ਅਕਸਰ ਅਸੀਂ ਨਹਾਉਣ ਤੋਂ ਬਾਅਦ ਸਰੀਰ ਦੇ ਨਾਲ - ਨਾਲ ਚਿਹਰੇ ਨੂੰ ਵੀ ਤੌਲੀਏ ਨਾਲ ਪੂੰਜ ਕੇ ਸੁਕਾਉਂਦੇ ਹਾਂ। ਇੰਨਾ ਹੀ ਨਹੀਂ, ਚਿਹਰਾ ਧੋਣ ਤੋਂ ਬਾਅਦ ਵੀ ਚਿਹਰੇ ਨੂੰ...
ਅਕਸਰ ਅਸੀਂ ਨਹਾਉਣ ਤੋਂ ਬਾਅਦ ਸਰੀਰ ਦੇ ਨਾਲ - ਨਾਲ ਚਿਹਰੇ ਨੂੰ ਵੀ ਤੌਲੀਏ ਨਾਲ ਪੂੰਜ ਕੇ ਸੁਕਾਉਂਦੇ ਹਾਂ। ਇੰਨਾ ਹੀ ਨਹੀਂ, ਚਿਹਰਾ ਧੋਣ ਤੋਂ ਬਾਅਦ ਵੀ ਚਿਹਰੇ ਨੂੰ ਜ਼ਰੂਰ ਪੂੰਜਦੇ ਹਾਂ ਪਰ ਇਹ ਆਦਤ ਖ਼ੂਬਸੂਰਤੀ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ। ਹੁਣ ਤੁਸੀਂ ਸੋਚੋਗੇ ਕਿ ਅਖੀਰ ਇਸ ਨਾਲ ਸਾਡੀ ਚਮੜੀ ਨੂੰ ਕੀ ਨੁਕਸਾਨ ਹੋ ਸਕਦਾ ਹੈ ? ਅਸਲ 'ਚ ਜਦੋਂ ਤੁਸੀਂ ਅਪਣੇ ਚਿਹਰੇ ਨੂੰ ਤੌਲੀਏ ਨਾਲ ਪੂੰਜਦੇ ਹੋ ਤਾਂ ਇਸ ਨਾਲ ਤੁਹਾਡੀ ਚਮੜੀ ਸੈੱਲਾਂ ਨੂੰ ਨਾ ਸਿਰਫ਼ ਨੁਕਸਾਨ ਹੁੰਦਾ ਹੈ ਸਗੋਂ ਉਤਪਾਦਾਂ ਦੇ ਵੀ ਫ਼ਾਇਦੇ ਨਹੀਂ ਮਿਲਦੇ ਹਨ।
Clean face
ਜਾਣੋ ਇਸ ਨਾਲ ਤੁਹਾਡੀ ਚਮੜੀ ਨੂੰ ਕੀ-ਕੀ ਨੁਕਸਾਨ ਹੁੰਦਾ ਹੈ। ਅੱਖਾਂ ਦੀ ਤਰ੍ਹਾਂ ਚਿਹਰੇ ਦੀ ਚਮੜੀ ਵੀ ਕਾਫ਼ੀ ਨਾਜ਼ੁਕ ਹੁੰਦੀ ਹੈ। ਚਾਹੇ ਤੁਸੀਂ ਕਿੰਨੇ ਵੀ ਨਰਮ ਫ਼ੈਬਰਿਕ ਦਾ ਤੌਲੀਆ ਕਿਉਂ ਨਾ ਇਸਤੇਮਾਲ ਕਰੀਏ ਇਸ ਦਾ ਟੈਕਸਚਰ ਚਿਹਰੇ ਦੀ ਚਮੜੀ ਲਈ ਖੁਰਦੜਾ ਹੁੰਦਾ ਹੈ। ਜਦੋਂ ਤੁਸੀਂ ਤੌਲੀਏ ਨਾਲ ਚਿਹਰਾ ਸਾਫ਼ ਕਰਦੇ ਹੋ ਤਾਂ ਇਹ ਚਮੜੀ ਦੇ ਕੁਦਰਤੀ ਤੇਲ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਨਾਲ ਹੀ, ਇਸ ਨੂੰ ਤੁਰਤ ਪੂੰਜਣ ਨਾਲ ਚਮੜੀ ਦੀ ਨਮੀ ਤੁਰਤ ਖ਼ਤਮ ਹੋ ਜਾਂਦੀ ਹੈ।
Apply Cream
ਇਸ ਸੱਭ ਕਾਰਨ ਨਾਲ ਤੁਹਾਨੂੰ ਰੁਖ਼ੇਪਣ ਦੀ ਪਰੇਸ਼ਾਨੀ ਤੋਂ ਗੁਜ਼ਰਨਾ ਪੈਂਦਾ ਹੈ। ਜਦੋਂ ਤੁਸੀਂ ਪੂਰੀ ਤਰ੍ਹਾਂ ਸੁੱਕੇ ਚਿਹਰੇ 'ਤੇ ਮਾਇਸ਼ਚਰਾਈਜ਼ਰ ਜਾਂ ਕ੍ਰੀਮ ਲਗਾਉਂਦੇ ਹੋ ਤਾਂ ਇਹ ਚਮੜੀ 'ਚ ਚੰਗੀ ਤਰ੍ਹਾਂ ਸੋਖ ਨਹੀਂ ਹੁੰਦਾ ਹੈ। ਇਸ ਲਈ ਹਮੇਸ਼ਾ ਹਲਕੇ ਗਿੱਲੇ ਚਿਹਰੇ 'ਤੇ ਇਨ੍ਹਾਂ ਨੂੰ ਅਪਲਾਈ ਕਰਨਾ ਚਾਹੀਦਾ ਹੈ। ਇਸ ਨਾਲ ਇਹ ਨਾ ਸਿਰਫ਼ ਅਸਾਨੀ ਨਾਲ ਮਿਲ ਜਾਵੇਗਾ, ਸਗੋਂ ਇਹ ਚਮੜੀ ਵਿਚ ਚੰਗੀ ਤਰ੍ਹਾਂ ਐਬਜ਼ਾਰਬ ਹੋ ਕੇ ਅਸਰਦਾਰ ਤਰੀਕੇ ਨਾਲ ਕੰਮ ਕਰਣਗੇ।
wipe face with towel
ਇਸ ਲਈ ਉਤਪਾਦ ਦਾ ਪੂਰਾ ਫ਼ਾਇਦਾ ਚੁੱਕਣ ਲਈ ਕਦੇ ਵੀ ਚਿਹਰਾ ਧੋਣ ਤੋਂ ਬਾਅਦ ਇਸ ਨੂੰ ਤੌਲੀਏ ਨਾਲ ਪੂੰਜ ਕੇ ਸੁਕਾਉਣ ਦੀ ਗ਼ਲਤੀ ਨਾ ਕਰੋ। ਬਸ ਹੱਥਾਂ ਨਾਲ ਫ਼ਾਲਤੂ ਪਾਣੀ ਸਾਫ਼ ਕਰ ਦਿਉ।
