ਮਸਕ ਨੇ ਐਤਵਾਰ ਦੇਰ ਰਾਤ ਟਵੀਟ ਕੀਤਾ ਕਿ ਉਹ ਸੋਮਵਾਰ ਨੂੰ ਹੀ ਲੋਗੋ ਵਿਚ ਬਦਲਾਅ ਕਰਨਾ ਚਾਹੁੰਦੇ ਹਨ
ਨਿਊਯਾਰਕ - ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ਆਪਣੇ ਲੋਗੋ ਵਿਚ ਮਸ਼ਹੂਰ ਨੀਲੀ ਚਿੜੀ ਦੀ ਥਾਂ ਹੁਣ ‘ਐਕਸ’ ਅੱਖਰ ਦੀ ਵਰਤੋਂ ਕਰੇਗਾ। ਉਦਯੋਗਪਤੀ ਐਲੋਨ ਮਸਕ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮਸਕ ਨੇ ਪਿਛਲੇ ਸਾਲ 44 ਬਿਲੀਅਨ ਡਾਲਰ ਵਿਚ ਟਵਿਟਰ ਖਰੀਦਿਆ ਸੀ। ਉਦੋਂ ਤੋਂ ਮਸਕ ਨੇ ਸਾਈਟ 'ਤੇ ਕਈ ਬਦਲਾਅ ਕੀਤੇ ਹਨ। ਮਸਕ ਨੇ ਐਤਵਾਰ ਦੇਰ ਰਾਤ ਟਵੀਟ ਕੀਤਾ ਕਿ ਉਹ ਸੋਮਵਾਰ ਨੂੰ ਹੀ ਲੋਗੋ ਵਿਚ ਬਦਲਾਅ ਕਰਨਾ ਚਾਹੁੰਦੇ ਹਨ ਅਤੇ ਬਹੁਤ ਜਲਦੀ ਅਸੀਂ ਟਵਿੱਟਰ ਬ੍ਰਾਂਡ ਅਤੇ ਸਾਰੀਆਂ ਚਿੜੀਆਂ ਨੂੰ ਅਲਵਿਦਾ ਕਹਿ ਦੇਵਾਂਗੇ''
ਐਲਨ ਐਡਮਸਨ, ਮਾਰਕੀਟਿੰਗ ਸਲਾਹਕਾਰ ਮੈਟਾਫੋਰਸ ਦੇ ਸਹਿ-ਸੰਸਥਾਪਕ, ਨੇ ਕਿਹਾ ਕਿ ਐਕਸ ਦੇ ਨਾਲ ਮਸਕ ਦੇ ਪਿਛਲੇ ਇਤਿਹਾਸ ਨੂੰ ਦੇਖਦੇ ਹੋਏ ਇਹ ਬਦਲਾਅ ਹੈਰਾਨੀਜਨਕ ਨਹੀਂ ਸੀ। ਟੇਸਲਾ ਦੇ ਅਰਬਪਤੀ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ.ਈ.ਓ.) ਮਸਕ ਨੇ ਪਿਛਲੇ ਸਾਲ ਅਕਤੂਬਰ ਵਿਚ ਟਵੀਟ ਕੀਤਾ ਸੀ ਕਿ "ਟਵਿੱਟਰ ਨੂੰ ਖਰੀਦਣਾ ਸਾਰੀਆਂ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ 'ਐਕਸ' ਐਪ ਵੱਲ ਇੱਕ ਕਦਮ ਹੈ।"
ਮਸਕ ਦੀ ਰਾਕੇਟ ਕੰਪਨੀ 'ਸਪੇਸ ਐਕਸਪਲੋਰੇਸ਼ਨ ਟੈਕਨਾਲੋਜੀਜ਼ ਕਾਰਪ' ਨੂੰ ਆਮ ਤੌਰ 'ਤੇ 'ਸਪੇਸਐਕਸ' ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਉਸ ਨੇ 1999 ਵਿੱਚ 'X.com' ਨਾਮਕ ਇੱਕ ਸਟਾਰਟਅੱਪ ਦੀ ਸਥਾਪਨਾ ਕੀਤੀ, ਜੋ ਇੱਕ ਆਨਲਾਈਨ ਵਿੱਤੀ ਸੇਵਾ ਕੰਪਨੀ ਹੈ। ਇਸ ਨੂੰ ਹੁਣ ਪੇਪਾਲ ਵਜੋਂ ਜਾਣਿਆ ਜਾਂਦਾ ਹੈ।
