Health News: ਚੁਕੰਦਰ ਤੋਂ ਬਣੀ ਕੋਈ ਵੀ ਡਿਸ਼ ਜਾਂ ਸਬਜ਼ੀ ਲੋਹੇ ਦੀ ਕੜਾਹੀ ਵਿਚ ਨਹੀਂ ਪਕਾਈ ਜਾਣੀ ਚਾਹੀਦੀ।
Do not forget to cook these vegetables in an iron pan Health News: ਲੋਹੇ ਦੇ ਕੜਾਹੀ ਵਿਚ ਪਕਾਈਆਂ ਸਬਜ਼ੀਆਂ ਦਾ ਸੇਵਨ ਕਰਨਾ ਤੁਹਾਡੀ ਸਿਹਤ ਲਈ ਫ਼ਾਇਦੇਮੰਦ ਹੁੰਦਾ ਹੈ। ਦਰਅਸਲ, ਲੋਹੇ ਦੇ ਕੜਾਹੀ ਵਿਚ ਭੋਜਨ ਪਕਾਉਣ ਨਾਲ ਸਾਡੇ ਸਰੀਰ ਵਿਚ ਆਇਰਨ ਦੀ ਮਾਤਰਾ ਵੱਧ ਜਾਂਦੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁੱਝ ਸਬਜ਼ੀਆਂ ਨੂੰ ਗ਼ਲਤੀ ਨਾਲ ਵੀ ਲੋਹੇ ਦੇ ਭਾਂਡੇ ਵਿਚ ਨਹੀਂ ਪਕਾਉਣਾ ਚਾਹੀਦਾ ਹੈ। ਆਉ ਜਾਣਦੇ ਹਾਂ ਕਿਹੜੀਆਂ ਸਬਜ਼ੀਆਂ ਨੂੰ ਲੋਹੇ ਦੀ ਕੜਾਹੀ ਵਿਚ ਨਹੀਂ ਪਕਾਉਣਾ ਚਾਹੀਦਾ:
ਪਾਲਕ ਦੀ ਸਬਜ਼ੀ ਜਾਂ ਦਾਲ ਨੂੰ ਲੋਹੇ ਦੀ ਕੜਾਹੀ ਵਿਚ ਨਹੀਂਂ ਪਕਾਉਣਾ ਚਾਹੀਦਾ। ਦਰਅਸਲ, ਪਾਲਕ ਵਿਚ ਆਕਸਾਲਿਕ ਐਸਿਡ ਮਿਲ ਜਾਂਦਾ ਹੈ ਜੋ ਆਇਰਨ ਨਾਲ ਮਿਲਾਉਣ ’ਤੇ ਪ੍ਰਤੀਕਿਰਿਆ ਕਰਦਾ ਹੈ ਜਿਸ ਕਾਰਨ ਨਾ ਸਿਰਫ਼ ਪਾਲਕ ਦਾ ਰੰਗ ਖ਼ਰਾਬ ਹੋ ਜਾਂਦਾ ਹੈ ਸਗੋਂ ਇਹ ਸਬਜ਼ੀ ਸਿਹਤ ਲਈ ਵੀ ਹਾਨੀਕਾਰਕ ਹੈ।
ਚੁਕੰਦਰ ਤੋਂ ਬਣੀ ਕੋਈ ਵੀ ਡਿਸ਼ ਜਾਂ ਸਬਜ਼ੀ ਲੋਹੇ ਦੀ ਕੜਾਹੀ ਵਿਚ ਨਹੀਂ ਪਕਾਈ ਜਾਣੀ ਚਾਹੀਦੀ। ਦਰਅਸਲ, ਚੁਕੰਦਰ ਵਿਚ ਆਇਰਨ ਪਾਇਆ ਜਾਂਦਾ ਹੈ, ਜੋ ਆਇਰਨ ਨਾਲ ਉਲਟਾ ਪ੍ਰਤੀਕ੍ਰਿਆ ਕਰ ਸਕਦਾ ਹੈ। ਇਸ ਦੇ ਸੇਵਨ ਨਾਲ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਇਹ ਖਾਣੇ ਦਾ ਰੰਗ ਵੀ ਖ਼ਰਾਬ ਕਰ ਦਿੰਦਾ ਹੈ।
ਜੇਕਰ ਤੁਸੀਂ ਸਬਜ਼ੀ ਬਣਾ ਰਹੇ ਹੋ ਅਤੇ ਉਸ ਵਿਚ ਨਿੰਬੂ ਦਾ ਰਸ ਵਰਤਣਾ ਹੈ ਤਾਂ ਉਸ ਸਬਜ਼ੀ ਨੂੰ ਲੋਹੇ ਦੇ ਕੜਾਹੀ ਵਿਚ ਨਾ ਪਕਾਉ। ਨਿੰਬੂ ਬਹੁਤ ਤੇਜ਼ਾਬੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ ਜੋ ਆਇਰਨ ਨਾਲ ਪ੍ਰਤੀਕਿਰਿਆ ਕਰ ਸਕਦਾ ਹੈ। ਇਹ ਨਾ ਸਿਰਫ਼ ਤੁਹਾਡੇ ਖਾਣੇ ਦਾ ਸਵਾਦ ਖ਼ਰਾਬ ਕਰਦਾ ਹੈ, ਸਗੋਂ ਤੁਹਾਡੀ ਸਿਹਤ ’ਤੇ ਵੀ ਬੁਰਾ ਅਸਰ ਪਾਉਂਦਾ ਹੈ। ਇਸ ਕਾਰਨ ਤੁਹਾਨੂੰ ਪਾਚਨ ਪ੍ਰਣਾਲੀ ਨਾਲ ਜੁੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਅਜਿਹੇ ਵਿਚ ਤੁਹਾਨੂੰ ਲੋਹੇ ਦੀ ਕੜਾਹੀ ਵਿਚ ਨਿੰਬੂ ਤੋਂ ਬਣੀਆਂ ਚੀਜ਼ਾਂ ਬਣਾਉਣ ਤੋਂ ਬਚਣਾ ਚਾਹੀਦਾ ਹੈ।
ਜੇਕਰ ਤੁਸੀਂ ਕੋਈ ਵੀ ਮਿੱਠੀ ਚੀਜ਼ ਬਣਾ ਰਹੇ ਹੋ ਤਾਂ ਇਸ ਨੂੰ ਲੋਹੇ ਦੇ ਕੜਾਹੀ ਵਿਚ ਨਾ ਬਣਾਉ। ਅਸਲ ਵਿਚ ਲੋਹੇ ਦੇ ਕੜਾਹੀ ਵਿਚ ਖਾਣਾ ਪਕਾਉਣ ਨਾਲ ਇਸ ਦਾ ਸਵਾਦ ਪੂਰੀ ਤਰ੍ਹਾਂ ਖ਼ਰਾਬ ਹੋ ਜਾਂਦਾ ਹੈ। ਇਸ ਲਈ ਕਿਸੇ ਵੀ ਤਰ੍ਹਾਂ ਦੀਆਂ ਮਿੱਠੀਆਂ ਚੀਜ਼ਾਂ ਨੂੰ ਲੋਹੇ ਦੀ ਬਜਾਏ ਸਟੇਨਲੈੱਸ ਸਟੀਲ ਦੇ ਪੈਨ ਜਾਂ ਓਵਨ ਵਿਚ ਹੀ ਬਣਾਉ।
