ਇਹ ਤਰਲ ਪਦਾਰਥ ਜ਼ਿਆਦਾਤਰ ਪਿਆਸ ਬੁਝਾਉਣ ਲਈ ਬਣਾਏ ਜਾਂਦੇ ਹਨ ਪਰ ਇਹਨਾਂ ਨੂੰ ਬਣਾਉਣ ਦਾ ਤਰੀਕਾ ਸਹੀ ਨਹੀਂ ਹੁੰਦਾ।
ਦੁਨੀਆ ਭਰ ਦੇ ਖਿਡਾਰੀਆਂ ਨੂੰ ਅਕਸਰ ਨੀਲੇ, ਹਰੇ ਜਾਂ ਪੀਲੇ ਤਰਲ ਪਦਾਰਥਾਂ ਨੂੰ ਪੀਂਦੇ ਹੋਏ ਦੇਖਿਆ ਜਾਂਦਾ ਹੈ। ਇਸ ਦਾ ਸੇਵਨ ਹਾਈਡ੍ਰੇਟੇਡ ਰਹਿਣ ਲਈ ਕੀਤਾ ਜਾਂਦਾ ਹੈ। ਜ਼ਿਆਦਾਤਰ ਪ੍ਰਤੀ 100 ਗ੍ਰਾਮ ਐਨਰਜੀ ਡ੍ਰਿੰਕਸ ਵਿਚ 10-13 ਗ੍ਰਾਮ ਚੀਨੀ ਹੁੰਦੀ ਹੈ। ਇਸ ਤੋਂ ਇਲਾਵਾ ਪ੍ਰਤੀ 100 ਵਿਚ ਲਗਭਗ 32-34 ਗ੍ਰਾਮ ਕੈਫਿਨ ਹੁੰਦਾ ਹੈ। ਇਹ ਤਰਲ ਪਦਾਰਥ ਜ਼ਿਆਦਾਤਰ ਪਿਆਸ ਬੁਝਾਉਣ ਲਈ ਬਣਾਏ ਜਾਂਦੇ ਹਨ ਪਰ ਇਹਨਾਂ ਨੂੰ ਬਣਾਉਣ ਦਾ ਤਰੀਕਾ ਸਹੀ ਨਹੀਂ ਹੁੰਦਾ।
Energy Drinks
ਐਨਰਜੀ ਡ੍ਰਿੰਕਸ ਦੇ ਨੁਕਸਾਨ
ਹਾਈ ਬਲੱਡ ਪ੍ਰੈਸ਼ਰ: ਇਹਨਾਂ ਤਰਲ ਪਦਾਰਥਾਂ ਨੂੰ ਬਣਾਉਣ ਲਈ ਚੀਨੀ ਅਤੇ ਕੈਫਿਨ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਬਹੁਤ ਜ਼ਿਆਦਾ ਚੀਨੀ ਵਜ਼ਨ ਵਧਾਉਣ ਅਤੇ ਬਲੱਡ ਪ੍ਰੈਸ਼ਰ ਵਿਚ ਵਾਧੇ ਦਾ ਕਰਨ ਬਣੀ ਹੈ ਅਤੇ ਇਸੇ ਤਰ੍ਹਾਂ ਕੈਫਿਨ ਵੀ ਅਸਾਧਾਰਣ ਰੂਪ ਵਿਚ ਹਾਈ ਬਲੱਡ ਪ੍ਰੈਸ਼ਰ ਦਾ ਕਾਰਨ ਬਣਦਾ ਹੈ।
Blood Pressure
ਬਲੱਡ ਸ਼ੂਗਰ: ਇਹਨਾਂ ਡ੍ਰਿੰਕਸ ਵਿਚ ਜ਼ਿਆਦਾ ਸ਼ੂਗਰ ਹੋਣ ਦੇ ਕਾਰਨ ਬਲੱਡ ਸ਼ੂਗਰ ਦੇ ਅਸੰਤੁਲਨ ਦੀ ਸੰਭਾਵਨਾ ਹੁੰਦੀ ਹੈ, ਜਿਸ ਨਾਲ ਤੁਹਾਨੂੰ ਦੋ ਤਰਾਂ ਦੀ ਸ਼ੂਗਰ ਹੋ ਸਕਦੀ ਹੈ।
ਨੀਂਦ ਘੱਟ ਆਉਣਾ: ਕੈਫਿਨ ਅਕਸਰ ਨੀਂਦ ਨੂੰ ਪ੍ਰਭਾਵਿਤ ਕਰਦੀ ਹੈ। ਜੇਕਰ ਦਿਨ ਵਿਚ ਐਨਰਜੀ ਡ੍ਰਿੰਕਸ ਦਾ ਹੈਵੀ ਡੋਜ਼ ਲਿਆ ਜਾਵੇ ਤਾਂ ਅਸਾਨੀ ਨਾਲ ਨੀਂਦ ਨਹੀਂ ਆਵੇਗੀ। ਕੈਫਿਨ ਨੀਂਦ ਨਾ ਆਉਣ ਅਤੇ ਘਬਰਾਹਟ ਦਾ ਕਾਰਨ ਬਣ ਸਕਦਾ ਹੈ। ਅਮਰੀਕੀ ਫੌਜ ਵੱਲੋਂ ਕੀਤੇ ਗਏ ਅਧਿਐਨ ਤੋਂ ਪਤਾ ਚੱਲਦਾ ਹੈ ਕਿ ਇਕ ਦਿਨ ਵਿਚ ਤਿੰਨ ਐਨਰਜੀ ਡ੍ਰਿੰਕਸ ਪੀਣ ਨਾਲ ਔਸਤਨ ਚਾਰ ਘੰਟੇ ਜਾਂ ਉਸ ਤੋਂ ਘੱਟ ਸਮੇਂ ਦੀ ਨੀਂਦ ਪ੍ਰਭਾਵਿਤ ਹੁੰਦੀ ਹੈ।
Insomnia
ਪੇਟ ਦੀ ਸਮੱਸਿਆ: ਇਹਨਾਂ ਤਰਲ ਪਦਾਰਥਾਂ ਵਿਚ ਜ਼ਿਆਦਾ ਚੀਨੀ ਹੋਣ ਦੇ ਚਲਦਿਆਂ ਪੇਟ ਵਿਚ ਜਲਣ ਅਤੇ ਦਰਦ ਆਦਿ ਦੀ ਸਮੱਸਿਆ ਵੀ ਹੋ ਸਕਦੀ ਹੈ।
ਕੈਲਸ਼ੀਅਮ ਦੀ ਕਮੀ: ਕੈਫਿਨ ਵਾਲੇ ਤਰਲ ਪਦਾਰਥਾਂ ਨੂੰ ਹੱਡੀਆਂ ਅਤੇ ਕੈਲਸ਼ੀਅਮ ਲਈ ਵੀ ਨੁਕਸਾਨਦਾਇਕ ਦੱਸਿਆ ਗਿਆ ਹੈ। ਇਸ ਨਾਲ ਹੱਡੀਆਂ ਦੀ ਸੱਟ ਅਤੇ ਫਰੈਕਚਰ ਦਾ ਖਤਰਾ ਵੱਧ ਜਾਂਦਾ ਹੈ। ਐਨਰਜੀ ਡ੍ਰਿੰਕਸ ਦੀ ਜ਼ਿਆਦਾ ਵਰਤੋਂ ਨਾਲ ਦੰਦਾਂ ‘ਤੇ ਵੀ ਬੁਰਾ ਅਸਰ ਹੁੰਦਾ ਹੈ।
