ਹਰਿਦੁਆਰ ਭਾਰਤ ਦਾ ਪਹਿਲਾ ਟੂਰਿਸਟ ਡੇਸਟੀਨੇਸ਼ਨ ਹੋਵੇਗਾ ਜਿੱਥੇ ਯਾਤਰੀਆਂ ਨੂੰ ਪਾਡਕਰ ਸੁਵਿਧਾ ਮਿਲੇਗੀ
ਨਵੀਂ ਦਿੱਲੀ: ਹਰਿਦੁਆਰ ਨੂੰ ਜਲਦ ਹੀ ਤੀਰਥਯਾਤਰੀਆਂ ਅਤੇ ਯਾਤਰੀਆਂ ਨੂੰ ਸ਼ਹਿਰ ਦੇ ਇਕ ਤੋਂ ਦੂਜੇ ਹਿੱਸੇ ਤਕ ਲੈ ਜਾਣ ਲਈ ਲੇਜਰ-ਗਾਈਡੇਡ ਆਟੋਮੈਟਿਕ ਪਾਡਕਰ ਦੀ ਸੁਵਿਧਾ ਮਿਲਣ ਵਾਲੀ ਹੈ। ਹਰਿਦੁਆਰ ਭਾਰਤ ਦਾ ਪਹਿਲਾ ਟੂਰਿਸਟ ਡੇਸਟੀਨੇਸ਼ਨ ਹੋਵੇਗਾ ਜਿੱਥੇ ਯਾਤਰੀਆਂ ਨੂੰ ਪਾਡਕਰ ਸੁਵਿਧਾ ਮਿਲੇਗੀ। ਦੂਜੇ ਪਾਸੇ ਰਿਸ਼ੀਕੇਸ਼ ਅਤੇ ਦੇਹਰਾਦੂਨ ਸਮੇਤ ਗੁਆਂਢੀ ਸ਼ਹਿਰਾਂ ਵਿਚ ਸਥਾਨਕ ਲੋਕਾਂ ਅਤੇ ਯਾਤਰੀਆਂ ਨੂੰ ਪਹਾੜੀ ਇਲਾਕਿਆਂ ਵਿਚ ਅਸਾਨ ਤਰੀਕੇ ਨਾਲ ਲੈ ਜਾਣ ਲਈ ਰੋਪ-ਵੇ ਦਾ ਵੀ ਨਿਰਮਾਣ ਕੀਤਾ ਜਾਵੇਗਾ।
ਜਾਣਕਾਰੀ ਅਨੁਸਾਰ ਇਸ ਪ੍ਰਾਜੈਕਟ ਨੂੰ ਪੂਰਾ ਕਰਨ ਲਈ ਉੱਤਰਾਖੰਡ ਸਰਕਾਰ ਨੇ ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਨਾਲ ਇਕ ਐਮਓਯੂ ਵੀ ਸਾਈਨ ਕੀਤਾ ਹੈ। ਉੱਤਰਾਖੰਡ ਦੇ ਸ਼ਹਿਰੀ ਵਿਕਾਸ ਮੰਤਰੀ ਮਦਨ ਕੌਸ਼ਿਕ ਨੇ ਦਸਿਆ ਕਿ ਇਹ ਵਿਚਾਰ ਬ੍ਰਿਟੇਨ ਅਤੇ ਜਰਮਨੀ ਵਿਚ ਘਟ ਲਾਗਤ ਵਾਲੇ ਪਰਸਨਲ ਰੈਪਿਡ ਟ੍ਰਾਂਜਿਟ ਸਿਸਟਮ ਤੋਂ ਪ੍ਰੇਰਿਤ ਹੈ। ਇਸ ਲਈ ਸਟੇਟ ਲੈਵਲ ਕਮੇਟੀ ਇਸ ਤੇ ਧਿਆਨ ਦਿੱਤਾ।
ਉੱਥੇ ਹੀ ਡੀਐਮਆਰਸੀ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਯੂਰੋਪੀਆ ਦੇਸ਼ਾਂ ਵਿਚ ਰੋਪਵੇ ਅਤੇ ਪਾਡਕਰਾਂ ਦੀ ਸੰਭਾਵਤਾ ਅਤੇ ਲਾਗਤ ਦੀ ਪੜਤਾਲ ਕਰਨ ਤੋਂ ਬਾਅਦ ਉਹਨਾਂ ਨੇ ਰਿਸ਼ੀਕੇਸ਼, ਹਰਿਦੁਆਰ ਅਤੇ ਦੇਹਰਾਦੂਨ ਵਰਗੇ ਪਹਾੜੀ ਸ਼ਹਿਰਾਂ ਲਈ ਸਹੀ ਮੰਨਿਆ ਗਿਆ ਹੈ। ਹਰਿਦੁਆਰ ਵਿਚ ਪਾਡਕਰ ਦੇ ਨਾਲ ਦੇਹਰਾਦੂਨ ਵਿਚ ਇਕ ਰੋਪ-ਵੇ ਵੀ ਬਣਵਾਇਆ ਜਾਵੇਗਾ।
ਮਦਨ ਕੌਸ਼ਿਕ ਨੇ ਇਹ ਵੀ ਦਸਿਆ ਕਿ ਵੱਖ-ਵੱਖ ਸ਼ਹਿਰਾਂ ਵਿਚ ਉਹਨਾਂ ਦੀ ਭੂਗੋਲਿਕ ਸਥਿਤੀ ਅਤੇ ਯਾਤਾਯਾਤ ਜ਼ਰੂਰਤਾਂ ਅਨੁਸਾਰ ਵੱਖ-ਵੱਖ ਆਵਾਜਾਈ ਪ੍ਰਣਾਲੀਆਂ ਬਣਾਈਆਂ ਜਾਣਗੀਆਂ। ਜਾਣਕਾਰੀ ਮੁਤਾਬਕ ਹਰਿਦੁਆਰ ਵਿਚ ਪਾਡਕਰ ਲਾਂਘਾ ਲਗਭਗ 8 ਕਿਲੋਮੀਟਰ ਲੰਬਾ ਹੋਵੇਗਾ ਅਤੇ ਇਹ ਹਰ-ਕੀ-ਪੌੜੀ ਸਥਿਤ ਬ੍ਰਹਮਾ ਕੁੰਡ ਦੇ ਮੰਦਿਰ ਤੋਂ ਲੈ ਕੇ ਜਵਾਲਾਪੁਰ ਤਕ ਦੇ ਖੇਤਰ ਨੂੰ ਕਵਰ ਕਰੇਗਾ ਅਤੇ ਪਾਡਕਰ ਲਾਂਘੇ ਵਿਚ ਕੁਲ 11 ਸਟੇਸ਼ਨ ਹੋ ਸਕਦੇ ਹਨ।
ਪਾਡਕਰ ਇਕ ਟੈਕਸੀ ਦੇ ਬਰਾਬਰ ਹੈ ਜਿਸ ਵਿਚ ਇਕ ਵਾਰ ਛੇ ਯਾਤਰੀ ਸਫਰ ਕਰ ਸਕਦੇ ਹਨ ਅਤੇ ਇਸ ਨੂੰ ਲੇਜਰ ਗਾਈਡੇਡ ਸਿਸਟਮ ਦੇ ਮਾਧਿਅਮ ਰਾਹੀਂ ਚਲਾਇਆ ਜਾ ਸਕਦਾ ਹੈ। ਦਸ ਦਈਏ ਕਿ ਰਿਸ਼ੀਕੇਸ਼ ਵਿਚ ਰੋਪ-ਵੇ ਪ੍ਰਾਜੈਕਟ ਲਗਾਉਣ ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ ਤਾਂ ਕਿ ਲੋਕਾਂ ਨੂੰ ਨਦੀ ਪਾਰ ਕਰਨ ਵਿਚ ਆਸਾਨੀ ਹੋਵੇ ਅਤੇ ਇਸ ਨਾਲ ਗੰਗਾ ਨਦੀ ਤੇ ਬਣੇ ਰਾਮ ਝੂਲਾ ਸਸਪੈਂਸਨ ਬ੍ਰਿਜ ਤੋਂ ਭਾਰ ਨੂੰ ਘਟ ਕੀਤਾ ਜਾ ਸਕਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।