ਪੁਲਾੜ ਅਤੇ ਖਗੋਲ ਵਿਗਿਆਨ ਵਿਚ ਰੁਚੀ ਰੱਖਣ ਵਾਲਿਆਂ ਨੂੰ ਇਸ ਹਫ਼ਤੇ ਦੋ ਵੱਡੀਆਂ ਘਟਨਾਵਾਂ ਦਿਸਣ ਨੂੰ ਮਿਲਣਗੀਆਂ। ਇਸ ਮਹੀਨੇ ਮੰਗਲ ਸਾਡੀ ਧਰਤੀ ਦੇ ਏਨਾ...
ਕੋਲਕਾਤਾ,ਪੁਲਾੜ ਅਤੇ ਖਗੋਲ ਵਿਗਿਆਨ ਵਿਚ ਰੁਚੀ ਰੱਖਣ ਵਾਲਿਆਂ ਨੂੰ ਇਸ ਹਫ਼ਤੇ ਦੋ ਵੱਡੀਆਂ ਘਟਨਾਵਾਂ ਦਿਸਣ ਨੂੰ ਮਿਲਣਗੀਆਂ। ਇਸ ਮਹੀਨੇ ਮੰਗਲ ਸਾਡੀ ਧਰਤੀ ਦੇ ਏਨਾ ਨੇੜੇ ਆ ਜਾਵੇਗਾ ਕਿ ਉਸ ਨੂੰ ਨੰਗੀਆਂ ਅੱਖਾਂ ਨਾਲ ਵੇਖਿਆ ਜਾ ਸਕੇਗਾ ਜਦਕਿ ਧਰਤੀ ਦੇ ਵੱਡੇ ਹਿੱਸੇ 'ਤੇ ਸਦੀ ਦਾ ਸੱਭ ਤੋਂ ਲੰਮਾ ਪੂਰਨ ਚੰਨਗ੍ਰਹਿਣ ਵੇਖਣ ਨੂੰ ਮਿਲੇਗਾ।
ਇਸ ਮਹੀਨੇ ਦੀ 27-28 ਤਰੀਕ ਦੀ ਦਰਮਿਆਨੀ ਰਾਤ ਨੂੰ ਇਕ ਘੰਟਾ 43 ਮਿੰਟ ਦਾ ਚੰਨ ਗ੍ਰਹਿਣ ਹੋਵੇਗਾ। ਭਾਰਤ ਸਮੇਤ ਦੁਨੀਆਂ ਦੇ ਕਈ ਦੇਸ਼ਾਂ ਵਿਚ ਇਸ ਨੂੰ ਵੇਖਿਆ ਜਾ ਸਕੇਗਾ। ਦੇਸ਼ ਵਿਚ ਚੰਨ ਗ੍ਰਹਿਣ ਦੀ ਸ਼ੁਰੂਆਤ ਭਾਰਤੀ ਸਮੇਂ ਮੁਤਾਬਕ ਰਾਤ 11.54 ਵਜੇ ਤੋਂ ਹੋਵੇਗੀ।
31 ਜੁਲਾਈ ਨੂੰ ਮੰਗਲ ਅਤੇ ਧਰਤੀ ਵਿਚਕਾਰ ਦੂਰੀ 5.76 ਕਰੋੜ ਕਿਲੋਮੀਟਰ ਰਹਿ ਜਾਵੇਗੀ। ਸਾਲ 2003 ਮਗਰੋਂ ਇਹ ਪਹਿਲਾ ਮੌਕਾ ਹੋਵੇਗਾ ਜਦ ਲਾਲ ਗ੍ਰਹਿ ਧਰਤੀ ਦੇ ਏਨਾ ਨੇੜੇ ਆ ਜਾਵੇਗਾ। ਉਸ ਦੌਰਾਨ ਇਨ੍ਹਾਂ ਦੋਹਾਂ ਗ੍ਰਹਿਆਂ ਵਿਚਲੀ ਦੂਰੀ 5.57 ਕਰੋੜ ਕਿਲੋਮੀਟਰ ਰਹਿ ਗਈ ਸੀ। (ਏਜੰਸੀ)