ਸੁਪਨਿਆਂ ਦੀ ਕੋਈ ਸੀਮਾ ਨਹੀਂ ਹੁੰਦੀ ਅਤੇ ਕਿਹਾ ਜਾਂਦਾ ਹੈ ਕਿ ਸੁਪਨੇ ਹਮੇਸ਼ਾ ਵੱਡੇ ਦੇਖੋ ਜੋ ਦੂਸਰਿਆਂ ਨੂੰ ਨਾਮੁਮਕਿਨ ਲੱਗਣ ਅਤੇ ਤੁਸੀਂ ਉਨ੍ਹਾਂ ਨੂੰ ਪੂਰਾ ਕਰਨ
ਨਵੀਂ ਦਿੱਲੀ : ਸੁਪਨਿਆਂ ਦੀ ਕੋਈ ਸੀਮਾ ਨਹੀਂ ਹੁੰਦੀ ਅਤੇ ਕਿਹਾ ਜਾਂਦਾ ਹੈ ਕਿ ਸੁਪਨੇ ਹਮੇਸ਼ਾ ਵੱਡੇ ਦੇਖੋ ਜੋ ਦੂਸਰਿਆਂ ਨੂੰ ਨਾਮੁਮਕਿਨ ਲੱਗਣ ਅਤੇ ਤੁਸੀਂ ਉਨ੍ਹਾਂ ਨੂੰ ਪੂਰਾ ਕਰਨ ਲਈ ਆਪਣੀ ਪੂਰੀ ਤਾਕਤ ਲਗਾ ਦਿਓ। ਅਜਿਹਾ ਹੀ ਉੜੀਸਾ ਦੀ 23 ਸਾਲਾ ਅਨੁਪ੍ਰਿਯਾ ਲਕੜਾ ਨੇ ਆਪਣੇ ਉੱਚੇ ਸੁਪਨਿਆਂ ਨੂੰ ਪੂਰਾ ਕਰਨ 'ਚ ਕੋਈ ਕਸਰ ਨਹੀਂ ਛੱਡੀ ਅਤੇ ਅੱਜ ਉਹ ਪਹਿਲੀ ਆਦਿਵਾਸੀ ਮਹਿਲਾ ਪਾਇਲਟ ਬਣ ਕੇ ਆਪਣਾ ਨਾਮ ਰੋਸ਼ਨ ਕਰ ਚੁੱਕੀ ਹੋ।
Anupriya Lakra
ਉੜੀਸਾ ਦੇ ਮਾਉਵਾਦ ਪ੍ਰਭਾਵਤ ਮਲਕਾਨਗਰੀ ਜ਼ਿਲ੍ਹੇ ਦੀ ਆਦਿਵਾਸੀ ਕੁੜੀ ਨੇ ਸਾਲਾਂ ਪਹਿਲਾਂ ਆਕਾਸ਼ ਵਿਚ ਉਡਣ ਦਾ ਸੁਪਨਾ ਵੇਖਿਆ ਅਤੇ ਉਸ ਨੂੰ ਪੂਰਾ ਕਰਨ ਲਈ ਇੰਜਨੀਅਰਿੰਗ ਦੀ ਪੜ੍ਹਾਈ ਵਿਚਾਲੇ ਛੱਡ ਦਿਤੀ ਅਤੇ ਆਖ਼ਰਕਾਰ ਅਪਣੇ ਸੁਪਨਿਆਂ ਨੂੰ ਸਾਕਾਰ ਕਰ ਕੇ ਹੀ ਦਮ ਲਿਆ। 23 ਸਾਲਾ ਅਨੁਪ੍ਰਿਯਾ ਲਕੜਾ ਅਪਣੀ ਕਾਬਲੀਅਤ ਅਤੇ ਲਗਨ ਨਾਲ ਛੇਤੀ ਹੀ ਨਿਜੀ ਜਹਾਜ਼ ਕੰਪਨੀ ਵਿਚ ਸਹਿ-ਪਾਇਲਟ ਵਜੋਂ ਸੇਵਾਵਾਂ ਦੇਣ ਵਾਲੀ ਹੈ। ਉੜੀਸਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਲਕੜਾ ਨੂੰ ਵਧਾਈ ਦਿਤੀ ਅਤੇ ਕਿਹਾ ਕਿ ਇਹ ਦੂਜਿਆਂ ਲਈ ਮਿਸਾਲ ਪੇਸ਼ ਕਰੇਗੀ।
Anupriya Lakra
ਅਨੁਪ੍ਰਿਯਾ ਦੇ ਪਿਤਾ ਮਾਰੀਨਿਯਾਮ ਲਕੜਾ ਉੜੀਸਾ ਪੁਲਿਸ ਵਿਚ ਹੌਲਦਾਰ ਹਨ ਅਤੇ ਮਾਂ ਸੁਆਣੀ ਹੈ। ਅਨੁਪ੍ਰਿਯਾ ਨੇ ਦਸਵੀਂ ਦੀ ਪੜ੍ਹਾਈ ਕਾਨਵੈਂਟ ਸਕੂਲ ਤੋਂ ਅਤੇ 12ਵੀਂ ਦੀ ਪੜ੍ਹਾਈ ਸੇਮੀਲਿਦੂਗਾ ਦੇ ਸਕੂਲ ਤੋਂ ਕੀਤੀ। ਉਸ ਦੇ ਪਿਤਾ ਨੇ ਦਸਿਆ, 'ਪਾਇਲਟ ਬਣਨ ਦੀ ਚਾਹ ਵਿਚ ਉਸ ਨੇ ਇੰਜਨੀਅਰਿੰਗ ਦੀ ਪੜ੍ਹਾਈ ਵਿਚਾਲੇ ਹੀ ਛੱਡ ਦਿਤੀ ਅਤੇ ਪਾਇਲਟ ਪ੍ਰਵੇਸ਼ ਪ੍ਰੀਖਿਆ ਦੀ ਤਿਆਰੀ ਭੁਵਨੇਸ਼ਵਰ ਤੋਂ ਕੀਤੀ। ਮਲਕਾਨਗਰੀ ਜਿਹੇ ਪਿਛੜੇ ਜ਼ਿਲ੍ਹੇ ਨਾਲ ਸਬੰਧਤ ਕਿਸੇ ਵਿਅਕਤੀ ਲਈ ਇਹ ਵੱਡੀ ਪ੍ਰਾਪਤੀ ਹੈ। ਉਸ ਦੀ ਮਾਂ ਨੇ ਕਿਹਾ ਕਿ ਉਹ ਬਹੁਤ ਖ਼ੁਸ਼ ਹੈ ਅਤੇ ਇਲਾਕੇ ਦੇ ਲੋਕਾਂ ਲਈ ਇਹ ਮਾਣ ਵਾਲੀ ਗੱਲ ਹੈ। ਉਸ ਦੀ ਸਫ਼ਲਤਾ ਦੂਜੀਆਂ ਕੁੜੀਆਂ ਲਈ ਪ੍ਰੇਰਨਾ ਹੋਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
