ਆਯੋਗ ਨੇ ਇਸ ਦੇ ਲਈ 1,500 ਕਰੋੜ ਦੇ ਵਾਟਰ ਅਤੇ ਲੈਂਡ ਵਿਲਾ ਪ੍ਰਾਜੈਕਟ ਤਿਆਰ ਕੀਤਾ ਹੈ।
ਨਵੀਂ ਦਿੱਲੀ: ਮਾਲਦੀਵ ਦੇ ਆਲੀਸ਼ਾਨ ਵਾਟਰ ਵਿਲਾ ਦਾ ਅਨੰਦ ਜਲਦ ਹੀ ਭਾਰਤ ਵਿਚ ਲਿਆ ਜਾ ਸਕਦਾ ਹੈ। ਸਰਕਾਰੀ ਥਿੰਕ ਟੈਂਕ ਨੀਤੀ ਆਯੋਗ ਨੇ ਯਾਤਰੀਆਂ ਲਈ ਮਹਿੰਗਾ ਟੂਰਿਸਟ ਡੇਸਟੀਨੇਸ਼ਨ ਡਿਵੈਲਪ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ। ਆਯੋਗ ਨੇ ਇਸ ਦੇ ਲਈ 1,500 ਕਰੋੜ ਦੇ ਵਾਟਰ ਅਤੇ ਲੈਂਡ ਵਿਲਾ ਪ੍ਰਾਜੈਕਟ ਤਿਆਰ ਕੀਤਾ ਹੈ। ਇਹਨਾਂ ਨੂੰ ਲਕਸ਼ਦੀਪ, ਅੰਡੇਮਾਨ ਅਤੇ ਨਿਕੋਬਾਰ ਆਈਲੈਂਡ ਦੀ ਖਾੜੀ ਵਿਚ ਬਣਾਇਆ ਜਾਵੇਗਾ।
ਇੱਥੇ ਦੋਵਾਂ ਦੀਪਾਂ ਲਈ ਏਅਰਪੋਰਟ, ਸਮੁੰਦਰੀ ਜਹਾਜ਼, ਹੈਲੀਕਾਪਟਰ ਦੀ ਬਿਹਤਰ ਸੁਵਿਧਾ, ਫਲੋਟਿੰਗ ਡਾਕ ਵਰਗੇ ਹੋਰ ਇੰਫ੍ਰਾਸਟ੍ਰਕਚਰ ਤੇ ਵੀ ਕੰਮ ਕੀਤਾ ਜਾਵੇਗਾ। ਮਾਮਲੇ ਤੋਂ ਵਾਕਿਫ ਅਧਿਕਾਰੀ ਨੇ ਈਟੀ ਨੂੰ ਦਸਿਆ ਕਿ ਸੱਤ ਵੱਡੀਆਂ ਯੋਜਨਾਵਾਂ ਲਈ ਬੋਲੀਆਂ ਮੰਗਾਈਆਂ ਹਨ। ਇਹਨਾਂ ਪ੍ਰੋਜੈਕਟਸ ਨੂੰ ਪਬਲਿਕ-ਪ੍ਰਾਈਵੇਟ ਪਾਰਟਨਰਸ਼ਿਪ ਤਹਿਤ ਡਿਵੈਲਪ ਕੀਤਾ ਜਾਵੇਗਾ। ਉਹ ਭਾਰਤ ਨੂੰ ਵੱਡਾ ਟੂਰਿਸਟ ਡੇਸਟੀਨੇਸ਼ਨ ਬਣਾਇਆ ਚਾਹੁੰਦੇ ਹਨ।
ਲਕਸ਼ਦੀਪ ਦੇ ਮਿਨਿਕਾਪ, ਸੁਹੇਲੀ ਅਤੇ ਕਦਮਤ ਆਈਲੈਂਡ ਤੇ ਬਣਾਏ ਜਾਣ ਵਾਲੇ ਵਾਟਰ ਵਿਲਾ ਵਿਚ 125 ਕਮਰੇ ਬਣਾਉਣ ਦਾ ਪ੍ਰਸਤਾਵ ਦਿੱਤਾ ਹੈ। ਅੰਡੇਮਾਨ ਅਤੇ ਨਿਕੋਬਾਰ ਦੇ ਲਾਗਸ, ਏਵਸ, ਸਮਿਥ ਅਤੇ ਸ਼ਹੀਦ ਦੀਪ ਆਈਲੈਂਡ ਦੇ ਲੈਂਡ ਵਿਲਾ ਵਿਚ 460 ਰੂਮ ਬਣਾਉਣ ਦੀ ਯੋਜਨਾ ਹੈ। ਅਧਿਕਾਰੀ ਨੇ ਦਸਿਆ ਕਿ ਮਾਡਲ ਕੰਸੇਸ਼ਨ ਐਗਰੀਮੈਂਟ ਨੂੰ ਮਨਜ਼ੂਰੀ ਮਿਲ ਚੁੱਕੀ ਹੈ। ਉਹਨਾਂ ਨੂੰ ਇਸੇ ਸਾਲ ਇਹਨਾਂ ਪ੍ਰੋਜੈਕਟਾਂ ਨੂੰ ਬਣਾਉਣ ਦੀ ਉਮੀਦ ਹੈ।
ਯੋਜਨਾ ਤਹਿਤ 50-75 ਸਾਲ ਦੇ ਕੰਸੇਸ਼ਨ ਪੀਰੀਅਡ ਵਿਚ ਕੀਤੇ ਜਾਣ ਵਾਲੇ ਨਿਵੇਸ਼ ਤੇ 30-40 ਫ਼ੀਸਦੀ ਰਿਟਰਨ ਦਾ ਅਨੁਮਾਨ ਹੈ। ਅਧਿਕਾਰੀ ਮੁਤਾਬਕ ਆਯੋਗ ਨੇ ਵਾਤਾਵਰਨ ਸਬੰਧਿਤ ਸਾਰੇ ਐਪ੍ਰੂਵਲ ਹਾਸਿਲ ਕਰ ਲਏ ਹਨ ਅਤੇ ਇਸ ਸਾਲ ਦੇ ਅੰਤ ਤਕ ਕਾਨਟ੍ਰੈਕਟ ਸੌਂਪੇ ਜਾ ਸਕਦੇ ਹਨ। ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਅਗਵਾਈ ਵਾਲੀ ਆਈਲੈਂਡ ਡਿਵੈਲਪਮੈਂਟ ਅਥਾਰਟੀ ਯੋਜਨਾ ਦੀ ਪ੍ਰਗਤੀ 'ਤੇ ਨਜ਼ਰ ਰੱਖ ਰਹੀ ਹੈ।
ਯੋਜਨਾ ਨੂੰ ਦੂਜੇ ਪੜਾਅ ਵਿਚ 17 ਵਾਧੂ ਟਾਪੂਆਂ ਤਕ ਵਧਾ ਦਿੱਤਾ ਜਾਵੇਗਾ। ਇਨ੍ਹਾਂ ਵਿੱਚੋਂ 12 ਅੰਡੇਮਾਨ ਅਤੇ ਨਿਕੋਬਾਰ ਟਾਪੂ ਅਤੇ ਪੰਜ ਲਕਸ਼ਦੀਪ ਦੇ ਟਾਪੂ ਹੋਣਗੇ। ਇਸ ਯੋਜਨਾ ਦੇ ਜ਼ਰੀਏ, ਕਮਿਸ਼ਨ ਪ੍ਰਾਈਵੇਟ ਸੈਕਟਰ ਨੂੰ ਚੰਗੇ ਲਾਭ ਪਹੁੰਚਾਉਣ ਅਤੇ ਸਰਕਾਰ ਲਈ ਵਧੇਰੇ ਮਾਲੀਆ ਇਕੱਠਾ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਹ ਦੋਵਾਂ ਟਾਪੂਆਂ 'ਤੇ ਰੁਜ਼ਗਾਰ ਵਧਾਉਣ ਅਤੇ ਉੱਥੋਂ ਦੇ ਲੋਕਾਂ ਲਈ ਆਮਦਨੀ ਦੇ ਸਰੋਤ ਨੂੰ ਵਧਾਉਣ ਵਿਚ ਸਹਾਇਤਾ ਕਰੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।