ਅਦਰਕ, ਲਸਣ ਦਾ ਪੇਸਟ ਪਾ ਕੇ ਭੁੰਨੋ। ਹੁਣ ਟੋਮੈਟੋ ਪਿਊਰੀ, ਲਾਲ ਮਿਰਚ ਪਾਊਡਰ, ਧਨੀਆ ਪਾਊਡਰ ਅਤੇ ਗਰਮ ਮਸਾਲਾ ਪਾ ਕੇ ਭੁੰਨੋ। ਜਦੋਂ ਸਾਰੇ ਮਸਾਲੇ ਪਕ ਜਾਂ ਜਾਣ ਤਾਂ ਕਰੀਮ, ਲੂਣ ਅਤੇ ਪਾਣੀ ਪਾ ਕੇ ਲਗਭਗ 10 ਮਿੰਟ ਤੱਕ ਪਕਾਓ। ਹੁਣ ਇਸ ਵਿਚ ਕਰੇਲੇ ਪਾ ਕੇ ਇਸ ਨੂੰ ਉਬਾਲ ਆਉਣ ਤੱਕ ਪਕਾਓ। ਉਬਾਲ ਆਉਣ ਤੋਂ ਬਾਅਦ ਬੰਦ ਕਰ ਦਿਓ। ਤਿਆਰ ਹੈ ਭਰਵਾਂ ਕਰੇਲਾ ਮਖਣੀ , ਇਸ ਨੂੰ ਚਾਵਲ ਜਾਂ ਰੋਟੀ ਦੇ ਨਾਲ ਗਰਮਾ ਗਰਮ ਖਾਓ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
