ਏਜੰਸੀ ਦਾ ਕਹਿਣਾ ਹੈ ਕਿ ਕੋਰੋਨਾ ਮਹਾਮਾਰੀ ਦੌਰਾਨ ਇੰਟਰਨੈੱਟ ਯੂਜ਼ਰਸ ਵਧੇ ਹੋਏ ਹਨ ਅਤੇ ਉਨ੍ਹਾਂ ਦਾ ਫਾਇਦਾ ਚੁੱਕਦਿਆਂ ਸਾਈਬਰ ਠੱਗ ਉਨ੍ਹਾਂ ਨਾਲ ਧੋਖਾ ਕਰ ਰਹੇ ਹਨ।
ਨਵੀਂ ਦਿੱਲੀ - ਵਿਸ਼ਵ ਮਹਾਂਮਾਰੀ ਬਣੇ ਕੋਰੋਨਾ ਵਾਇਰਸ ਤੋਂ ਸੁਰੱਖਿਆ ਤੇ ਜਾਣਕਾਰੀ ਲਈ ਸਹਾਇਕ ਮੰਨੀ ਜਾਂਦੀ ਆਰੋਗਿਆ ਸੇਤੂ ਐਪ ਵੀ ਸਾਈਬਰ ਠੱਗਾਂ ਦਾ ਨਵਾਂ ਹਥਿਆਰ ਬਣ ਰਹੀ ਹੈ। ਭਾਰਤ ਦੀਆਂ ਸਾਈਬਰ ਸੁਰੱਖਿਆ ਏਜੰਸੀ ਵੱਲੋਂ ਦਿੱਤੀ ਜਾਣਕਾਰੀ ਮੁਤਾਬਿਕ ਦੇਸ਼ 'ਚ ਆਰੋਗਿਆ ਸੇਤੂ ਮੋਬਾਈਲ ਐਪ ਦੇ ਨਾਂ 'ਤੇ ਆਨਲਾਈਨ ਧੋਖਾਧੜੀ ਦੇ ਮਾਮਲੇ ਵਧ ਸਕਦੇ ਹਨ।
File Photo
ਏਜੰਸੀ ਦਾ ਕਹਿਣਾ ਹੈ ਕਿ ਕੋਰੋਨਾ ਮਹਾਮਾਰੀ ਦੌਰਾਨ ਇੰਟਰਨੈੱਟ ਯੂਜ਼ਰਸ ਵਧੇ ਹੋਏ ਹਨ ਅਤੇ ਉਨ੍ਹਾਂ ਦਾ ਫਾਇਦਾ ਚੁੱਕਦਿਆਂ ਸਾਈਬਰ ਠੱਗ ਉਨ੍ਹਾਂ ਨਾਲ ਧੋਖਾ ਕਰ ਰਹੇ ਹਨ। ਸਾਈਬਰ ਠੱਗ ਵਿਸ਼ਵ ਸਿਹਤ ਸੰਗਠਨ ਨਾਲ ਜੁੜੇ ਲਿੰਕ 'ਤੇ ਜ਼ੂਮ ਜਿਹੀਆਂ ਸਾਈਟਾਂ ਦੇ ਮਿਲਦੇ-ਜੁਲਦੇ ਲਿੰਕ ਬਣਾ ਕੇ ਵੀ ਲੋਕਾਂ ਦਾ ਨਿੱਜੀ ਡਾਟਾ ਚੋਰੀ ਕਰ ਰਹੇ ਹਨ।
Aarogya Setu APP
ਠੱਗ ਕਿਸੇ ਵਿਭਾਗ ਦੇ ਸੀਈਓ ਜਾਂ ਹੋਰ ਕਿਸੇ ਜਾਣਕਾਰ ਵਿਅਕਤੀ ਦਾ ਨਾਂ ਲੈ ਕੇ ਯੂਜ਼ਰਸ ਨੂੰ ਇਹ ਕਹਿ ਕੇ ਨਿਸ਼ਾਨਾ ਬਣਾਉਂਦੇ ਹਨ ਕਿ ਤੁਹਾਡਾ ਗੁਆਂਢੀ ਕੋਰੋਨਾ ਵਾਇਰਸ ਤੋਂ ਪੀੜਤ ਹੈ, ਦੇਖੋ ਹੋਰ ਕੌਣ-ਕੌਣ ਪ੍ਰਭਾਵਿਤ ਹੈ, ਕੀ ਤੁਹਾਡੇ ਸੰਪਰਕ 'ਚ ਆਇਆ ਕੋਈ ਵਿਅਕਤੀ ਪ੍ਰਭਾਵਿਤ ਹੋਇਆ, ਆਰੋਗਿਆ ਸੇਤੂ ਐਪ ਦੀ ਵਰਤੋਂ ਕਰਨ ਦੇ ਦਿਸ਼ਾ-ਨਿਰਦੇਸ਼ਾਂ ਜਿਹੇ ਬਹਾਨਿਆਂ ਦੀ ਵਰਤੋਂ ਕਰਦੇ ਹਨ। ਕੋਰੋਨਾ ਵਾਇਰਸ ਮਹਾਮਾਰੀ ਦਾ ਫਾਇਦਾ ਚੁੱਕਦਿਆਂ ਸਾਈਬਰ ਠੱਗ ਲੋਕਾਂ ਦੇ ਫ਼ੋਨਾਂ ਰਾਹੀਂ ਉਨ੍ਹਾਂ ਦਾ ਸੰਵੇਦਨਸ਼ੀਲ ਤੇ ਨਿੱਜੀ ਡਾਟਾ ਚੋਰੀ ਕਰ ਰਹੇ ਹਨ।
Aarogya Setu APP
ਕੁਝ ਦਿਨ ਪਹਿਲਾਂ ਏਲੀਅਟ ਐਲਡਰਸਨ ਨਾਂਅ ਦੀ ਇੱਕ ਆਈਡੀ ਤੋਂ ਟਵਿੱਟਰ ਰਾਹੀਂ ਫ਼ਰਾਂਸ ਮੂਲ ਦੇ ਹੈਕਰ ਨੇ ਵੀ ਇਸ ਐਪ ਦੀ ਸੁਰੱਖਿਆ ਦੇ ਮੁੱਦੇ ਦਾ ਖੁਲਾਸਾ ਕਰਦਿਆਂ ਕਿਹਾ ਸੀ ਕਿ ਇਹ ਐਪ 90 ਮਿਲੀਅਨ ਭਾਰਤੀ ਲੋਕਾਂ ਦੀ ਨਿੱਜੀ ਜਾਣਕਾਰੀ ਨੂੰ ਦਾਅ 'ਤੇ ਲਾ ਸਕਦੀ ਹੈ। ਇੱਕ ਨੈਤਿਕ ਹੈਕਰ ਵਜੋਂ ਐਲਡਰਸਨ ਨੇ ਇਸ ਦੀ ਜਾਣਕਾਰੀ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (CERT) ਅਤੇ ਨੈਸ਼ਨਲ ਇਨਫ਼ਾਰਮੈਟਿਕਸ ਸੈਂਟਰ (NIC) ਤੱਕ ਵੀ ਪਹੁੰਚਾਈ, ਅਤੇ ਇਹ ਦੋਵੇਂ ਅਦਾਰੇ ਭਾਰਤ ਦੀ ਇਲੈਕਟ੍ਰਾਨਿਕਸ ਤੇ ਇਨਫ਼ਾਰਮੇਸ਼ਨ ਤਕਨਾਲੋਜੀ ਅਧੀਨ ਆਉਂਦੇ ਹਨ।
mAadhar App
ਇਸ ਤੋਂ ਪਹਿਲਾਂ ਐਲਡਰਸਨ ਭਾਰਤ ਸਰਕਾਰ ਦੀ mAadhar ਐਪ ਨਾਲ ਜੁੜੇ ਸੁਰੱਖਿਆ ਮੁੱਦਿਆਂ ਦਾ ਵੀ ਖੁਲਾਸਾ ਕਰ ਚੁੱਕਿਆ ਹੈ। ਟਵਿੱਟਰ ਰਾਹੀਂ ਐਲਡਰਸਨ ਨੇ ਦਾਅਵਾ ਕੀਤਾ ਸੀ ਕਿ ਉਸ ਨੇ ਆਰੋਗਿਆ ਸੇਤੂ ਨਾਲ ਜੁੜੇ ਸੁਰੱਖਿਆ ਮੁੱਦੇ ਦਾ ਪਤਾ ਲਗਾਇਆ ਹੈ ਅਤੇ ਸਰਕਾਰ ਉਣ ਨੂੰ ਨਿੱਜੀ ਤੌਰ 'ਤੇ ਸੰਪਰਕ ਕਰੇ ਤਾਂ ਉਹ ਸੰਬੰਧਿਤ ਮਾਹਿਰਾਂ ਨੂੰ ਇਸ ਬਾਰੇ ਜਾਣਕਾਰੀ ਦੇ ਸਕਦਾ ਹੈ। ਪਰ ਸਰਕਰ ਵੱਲੋਂ ਆਰੋਗਿਆ ਸੇਤੂ ਐਪ ਬਾਰੇ "ਸਭ ਠੀਕ ਹੈ" ਵਾਲੀ ਗੱਲ ਕਹੀ ਗਈ ਸੀ। ਹੁਣ ਭਾਰਤ ਦੀਆਂ ਆਪਣੀ ਸਾਈਬਰ ਸੁਰੱਖਿਆ ਏਜੰਸੀ ਵੱਲੋਂ ਆਰੋਗਿਆ ਸੇਤੂ ਬਾਰੇ ਦਿੱਤੀ ਇਸ ਜਾਣਕਾਰੀ ਨਾਲ ਲੋਕਾਂ ਦੇ ਮਨਾਂ 'ਚ ਨਿੱਜੀ ਜਾਣਕਾਰੀ ਤੇ ਸਾਈਬਰ ਸੁਰੱਖਿਆ ਨੂੰ ਲੈ ਕੇ ਚਿੰਤਾਵਾਂ ਉੱਠਣੀਆਂ ਸ਼ੁਰੂ ਹੋ ਗਈਆਂ ਹਨ।
