ਪੈਨਸ਼ਨਰਾਂ ਨੂੰ ਮਿਲੇਗੀ 'ਡੋਰ ਸਟੈਂਡ' ਸਰਵਿਸ
ਨਵੀਂ ਦਿੱਲੀ : ਤੁਸੀਂ ਖੁਦ ਪੈਨਸ਼ਨ 'ਤੇ ਆਏ ਹੋ ਜਾਂ ਤੁਹਾਡੇ ਘਰ 'ਚ ਕੋਈ ਪੈਨਸ਼ਨ ਲੈਂਦਾ ਹੈ ਤਾਂ ਹੁਣ 'ਲਾਈਫ ਸਰਟੀਫਿਕੇਟ' ਜਮ੍ਹਾਂ ਕਰਵਾਉਣ ਦੀ ਪ੍ਰੇਸ਼ਾਨੀ ਦਾ ਹੱਲ ਹੋਣ ਜਾ ਰਿਹਾ ਹੈ। ਪੈਨਸ਼ਨਰ ਹੁਣ ਘਰ ਬੈਠੇ 'ਡੋਰ ਸਟੈੱਪ' ਸਰਵਿਸ ਵੀ ਲੈ ਸਕਣਗੇ। ਪੈਨਸ਼ਨਰਾਂ ਨੂੰ ਹਰ ਸਾਲ 30 ਨਵੰਬਰ ਤੱਕ ਜੀਵਨ ਸਰਟੀਫਿਕੇਟ ਜਮ੍ਹਾਂ ਕਰਵਾਉਣ 'ਚ ਮੁਸ਼ਕਲ ਹੋਣ ਕਾਰਨ ਉਨ੍ਹਾਂ ਨੂੰ ਪੈਨਸ਼ਨ ਬੰਦ ਹੋਣ ਦਾ ਡਰ ਰਹਿੰਦਾ ਹੈ।
Photo
ਇਸ ਲਈ ਪੈਨਸ਼ਨ ਤੇ ਪੈਨਸ਼ਨਰਜ਼ ਵੈਲਫ਼ੇਅਰ ਵਿਭਾਗ ਨੇ ਪੈਨਸ਼ਨ ਵੰਡਣ ਵਾਲੇ ਬੈਂਕਾਂ ਨੂੰ ਹੁਕਮ ਦਿਤਾ ਹੈ ਕਿ ਉਹ ਨਿਰਧਾਰਤ ਮਿਤੀ ਤੋਂ ਪਹਿਲਾਂ ਚਾਰ ਵਾਰ ਪੈਨਸ਼ਨਰਾਂ ਨੂੰ ਐਸ. ਐਮ. ਐਸ./ਈਮੇਲ ਰਾਹੀਂ ਰਿਮਾਈਂਡਰ ਭੇਜਣ ਤੇ ਨਾਲ ਹੀ ਇਹ ਵੀ ਪੁੱਛਣ ਕਿ ਕੀ ਉਨ੍ਹਾਂ ਨੂੰ ਡੋਰ ਸਟੈੱਪ ਸਰਵਿਸ ਚਾਹੀਦੀ ਹੈ।
Photo
ਜ਼ਿਕਰਯੋਗ ਹੈ ਕਿ ਹਰ ਸਾਲ ਬਹੁਤ ਸਾਰੇ ਪੈਨਸ਼ਨਰ ਕਿਸੇ ਨਾ ਕਿਸੇ ਕਾਰਨ 30 ਨਵੰਬਰ ਤਕ ਲਾਈਫ ਸਰਟੀਫਿਕੇਟ ਜਮ੍ਹਾਂ ਨਹੀਂ ਕਰਵਾ ਪਾਉਂਦੇ, ਜਿਸ ਕਾਰਨ ਉਨ੍ਹਾਂ ਦੀ ਪੈਨਸ਼ਨ ਰੁਕ ਜਾਂਦੀ ਹੈ ਤੇ ਦੁਬਾਰਾ ਸ਼ੁਰੂ ਕਰਾਉਣ ਲਈ ਉਨ੍ਹਾਂ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
Photo
ਪੈਨਸ਼ਨਰਾਂ ਦੀ ਸਹੂਲਤ ਵਧਾਉਣ ਤੇ ਜੀਵਨ ਸਰਟੀਫਿਕੇਟ ਜਾਰੀ ਨਾ ਕੀਤੇ ਜਾਣ ਦੇ ਮਾਮਲਿਆਂ ਨੂੰ ਘੱਟ ਕਰਨ ਅਤੇ ਨਿਰਵਿਘਨ ਪੈਨਸ਼ਨ ਯਕੀਨੀ ਬਣਾਉਣ ਲਈ ਵਿਭਾਗ ਨੇ ਇਕ ਸਰਕੂਲਰ 'ਚ ਬੈਂਕਾਂ ਨੂੰ ਹਰ ਸਾਲ ਨਿਰਧਾਰਤ ਮਿਤੀ ਤੋਂ ਪਹਿਲਾਂ 24 ਅਕਤੂਬਰ, 1 ਨਵੰਬਰ, 15 ਨਵੰਬਰ ਤੇ 25 ਨਵੰਬਰ ਨੂੰ ਜੀਵਨ ਸਰਟੀਫਿਕੇਟ ਜਮ੍ਹਾ ਕਰਵਾਉਣ ਸੰਬੰਧੀ ਪੈਨਸ਼ਨਰਾਂ ਨੂੰ ਐਸ. ਐਮ. ਐਸ. ਤੇ ਈਮੇਲ ਜ਼ਰੀਏ ਯਾਦ ਦਿਵਾਉਣ ਲਈ ਕਿਹਾ ਹੈ।
Photo
ਮਾਰਚ 2019 ਤਕ ਦੇ ਡਾਟਾ ਮੁਤਾਬਕ ਸਿਵਲ, ਰੱਖਿਆ, ਦੂਰਸੰਚਾਰ, ਰੇਲਵੇ ਤੇ ਡਾਕ ਵਿਭਾਗ ਸਮੇਤ ਕੇਂਦਰ ਸਰਕਾਰ ਦੇ ਪੈਨਸ਼ਨਰਾਂ ਦੀ ਕੁਲ ਗਿਣਤੀ 65,32,465 ਹੈ।
