ਬਾਰਿਸ਼ ਦੇ ਮੌਸਮ ਵਿਚ ਹਰ ਕਿਸੇ ਦਾ ਕੁਝ ਗਰਮਾ-ਗਰਮ ਖਾਣ ਨੂੰ ਮਨ ਕਰਦਾ ਹੈ। ਅਜਿਹੇ ਵਿਚ ਅੱਜ ਅਸੀਂ ਤੁਹਾਡੇ ਲਈ ਖਾਸ ਰੈਸਿਪੀ ਲੈ ਕੇ ਆਏ ਹਾਂ।
ਚੰਡੀਗੜ੍ਹ: ਬਾਰਿਸ਼ ਦੇ ਮੌਸਮ ਵਿਚ ਹਰ ਕਿਸੇ ਦਾ ਕੁਝ ਗਰਮਾ-ਗਰਮ ਖਾਣ ਨੂੰ ਮਨ ਕਰਦਾ ਹੈ। ਅਜਿਹੇ ਵਿਚ ਅੱਜ ਅਸੀਂ ਤੁਹਾਡੇ ਲਈ ਖਾਸ ਰੈਸਿਪੀ ਲੈ ਕੇ ਆਏ ਹਾਂ। ਅੱਜ ਅਸੀਂ ਤੁਹਾਨੂੰ ਕ੍ਰਿਸਪੀ ਪਨੀਰ ਫਿੰਗਰਸ ਬਣਾਉਣ ਦੀ ਰੈਸਿਪੀ ਦੱਸਣ ਜਾ ਰਹੇ ਹਾਂ। ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਵਿਧੀ:
Crispy Paneer Fingers
ਸਮੱਗਰੀ
- ਪਨੀਰ- 450 ਗ੍ਰਾਮ
- ਮੈਦਾ- 80 ਗ੍ਰਾਮ
- ਮੱਕੀ ਦਾ ਆਟਾ- 2 ਚੱਮਚ
- ਲਾਲ ਮਿਰਚ ਪਾਊਡਰ- 1 ਚੱਮਚ
- ਕਾਲੀ ਮਿਰਚ ਪਾਊਡਰ - 1 / 2 ਚੱਮਚ
- ਲਸਣ ਦਾ ਪੇਸਟ- 1 ਚੱਮਚ
- ਸੁਆਦ ਅਨੁਸਾਰ ਨਮਕ
- ਬਰੈੱਡ ਦਾ ਚੂਰਾ
- ਤਲ਼ਣ ਲਈ ਤੇਲ
Crispy Paneer Fingers
ਵਿਧੀ:
1. ਸਭ ਤੋਂ ਪਹਿਲਾਂ ਪਨੀਰ ਨੂੰ ਟੁਕੜਿਆਂ ਵਿਚ ਕੱਟ ਲਓ।
2. ਇਕ ਕਟੋਰਾ ਲਓ। ਇਸ ਵਿਚ ਮੈਦਾ, ਮੱਕੀ ਦਾ ਆਟਾ, ਲਾਲ ਮਿਰਚ ਪਾਊਡਰ, ਲਸਣ ਦਾ ਪੇਸਟ, ਕਾਲੀ ਮਿਰਚ ਅਤੇ ਓਰੇਗੇਨੋ ਮਿਕਸ ਕਰੋ।
3. ਹੁਣ ਇਸ ਵਿਚ ਪਾਣੀ ਪਾਓ ਅਤੇ ਇਸ ਨੂੰ ਚੰਗੀ ਤਰ੍ਹਾਂ ਮਿਲਾਓ।
4. ਇਸ ਨਾਲ ਇਕ ਸੰਘਣਾ ਘੋਲ ਬਣਾਓ ਅਤੇ ਇਸ ਵਿਚ ਪਨੀਰ ਦੇ ਟੁਕੜੇ ਪਾਓ।
5. ਟੁਕੜਿਆਂ ਨੂੰ ਬਾਹਰ ਕੱਢੋ ਅਤੇ ਬ੍ਰੈਡ ਕ੍ਰੂੰਬ ਵਿਚ ਪਾ ਕੇ ਚੰਗੀ ਤਰ੍ਹਾਂ ਰੋਲ ਕਰ ਲਓ।
6. ਇਕ ਭਾਰੀ ਕੜਾਹੀ ਲਓ ਅਤੇ ਇਸ ਵਿਚ ਤੇਲ ਗਰਮ ਕਰੋ। ਤੇਲ ਵਿਚ ਰੋਲਸ ਨੂੰ ਹਲਕਾ ਸੁਨਿਹਰਾ ਅਤੇ ਕੁਰਕੁਰਾ ਹੋਣ ਤੱਕ ਤੱਲ ਲਓ।
6. ਫਿਰ ਇਸ ਨੂੰ ਤਲਣ ਦੇ ਬਾਅਦ ਸ਼ੋਸ਼ਕ ਕਾਗਜ਼ 'ਤੇ ਰੱਖੋ।
7. ਕ੍ਰਿਸਪੀ ਪਨੀਰ ਫਿੰਗਰਜ਼ ਬਣ ਕੇ ਤਿਆਰ ਹੈ। ਇਸ ਨੂੰ ਸੌਸ ਨਾਲ ਸਰਵ ਕਰੋ।
