ਕੁਦਰਤ ਦੀ ਖ਼ੂਬਸੁਰਤੀ ਨੂੰ ਦੇਖਣਾ ਹੀ ਯਾਤਰਾ ਦਾ ਸਭ ਤੋਂ ਵਧੀਆ ਹਿੱਸਾ ਹੁੰਦਾ ਹੈ।
ਕੁਦਰਤ ਦੀ ਖ਼ੂਬਸੁਰਤੀ ਨੂੰ ਦੇਖਣਾ ਹੀ ਯਾਤਰਾ ਦਾ ਸਭ ਤੋਂ ਵਧੀਆ ਹਿੱਸਾ ਹੁੰਦਾ ਹੈ, ਕਿਉਂਕਿ ਕੁਦਰਤ ਨੂੰ ਦੇਖ ਕੇ ਹਰ ਕਿਸੇ ਨੂੰ ਸਕੂਨ ਮਿਲਦਾ ਹੈ। ਕੁਦਰਤ ਦੀ ਖ਼ੂਬਸੁਰਤੀ ਹਰ ਥਾਂ ਦੇਖਣ ਨੂੰ ਮਿਲਦੀ ਹੈ ਚਾਹੇ ਉਹ, ਪਹਾੜ ਹੋਣ ਜਾਂ ਬੀਚ ਜਾਂ ਫਿਰ ਰੇਗਿਸਤਾਨ। ਕੁਦਰਤ ਦੀ ਇਹ ਖੂਬਸੁਰਤੀ ਵਾਟਰ ਫਾਲਸ ਵਿਚ ਦੇਖਣ ਨੂੰ ਮਿਲਦੀ ਹੈ।
Godafoss Waterfall
ਗੁਆਫਾਸ
ਆਈਸਲੈਂਡ ਦਾ ਇਹ ਵਾਟਰ ਫਾਲ ਕੁਦਰਤ ਦੀ ਬਹੁਤ ਹੀ ਵਧੀਆ ਦੇਣ ਹੈ। ਇੱਥੇ ਉਚਾਈ ਤੋਂ ਪਾਣੀ ਦੀ ਡਿੱਗ ਰਹੀ ਧਾਰਾ ਨੂੰ ਦੇਖਣਾ ਬਹੁਤ ਹੀ ਅਨੌਖਾ ਤਜ਼ੁਰਬਾ ਹੁੰਦਾ ਹੈ। 12 ਮੀਟਰ ਦੀ ਉਚਾਈ ਤੋਂ ਡਿੱਗ ਰਹੇ ਨੀਲੇ-ਹਰੇ ਪਾਣੀ ਦੇ ਝਰਨੇ ਦੀ ਚੌੜਾਈ ਲਗਭਗ 30 ਮੀਟਰ ਹੈ। ਇਸ ਨੂੰ ‘ਵਾਟਰ ਫਾਲ ਆਫ ਗਾਡ’ ਵੀ ਕਿਹਾ ਜਾਂਦਾ ਹੈ। ਇਸ ਦੇ ਪਿੱਛੇ ਕਈ ਕਹਾਣੀਆਂ ਜੁੜੀਆਂ ਹਨ। ਕਿਹਾ ਜਾਂਦਾ ਹੈ ਕਿ ਇਸ ਝਰਨੇ ਦਾ ਇਹ ਨਾਂਅ 1 ਹਜ਼ਾਰ ਸਾਲ ਪਹਿਲਾਂ ਪਿਆ ਸੀ, ਜਿਸ ਤੋਂ ਬਾਅਦ ਆਈਸਲੈਂਡ ਵਿਚ ਲੋਕਾਂ ਨੇ ਈਸਾਈ ਧਰਮ ਨੂੰ ਸਵਿਕਾਰ ਕਰ ਲਿਆ ਸੀ।
Skogafoss waterfall Iceland
ਸਕਾਗਾਫਾਸ ਆਈਸਲੈਂਡ
ਆਈਸਲੈਂਡ ਦੇ ਸਭ ਤੋਂ ਵੱਡੇ ਝਰਨਿਆਂ ਵਿਚ ਸ਼ਾਮਿਲ ਸਕਾਗਾਫਾਸ ਦੇਖਣ ‘ਤੇ ਰੇਨਬੋ ਵਿਚ ਖੜੇ ਹੋਣ ਦਾ ਅਹਿਸਾਸ ਹੁੰਦਾ ਹੈ। ਬਾਰਿਸ਼ ਦੇ ਮੌਸਮ ਵਿਚ ਇੱਥੇ ਇਕ ਨਹੀਂ ਬਲਕਿ ਦੋ ਰੇਨਬੋ ਨਜ਼ਰ ਆਉਂਦੇ ਹਨ। ਵਾਟਰਫਾਲ ਦੇ ਆਸਪਾਸ ਉੱਚੇ-ਉੱਚੇ ਪਹਾੜ ਅਤੇ ਹਰੇ-ਭਰੇ ਜੰਗਲ ਹਨ। ਇਸ ਥਾਂ ਦੀ ਖੂਬਸੁਰਤੀ ਨੂੰ ਦੇਖਣ ਸੈਲਾਨੀ ਦੂਰ-ਦੂਰ ਤੋਂ ਆਉਂਦੇ ਹਨ।
Langfoss waterfall, Norway
ਲੈਂਗਫਾਸ ਫਾਲ
ਨਾਰਵੇ ਦਾ ਲੈਂਗਫਾਸ ਫਾਲ ਅਜਿਹੇ ਹੀ ਸੋਹਣੇ ਵਾਟਰ ਫਾਲਸ ਵਿਚੋਂ ਇਕ ਹੈ। ਇਸ ਦੇ ਕਿਨਾਰੇ ਇਕ ਸੜਕ ਬਣੀ ਹੋਈ ਹੈ, ਜਿੱਥੇ ਖੜੇ ਹੋ ਕੇ ਝਰਨੇ ਦੇ ਡਿੱਗ ਰਹੇ ਪਾਣੀ ਦੀ ਅਵਾਜ਼ ਨੂੰ ਸੁਣਿਆ ਜਾ ਸਕਦਾ ਹੈ। ਨਾਰਵੇ ਦੇ ਸਭ ਤੋਂ ਵੱਡੇ ਝਰਨੇ ਦੀ ਉਚਾਈ 2,008 ਫੁੱਟ ਅਤੇ ਚੌੜਾਈ 205 ਫੁੱਟ ਹੈ। ਓਸਲੋ ਤੋਂ 246 ਮੀਲ ਲਗਭਗ 5 ਘੰਟੇ ਦਾ ਸਫਰ ਤੈਅ ਕਰਕੇ ਇੱਥੇ ਪਹੁੰਚਿਆ ਜਾ ਸਕਦਾ ਹੈ। ਮਈ, ਜੂਨ ਅਤੇ ਸਤੰਬਰ ਵਿਚ ਇੱਥੇ ਘੱਟ ਭੀੜ ਹੁੰਦੀ ਹੈ।
Niagara Falls
ਨਿਆਗਰਾ ਫਾਲਸ, ਕੈਨੇਡੀਅਨ-ਅਮਰੀਕਾ ਬਾਡਰ
ਕੈਨੇਡਾ ਅਤੇ ਅਮਰੀਕਾ ਦੀ ਸਰਹੱਦ ‘ਤੇ ਸਥਿਤ ਨਿਆਗਰਾ ਫਾਲਸ 10 ਸਭ ਤੋਂ ਵਧੀਆਂ ਵਾਟਰ ਫਾਲਸ ਵਿਚ ਸ਼ਾਮਿਲ ਹੈ। ਇਥੇ ਦੂਰ-ਦੂਰ ਤੋਂ ਲੋਕ ਆਉਂਦੇ ਹਨ। ਇਸ ਦੀ ਖੂਬਸੁਰਤੀ ਦਿਲ ਨੂੰ ਛੂਹ ਲੈਣ ਵਾਲੀ ਹੈ।
Havasu Falls
ਦ ਹਵਾਸੂ ਫਾਲਸ, ਅਰਿਜੋਨਾ ਗ੍ਰੈਂਡ ਕੈਨਯਾਨ
ਅਰਿਜੋਨਾ ਗ੍ਰੈਂਡ ਕੌਨਯਾਨ ਵੀ ਖੂਬਸੁਰਤ ਵਾਟਰ ਫਾਲਸ ਦੀ ਲਿਸਟ ਵਿਚ ਸ਼ਾਮਿਲ ਹੈ। ਲਾਲ ਰੰਗ ਦੀਆਂ ਚੱਟਾਨਾਂ ਅਤੇ ਹਰਿਆਲੀ ਵਿਚ ਸਫੇਦ ਪਾਣੀ ਨੂੰ ਉਚਾਈ ਤੋਂ ਡਿੱਗਦੇ ਦੇਖਿਆ ਜਾ ਸਕਦਾ ਹੈ। ਇਸ ਵਿਚ ਤੈਰਾਕੀ ਵੀ ਕੀਤੀ ਜਾ ਸਕਦੀ ਹੈ। ਇਸ ਥਾਂ ‘ਤੇ ਬਹੁਤ ਵਧੀਆ ਫੋਟੋਗ੍ਰਾਫੀ ਕੀਤੀ ਜਾ ਸਕਦੀ ਹੈ।
