ਆਪਣੇ ਯੂਜ਼ਰਸ ਦੀ ਸਹੂਲਤ ਨੂੰ ਧਿਆਨ ਵਿਚ ਰੱਖਦੇ ਹੋਏ ਦੁਨੀਆਂ ਦੀ ਸੱਭ ਤੋਂ ਮਸ਼ਹੂਰ ਇਨਸਟੈਂਟ ਮੈਸੇਜਿੰਗ ਐਪ ਵਟਸਐਪ ਲਗਾਤਾਰ ਅਪਡੇਟਸ ਜਾਰੀ ਕਰ ਰਹੀ ਹੈ...
ਆਪਣੇ ਯੂਜ਼ਰਸ ਦੀ ਸਹੂਲਤ ਨੂੰ ਧਿਆਨ ਵਿਚ ਰੱਖਦੇ ਹੋਏ ਦੁਨੀਆਂ ਦੀ ਸੱਭ ਤੋਂ ਮਸ਼ਹੂਰ ਇਨਸਟੈਂਟ ਮੈਸੇਜਿੰਗ ਐਪ ਵਟਸਐਪ ਲਗਾਤਾਰ ਅਪਡੇਟਸ ਜਾਰੀ ਕਰ ਰਹੀ ਹੈ। ਫੇਸਬੁਕ ਦੀ ਸਵੈ ਮਾਲਕੀ ਵਾਲੀ ਇਹ ਚੈਟਿੰਗ ਐਪ ਛੇਤੀ ਹੀ ਇਕ ਹੋਰ ਅਪਡੇਟ ਜਾਰੀ ਕਰ ਸਕਦੀ ਹੈ। ਇਸ ਅਪਡੇਟ ਦੇ ਜ਼ਰੀਏ ਅਪਣੇ ਦੋਸਤਾਂ ਨੂੰ ਆਡੀਓ ਫਾਈਲਸ ਭੇਜਣਾ ਹੋਰ ਵੀ ਆਸਾਨ ਹੋ ਜਾਵੇਗਾ। ਦਰਅਸਲ ਵਟਸਐਪ ਨਾਲ ਜੁਡ਼ੀ ਤਾਜ਼ਾ ਜਾਣਕਾਰੀ ਰੱਖਣ ਵਾਲੀ ਵੈਬਸਾਈਟ WABetaInfo ਦੇ ਮੁਤਾਬਕ, ਵਟਸਐਪ ਦੀ ਐਂਡਰਾਇਡ ਐਪ (ਵਰਜਨ 2.19.1) ਦੇ ਬੀਟਾ ਵਰਜਨ ਉਤੇ ਇਕ ਨਵਾਂ ਫੀਚਰ ਦੇਖਣ ਨੂੰ ਮਿਲਿਆ ਹੈ।
WhatsApp beta for Android 2.19.1: WhatsApp is working on a new redesigned section to send audio files to contacts.
— WABetaInfo (@WABetaInfo) January 7, 2019
It supports audio preview and image preview of the audio file (if available).
Max 30 audio messages at a time.
FEATURE AVAILABLE IN FUTURE! pic.twitter.com/5hCIavpCcU
ਵੈਬਸਾਈਟ ਨੇ ਅਪਣੇ ਇਕ ਟਵੀਟ ਵਿਚ ਲਿਖਿਆ ਕਿ ਵਟਸਐਪ ਅਪਣੇ ਕਾਂਟੈਕਟ ਨੂੰ ਆਡੀਓ ਫਾਈਲ ਭੇਜਣ ਦਾ ਤਰੀਕਾ ਬਦਲਣ 'ਤੇ ਕੰਮ ਕਰ ਰਿਹਾ ਹੈ। ਇਸ ਵਿਚ ਆਡੀਓ ਫਾਈਲ ਦਾ ਆਡੀਓ ਪ੍ਰੀਵਿਊ ਅਤੇ ਇਮੇਜ ਪ੍ਰੀਵਿਊ ਵਿਖਾਈ ਦੇਵੇਗਾ। ਇਕ ਵਾਰ ਵਿਚ ਘਟੋ ਘੱਟ 30 ਆਡੀਓ ਮੈਸੇਜ ਵੀ ਭੇਜੇ ਜਾ ਸਕਣਗੇ। ਇਹ ਫੀਚਰ ਭਵਿੱਖ ਵਿਚ ਉਪਲੱਬਧ ਹੋਵੇਗਾ। ਟਵੀਟ ਦੇ ਨਾਲ ਨਵੇਂ ਫੀਚਰ ਦੀ ਤਸਵੀਰ ਵੀ ਪੋਸਟ ਕੀਤੀ ਗਈ ਹੈ। ਇਸ ਤਸਵੀਰ ਵਿਚ ਆਡੀਓ ਫਾਈਲਸ ਭੇਜਣ ਦਾ ਤਰੀਕਾ ਵਰਤਮਾਨ ਡਿਜ਼ਾਈਨ ਤੋਂ ਥੋੜ੍ਹਾ ਵੱਖ ਨਜ਼ਰ ਆ ਰਿਹਾ ਹੈ। ਨਾਲ ਹੀ ਇਕੱਠੇ 30 ਫਾਈਲ ਸਿਲੈਕਸ਼ਨ ਦੀ ਗੱਲ ਵੀ ਵਿਖਾਈ ਦੇ ਰਹੀ ਹੈ।
ਧਿਆਨ ਰਹੇ ਕਿ ਫਿਲਹਾਲ ਇਹ ਫੀਚਰ ਐਂਡਰਾਇਡ ਐਪ ਦੇ ਬੀਟਾ ਵਰਜਨ ਉਤੇ ਹੀ ਉਪਲੱਬਧ ਹੈ। ਹਾਲਾਂਕਿ ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਛੇਤੀ ਹੀ ਇਸ ਨੂੰ ਐਂਡਰਾਇਡ ਅਤੇ iOS ਐਪ ਲਈ ਉਪਲੱਬਧ ਕਰਾ ਸਕਦੀ ਹੈ। ਦੱਸ ਦਈਏ ਕਿ ਹਾਲ ਹੀ ਵਿਚ ਵਟਸਐਪ ਨੇ ਦੋ ਵੱਡੇ ਫੀਚਰ ਜਾਰੀ ਕੀਤੇ ਸਨ। ਇਹਨਾਂ ਵਿਚੋਂ ਇਕ ਫੀਚਰ PiP (ਪਿਕਚਰ - ਇਨ - ਪਿਕਚਰ) ਮੋਡ ਸੀ।
ਇਸ ਦੇ ਜ਼ਰੀਏ ਯੂਜ਼ਰਸ ਚੈਟ 'ਤੇ ਆਏ ਕਿਸੇ ਵੀ ਯੂਟਿਊਬ ਜਾਂ ਫੇਸਬੁਕ ਵੀਡੀਓ ਲਿੰਕ ਨੂੰ ਸਿੱਧਾ ਚੈਟ ਵਿਚ ਹੀ ਵੇਖ ਸਕਦੇ ਹਨ। ਹੁਣ ਲਿੰਕ ਨੂੰ ਸੋਰਸ 'ਤੇ ਰੀਡਾਇਰੈਕਟ ਕਰਨ ਦੀ ਜ਼ਰੂਰਤ ਖਤਮ ਕਰ ਦਿਤੀ ਗਈ ਹੈ। ਇਸ ਤੋਂ ਇਲਾਵਾ ਗਰੁਪ ਚੈਟ ਦੇ ਦੌਰਾਨ ਪ੍ਰਾਈਵੇਟ ਰਿਪਲਾਈ ਦੀ ਸਹੂਲਤ ਵੀ ਦਿਤੀ ਗਈ ਹੈ।