ਦੂਰਸੰਚਾਰ ਖੇਤਰ ਦੀਆਂ ਕੰਪਨੀਆਂ ਵੋਡਾਫ਼ੋਨ ਤੇ ਆਈਡੀਆ ਸੈਲੂਲਰ ਦੀ ਰਲੇਵਾਂ ਯੋਜਨਾ ਮਨਜ਼ੂਰੀ ਦੇ ਆਖ਼ਰੀ ਪੜਾਅ 'ਚ ਹੈ।
ਨਵੀਂ ਦਿੱਲੀ: ਦੂਰਸੰਚਾਰ ਖੇਤਰ ਦੀਆਂ ਕੰਪਨੀਆਂ ਵੋਡਾਫ਼ੋਨ ਤੇ ਆਈਡੀਆ ਸੈਲੂਲਰ ਦੀ ਰਲੇਵਾਂ ਯੋਜਨਾ ਮਨਜ਼ੂਰੀ ਦੇ ਆਖ਼ਰੀ ਪੜਾਅ 'ਚ ਹੈ। ਦੂਰਸੰਚਾਰ ਸਕੱਤਰ ਅਰੁਣਾ ਸੁੰਦਰਰਾਜਨ ਨੇ ਇਹ ਜਾਣਕਾਰੀ ਦਿਤੀ ਹੈ। ਦੋਹਾਂ ਦੂਰਸੰਚਾਰ ਕੰਪਨੀਆਂ ਦੀ ਰਲੇਵਾਂ ਯੋਜਨਾ ਨੂੰ ਰਾਸ਼ਟਰੀ ਕੰਪਨੀ ਲਾਅ ਟ੍ਰਿਬਿਊਨਲ (ਐੱਨ.ਸੀ.ਐੱਲ.ਟੀ.) ਅਤੇ ਬਾਜ਼ਾਰ ਰੈਗੂਲੇਟਰੀ ਸੇਬੀ ਤੋਂ ਹਰੀ ਝੰਡੀ ਮਿਲ ਚੁਕੀ ਹੈ। 
Idea, Vodafone mergerਸੁੰਦਰਰਾਜਨ ਮੁਤਾਬਕ ਦੂਰਸੰਚਾਰ ਵਿਭਾਗ ਇਸ 'ਚ ਤੇਜ਼ੀ ਲਿਆਉਣ ਦੀ ਪ੍ਰਕਿਰਿਆ 'ਚ ਹੈ। ਦੇਸ਼ 'ਚ 5ਜੀ ਟੈਕਨਾਲੋਜੀ ਸ਼ੁਰੂ ਕਰਨ ਬਾਰੇ ਦੂਰਸੰਚਾਰ ਉਦਯੋਗ ਸੰਗਠਨ ਸੈਲੂਲਰ ਆਪ੍ਰੇਟਰਸ ਐਸੋਸੀਏਸ਼ਨ ਆਫ਼ ਇੰਡੀਆ (ਸੀ. ਓ. ਏ. ਆਈ.) ਦੇ ਪ੍ਰੋਗਰਾਮ 'ਚ ਉਨ੍ਹਾਂ ਨੇ ਪੱਤਰਕਾਰਾਂ ਨੂੰ ਇਹ ਗੱਲ ਕਹੀ। ਸੁੰਦਰ ਰਾਜਨ ਨੇ ਕਿਹਾ ਕਿ ਸਰਕਾਰ ਨੇ ਦੇਸ਼ 'ਚ 5ਜੀ ਟੈਕਨਾਲੋਜੀ ਸੇਵਾ ਦੀ ਸ਼ੁਰੂਆਤ ਲਈ ਕਮਰ ਕੱਸ ਲਈ ਹੈ। 
Idea, Vodafone merger ਭਾਰਤ ਦੇ ਵਿਆਪਕ ਡਿਜੀਟਲੀਕਰਨ ਯਤਨਾਂ ਲਈ 5ਜੀ ਮਹੱਤਵਪੂਰਨ ਹੈ। ਦੇਸ਼ ਨੂੰ 5ਜੀ ਖੇਤਰ 'ਚ ਮੋਹਰੀ ਬਣਾਉਣ ਲਈ ਸਰਕਾਰ ਉਦਯੋਗ, ਅਕਾਦਮੀ ਖੇਤਰ ਅਤੇ ਸਟਾਰਟਅਪ ਸਮੁਦਾਇ ਸਮੇਤ ਸਾਰੇ ਹਿੱਤਧਾਰਕਾਂ ਦੇ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ।
