Advertisement
  ਜੀਵਨ ਜਾਚ   ਤਕਨੀਕ  12 Nov 2020  ਵੱਡੀ ਖ਼ਬਰ- PUBG ਦੀ ਭਾਰਤ 'ਚ ਹੋ ਸਕਦੀ ਹੈ ਛੇਤੀ ਵਾਪਸੀ, ਜਲਦ ਹੋਵੇਗਾ ਐਲਾਨ

ਵੱਡੀ ਖ਼ਬਰ- PUBG ਦੀ ਭਾਰਤ 'ਚ ਹੋ ਸਕਦੀ ਹੈ ਛੇਤੀ ਵਾਪਸੀ, ਜਲਦ ਹੋਵੇਗਾ ਐਲਾਨ

ਸਪੋਕਸਮੈਨ ਸਮਾਚਾਰ ਸੇਵਾ
Published Nov 12, 2020, 5:12 pm IST
Updated Nov 12, 2020, 5:12 pm IST
ਕੰਪਨੀ ਦੀਵਾਲੀ ਦੇ ਤਿਉਹਾਰ ਦੌਰਾਨ ਦੇਸ਼ ਵਿਚ ਮਾਰਕੀਟਿੰਗ ਅਭਿਆਨ ਚਲਾਉਣ ਦੀ ਵੀ ਯੋਜਨਾ ਬਣਾ ਰਹੀ ਹੈ।
PUBG
 PUBG

ਨਵੀਂ ਦਿੱਲੀ- ਨੌਜਵਾਨਾਂ ਵਿਚ ਮਸ਼ਹੂਰ ਪਬਜੀ ਮੋਬਾਈਲ ਗੇਮ ਉਤੇ ਕਰੀਬ ਦੋ ਮਹੀਨੇ ਪਹਿਲਾਂ ਸਾਈਬਰ ਸੁਰੱਖਿਆ ਦੇ ਫ਼ਿਕਰਾਂ ਨੂੰ ਦੇਖਦਿਆਂ ਭਾਰਤ ਵਿਚ ਪਾਬੰਦੀ ਲਾਈ ਗਈ ਸੀ। ਸੂਤਰਾਂ ਮੁਤਾਬਕ ਪਬਜੀ ਭਾਰਤ ਵਿਚ ਫਿਰ ਤੋਂ ਵਾਪਸੀ ਕਰ ਸਕਦਾ ਹੈ। ਪਬਜੀ ਮੋਬਾਈਲ ਦੀ ਪੇਰੇਂਟ ਸਾਊਥ ਕੋਰੀਅਨ ਕੰਪਨੀ ਪਿਛਲੇ ਕੁੱਝ ਹਫ਼ਤਿਆਂ ਤੋਂ ਗਲੋਬਲ ਸਰਵਿਸ ਪ੍ਰੋਵਾਈਡਰਜ਼ ਨਾਲ ਗੱਲਬਾਤ ਕਰ ਰਹੀ ਹੈ। ਕੇਂਦਰ ਸਰਕਾਰ ਵਲੋਂ ਯੂਜ਼ਰਜ਼ ਦੇ ਡਾਟਾ ਨੂੰ ਦੇਸ਼ ਤੋਂ ਬਾਹਰ ਕੀਤੇ ਜਾਣ 'ਤੇ ਚਿੰਤਾ ਜ਼ਾਹਰ ਕਰਦਿਆਂ ਕੰਪਨੀ ਭਾਰਤ ਦੇ ਯੂਜ਼ਰਜ਼ ਦਾ ਡਾਟਾ ਭਾਰਤ ਵਿਚ ਹੀ ਸਟੋਰ ਕਰਨ ਲਈ ਹਿੱਸੇਦਾਰਾਂ ਨਾਲ ਗੱਲ ਕਰ ਰਹੀ ਹੈ।

PUBG

ਸੂਤਰਾਂ ਮੁਤਾਬਕ ਗੇਮਿੰਗ ਦੇ ਇਸ ਮਹਾਂਬਲੀ ਨੇ ਨਿਜੀ ਤੌਰ 'ਤੇ ਦੇਸ਼ ਵਿਚ ਕੁੱਝ ਹਾਈ-ਪ੍ਰੋਫ਼ਾਈਲ ਸਟ੍ਰੀਮਰਜ਼ ਨੂੰ ਸੂਚਿਤ ਕੀਤਾ ਹੈ ਕਿ ਉਹ ਇਸ ਸਾਲ ਦੇ ਅੰਤ ਤੋਂ ਪਹਿਲਾਂ ਭਾਰਤ ਵਿਚ ਸੇਵਾ ਫਿਰ ਤੋਂ ਸ਼ੁਰੂ ਕਰਨ ਦੀ ਉਮੀਦ ਕਰ ਰਿਹਾ ਹੈ। ਕੰਪਨੀ ਇਸ ਹਫ਼ਤੇ ਭਾਰਤ ਲਈ ਆਪਣੇ ਭਵਿੱਖ ਦੀਆਂ ਯੋਜਨਾਵਾਂ ਬਾਰੇ ਇਕ ਐਲਾਨ ਕਰ ਸਕਦੀ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਕੰਪਨੀ ਦੀਵਾਲੀ ਦੇ ਤਿਉਹਾਰ ਦੌਰਾਨ ਦੇਸ਼ ਵਿਚ ਮਾਰਕੀਟਿੰਗ ਅਭਿਆਨ ਚਲਾਉਣ ਦੀ ਵੀ ਯੋਜਨਾ ਬਣਾ ਰਹੀ ਹੈ।

PUBG

ਇੰਡਸਟਰੀ ਦੇ ਇਕ ਐਗਜ਼ੀਕਿਊਟਿਵ ਨੇ ਕਿਹਾ ਹਾਲ ਹੀ ਦੇ ਚਾਰ ਹਫ਼ਤਿਆਂ ਵਿਚ ਪਬਜੀ ਨੇ ਸੌਫ਼ਟਬੈਂਕ ਸਮਰਥਤ ਪੇਟੀਐਮ ਤੇ ਟੈਲੀਕੌਮ ਦੇ ਬਾਦਸ਼ਾਹ ਏਅਰਟੈਲ ਸਮੇਤ ਕਈ ਸਥਾਨਕ ਕੰਪਨੀਆਂ ਨਾਲ ਗੱਲਬਾਤ ਕੀਤੀ ਹੈ ਤਾਕਿ ਇਹ ਪਤਾ ਲਾਇਆ ਜਾ ਸਕੇ ਕਿ ਉਹ ਦੇਸ਼ ਵਿਚ ਮਸ਼ਹੂਰ ਮੋਬਾਈਲ ਗੇਮ ਨੂੰ ਚਾਲੂ ਕਰਨ ਵਿਚ ਰੁਚੀ ਰਖਦੇ ਹਨ ਜਾਂ ਨਹੀਂ। ਹਾਲਾਂਕਿ ਪੇਟੀਐਮ ਨੇ ਇਸ 'ਤੇ ਕੋਈ ਟਿਪਣੀ ਨਹੀਂ ਕੀਤੀ।

Advertisement