ਗਰਮੀ ਦਾ ਮੌਸਮ ਹੁਣ ਆਪਣੇ ਚਰਮ ਉਤੇ ਹੈ। ਅਜਿਹੇ ਵਿਚ ਤੇਜ਼ ਧੁੱਪ ਦੀ ਗਰਮੀ ਨਾਲ ਲੂ ਲੱਗਣ ਦੀ ਸੰਭਾਵਨਾ ਕਾਫ਼ੀ ਜ਼ਿਆਦਾ ਵੱਧ ਗਈ ....
ਗਰਮੀ ਦਾ ਮੌਸਮ ਹੁਣ ਆਪਣੇ ਚਰਮ ਉਤੇ ਹੈ। ਅਜਿਹੇ ਵਿਚ ਤੇਜ਼ ਧੁੱਪ ਦੀ ਗਰਮੀ ਨਾਲ ਲੂ ਲੱਗਣ ਦੀ ਸੰਭਾਵਨਾ ਕਾਫ਼ੀ ਜ਼ਿਆਦਾ ਵੱਧ ਗਈ ਹੈ। ਇਸ ਲਈ ਅਜਿਹੇ ਵਿਚ ਤੁਹਾਨੂੰ ਲੂ ਤੋਂ ਬਚਣ ਲਈ ਕਾਫ਼ੀ ਸਾਵਧਾਨੀ ਵਰਤਣ ਦੀ ਜ਼ਰੂਰਤ ਹੈ। ਜਿਵੇਂ - ਧੁੱਪੇ ਘਰ ਤੋਂ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਘੱਟ ਤੋਂ ਘੱਟ ਕਰੋ। ਜੇਕਰ ਬਾਹਰ ਨਿਕਲ ਵੀ ਰਹੇ ਹੋ ਤਾਂ ਖੂਬ ਪਾਣੀ ਪੀ ਕੇ ਬਾਹਰ ਜਾਉ ਅਤੇ ਆਪਣੇ ਨਾਲ ਪਿਆਜ ਅਤੇ ਪਾਣੀ ਦੀ ਬੋਤਲ ਜ਼ਰੂਰ ਰੱਖ ਲਉ। ਗਰਮੀਆਂ ਵਿਚ ਡਿਹਾਇਡਰੇਸ਼ਨ ਦੀ ਵੀ ਕਾਫ਼ੀ ਸਮੱਸਿਆ ਹੁੰਦੀ ਹੈ।
ਧਨੀਏ ਦਾ ਇਸਤੇਮਾਲ ਗਰਮੀ ਦੇ ਦਿਨਾਂ ਵਿਚ ਕਾਫ਼ੀ ਫਾਇਦੇਮੰਦ ਹੁੰਦਾ ਹੈ।
ਨਿੰਬੂ :- ਪਾਣੀ ਵਿਚ ਨਿੰਬੂ ਅਤੇ ਲੂਣ ਮਿਲਾ ਕੇ ਦਿਨ ਵਿਚ ਦੋ -ਤਿੰਨ ਵਾਰ ਪੀਂਦੇ ਰਹਿਣ ਨਾਲ ਲੂ ਲੱਗਣ ਦਾ ਖ਼ਤਰਾ ਘੱਟ ਰਹਿੰਦਾ ਹੈ। ਪਿਆਜ :-ਸਾਰੇ ਇਸ ਗੱਲ ਨੂੰ ਜਾਣਦੇ ਹੋਣਗੇ ਕਿ ਕੱਚਾ ਪਿਆਜ ਲੂ ਤੋਂ ਬਚਾਉਣ ਵਿਚ ਮਦਦਗਾਰ ਹੁੰਦਾ ਹੈ। ਭੋਜਨ ਦੇ ਨਾਲ ਕੱਚੇ ਪਿਆਜ ਨੂੰ ਆਪਣੇ ਸਲਾਦ ਵਿਚ ਸ਼ਾਮਿਲ ਕਰੋ। ਇਸ ਤੋਂ ਇਲਾਵਾ ਲੂ ਲੱਗਣ ਉਤੇ ਜੌਂ ਦੇ ਆਟੇ ਅਤੇ ਪਿਆਜ ਨੂੰ ਪੀਸ ਕੇ ਪੇਸਟ ਬਣਾਉ ਅਤੇ ਉਸ ਨੂੰ ਸਰੀਰ ਉਤੇ ਲਗਾਉ, ਰਾਹਤ ਮਿਲੇਗੀ।
ਸੱਤੂ :-ਛੌਲੇ ਦੇ ਸੱਤੂ ਵਿਚ ਲੂ ਤੋਂ ਬਚਾਉਣ ਦੇ ਗੁਣ ਹੁੰਦੇ ਹਨ। ਢਿੱਡ ਨੂੰ ਠੰਡਾ ਰੱਖਣ ਦੇ ਨਾਲ ਹੀ ਢਿੱਡ ਦੀ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਨੂੰ ਵੀ ਦੂਰ ਕਰਦਾ ਹੈ। ਇਹ ਸਰੀਰ ਦਾ ਤਾਪਮਾਨ ਕਾਬੂ ਕਰਦਾ ਹੈ। ਜੇਕਰ ਤੁਸੀਂ ਛੌਲੇ ਦੇ ਸੱਤੂ ਨੂੰ ਪਾਣੀ, ਕਾਲ਼ਾ ਲੂਣ ਅਤੇ ਨਿੰਬੂ ਦੇ ਨਾਲ ਘੋਲ ਕੇ ਲਿਆ ਜਾਵੇ ਤਾਂ ਇਹ ਤੁਹਾਡੇ ਪਾਚਨ ਤੰਤਰ ਲਈ ਫਾਇਦੇਮੰਦ ਹੁੰਦਾ ਹੈ। ਪੁਦੀਨਾ ਅਤੇ ਤੁਲਸੀ :- ਇਕ ਗਿਲਾਸ ਠੰਡੇ ਪਾਣੀ ਵਿਚ ਦੋਨਾਂ ਪੱਤੀਆਂ ਦੇ ਪਾਊਡਰ ਅਤੇ ਥੋੜ੍ਹੀ ਜਿਹੀ ਚੀਨੀ ਮਿਲਾ ਕੇ ਘੋਲ ਬਣਾ ਲਉ। ਇਸ ਨੂੰ ਗਰਮੀਆਂ ਵਿਚ ਪੀਣ ਨਾਲ ਲੂ ਦੇ ਖਤਰੇ ਤੋਂ ਬਚਿਆ ਜਾ ਸਕਦਾ ਹੈ।
ਸੌਫ਼ :- ਸੌਫ਼ ਦੇ ਬੀਜ ਅੰਦਰ ਤੋਂ ਠੰਡਾ ਰੱਖਣ ਦੀ ਸਮਰੱਥਾ ਨਾਲ ਭਰਪੂਰ ਹੁੰਦੇ ਹਨ। ਇਸ ਦੇ ਲਈ ਕੁੱਝ ਬੀਜਾਂ ਨੂੰ ਰਾਤ ਭਰ ਪਾਣੀ ਵਿਚ ਭਿਉਂ ਕੇ ਰੱਖ ਦਿਉ। ਸਵੇਰੇ ਇਸ ਪਾਣੀ ਦਾ ਸੇਵਨ ਕਰੋ। ਇਸ ਨਾਲ ਗਰਮੀ ਤੋਂ ਰਾਹਤ ਮਿਲਣ ਵਿਚ ਮਦਦ ਮਿਲਦੀ ਹੈ।