ਵਰਤਮਾਨ ਸਮੇਂ ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ ਆਸਮਾਨ ਛੂੰਹਦੀਆਂ ਜਾ ਰਹੀਆਂ ਹਨ, ਜਿਸ ਕਾਰਨ ਲੋਕਾਂ 'ਤੇ ਮਹਿੰਗਾਈ ਦਾ ਬੋਝ ਵਧਦਾ ਜਾ ਰਿਹਾ ਹੈ ਪਰ ...
ਵਾਸ਼ਿੰਗਟਨ : ਵਰਤਮਾਨ ਸਮੇਂ ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ ਆਸਮਾਨ ਛੂੰਹਦੀਆਂ ਜਾ ਰਹੀਆਂ ਹਨ, ਜਿਸ ਕਾਰਨ ਲੋਕਾਂ 'ਤੇ ਮਹਿੰਗਾਈ ਦਾ ਬੋਝ ਵਧਦਾ ਜਾ ਰਿਹਾ ਹੈ ਪਰ ਤੁਸੀਂ ਜਾਣ ਕੇ ਹੈਰਾਨ ਹੋਵੋਗੇ ਕਿ ਹੁਣ ਵਿਗਿਆਨੀਆਂ ਨੇ ਇਕ ਅਜਿਹੀ ਤਕਨੀਕ ਵਿਕਸਤ ਕੀਤੀ ਹੈ, ਜੋ ਇਸ ਪਰੇਸ਼ਾਨੀ ਤੋਂ ਸਾਨੂੰ ਰਾਹਤ ਦਿਵਾ ਸਕਦੀ ਹੈ। ਅਸਲ ਵਿਚ ਵਿਗਿਆਨੀਆਂ ਨੇ ਪਾਣੀ ਤੋਂ ਈਂਧਣ ਬਣਾਉਣ ਦਾ ਤਰੀਕਾ ਇਜ਼ਾਦ ਕੀਤਾ ਹੈ, ਜਿਸ ਨਾਲ ਕਾਰਾਂ ਅਤੇ ਹੋਰ ਵਾਹਨ ਚੱਲ ਸਕਣਗੇ।
ਲਗਾਤਾਰ ਵਧ ਰਹੇ ਪ੍ਰਦੂਸ਼ਣ ਨੂੰ ਦੇਖਦੇ ਹੋਏ ਵਿਗਿਆਨੀਆਂ ਲਈ ਕਿਸੇ ਅਜਿਹੇ ਈਂਧਣ ਦੀ ਖੋਜ ਕਾਫ਼ੀ ਸਮੇਂ ਤੋਂ ਚੁਣੌਤੀ ਬਣੀ ਹੋਈ ਸੀ ਜੋ ਵਾਤਾਵਰਣ ਪੱਖੀ ਹੋਵੇ। ਹੁਣ ਵਿਗਿਆਨੀਆਂ ਵਲੋਂ ਪਾਣੀ ਤੋਂ ਈਂਧਣ ਬਣਾਉਣ ਦੀ ਵਿਕਸਤ ਕੀਤੀ ਗਈ ਇਹ ਸਮੱਗਰੀ ਕਿਫ਼ਾਇਤੀ ਹੋਣ ਦੇ ਨਾਲ-ਨਾਲ ਵਾਤਾਵਰਣ ਅਨੁਕੂਲ ਵੀ ਦੱਸੀ ਜਾ ਰਹੀ ਹੈ। ਇਹ ਤਕਨੀਕ ਪਾਣੀ ਨੂੰ ਤੋੜ ਕੇ ਉਸ ਤੋਂ ਹਾਈਡ੍ਰੋਜਨ ਈਂਧਣ ਬਣਾਉਣ ਵਿਚ ਮਦਦ ਕਰ ਸਕਦੀ ਹੈ।
ਵਿਗਿਆਨੀਆਂ ਮੁਤਾਬਕ ਜ਼ਿਆਦਾਤਰ ਪ੍ਰਣਾਲੀਆਂ ਵਿਚ ਦੋ ਤੱਤਾਂ ਦੀ ਲੋੜ ਹੁੰਦੀ ਹੈ ਜੋ ਪਾਣੀ ਦੇ ਤੱਤਾਂ ਤੋਂ ਹਾਈਡ੍ਰੋਜਨ ਅਤੇ ਆਕਸੀਜ਼ਨ ਨੂੰ ਅਲੱਗ ਕਰਦੇ ਹਨ ਪਰ ਨਵੀਂ ਤਕਨੀਕ ਮੁਤਾਬਕ ਆਇਰਨ ਅਤੇ ਡਿਨੀਕਲ ਫਾਸਫਾਈਡ ਤੋਂ ਬਣਿਆ ਨਵਾਂ ਤੱਤ ਵਪਾਰਕ ਰੂਪ ਨਾਲ ਉਪਲਬਧ ਨਿਕੇਲ ਫੋਮ 'ਤੇ ਦੋਵੇਂ ਕੰਮ ਕਰਦਾ ਹੈ। ਅਮਰੀਕਾ ਸਥਿਤ ਯੂਨੀਵਰਸਿਟੀ ਆਫ਼ ਹਿਊਸਟਨ ਅਤੇ ਕੈਲੇਫੋਰਨੀਆ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਦੇ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਸ ਵਿਚ ਪਾਣੀ ਤੋਂ ਹਾਈਡ੍ਰੋਜਨ ਦਾ ਉਤਪਾਦਨ ਕਰਨ ਲਈ ਜ਼ਰੂਰੀ ਊਰਜਾ ਦੀ ਮਾਤਰਾ ਨੂੰ ਨਾਟਕੀ ਰੂਪ ਨਾਲ ਘੱਟ ਕਰਨ ਦੀ ਸਮਰੱਥਾ ਹੁੰਦੀ ਹੈ।
ਘੱਟ ਊਰਜਾ ਦਾ ਮਤਲਬ ਇਹ ਹੋਇਆ ਕਿ ਹਾਈਡ੍ਰੋਜਨ ਉਤਪਾਦਨ ਘੱਟ ਲਾਗਤ 'ਤੇ ਕੀਤਾ ਜਾ ਸਕਦਾ ਹੈ। ਯੂਨੀਵਰਸਿਟੀ ਆਫ਼ ਹਿਊਸਟਨ ਦੇ ਪ੍ਰੋਫੈਸਰ ਝਿਫੇਂਗ ਰੇਨ ਨੇ ਕਿਹਾ ਕਿ ਇਸ ਨਾਲ ਅਸੀਂ ਉਦਯੋਗੀਕਰਨ ਦੇ ਨੇੜੇ ਆ ਗਏ ਹਾਂ। ਹਾਈਡ੍ਰੋਜਨ ਨੂੰ ਕਈ ਉਦਯੋਗਿਕ ਵਰਤੋਂ ਵਿਚ ਸਵੱਛ ਊਰਜਾ ਦੇ ਲੋੜੀਂਦੇ ਸਰੋਤ ਦੇ ਰੂਪ ਵਿਚ ਜਾਣਿਆ ਜਾਂਦਾ ਹੈ। ਹਾਲਾਂਕਿ ਵੱਡੀ ਮਾਤਰਾ ਵਿਚ ਗੈਸ ਉਤਪਾਦਨ ਲਈ ਪ੍ਰਯੋਗਿਕ, ਕਿਫ਼ਾਇਤੀ ਅਤੇ ਵਾਤਾਵਰਣ ਅਨੁਕੂਲ ਤਰੀਕਾ ਲੱਭਣਾ ਇਕ ਚੁਣੌਤੀ ਰਿਹਾ ਹੈ, ਖ਼ਾਸ ਕਰਕੇ ਪਾਣੀ ਨੂੰ ਇਸ ਦੇ ਤੱਤਾਂ ਵਿਚ ਤੋੜ ਕੇ ਈਂਧਣ ਬਣਾਉਣਾ।
ਨੇਚਰ ਕਮਿਊਨੀਕੇਸ਼ਨਜ਼ ਪੱਤ੍ਰਿਕਾ ਵਿਚ ਪ੍ਰਕਾਸ਼ਤ ਰਿਸਰਚ ਰਿਪੋਰਟ ਵਿਚ ਰੇਨ ਨੇ ਕਿਹਾ ਕਿ ਕਿਉਂਕਿ ਇਸ ਨੂੰ ਤਰਲ ਰੂਪ ਵਿਚ ਬਦਲਿਆ ਜਾ ਸਕਦਾ ਹੈ। ਅਜਿਹੇ ਵਿਚ ਊਰਜਾ ਦੇ ਕੁੱਝ ਹੋਰ ਸਰੂਪਾਂ ਦੀ ਤੁਲਨਾ ਵਿਚ Îਇਸ ਦਾ ਜ਼ਿਆਦਾ ਆਸਾਨੀ ਨਾਲ ਭੰਡਾਰਨ ਕੀਤਾ ਜਾ ਸਕਦਾ ਹੈ। ਯੂਨੀਵਰਸਿਟੀ ਆਫ਼ ਹਿਊਸਟਨ ਦੇ ਸਹਾਇਕ ਪ੍ਰੋਫੈਸਰ ਸ਼ੁਓ ਚੇਨ ਨੇ ਕਿਹਾ ਕਿ ਸਾਡੇ ਦੁਆਰਾ ਵਿਕਸਤ ਕੀਤੀ ਗਈ ਸਮੱਗਰੀ ਧਰਤੀ ਵਿਚ ਵਧੇਰੀ ਮਾਤਰਾ ਵਿਚ ਉਪਲਬਧ ਤੱਤਾਂ 'ਤੇ ਆਧਾਰਤ ਹੈ। ਪਲੈਟੀਨਮ ਸਮੂਹ ਦੀਆਂ ਸਮੱਗਰੀਆਂ ਦੇ ਨਾਲ ਦਾ ਪ੍ਰਦਰਸ਼ਨ ਕਰਦੀ ਹੈ।