ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਭਾਰਤੀ ਸਟੇਟ ਬੈਂਕ, ਬੈਂਕ ਆਫ ਬੜੌਦਾ ਸਮੇਤ ਲਗਭਗ...
ਨਵੀਂ ਦਿੱਲੀ: ਭਾਰਤੀ ਰਿਜ਼ਰਵ ਬੈਂਕ ਦੁਆਰਾ 27 ਮਾਰਚ ਨੂੰ ਬੈਂਕਾਂ ਨੂੰ ਲੋਨ ਦੇ ਭੁਗਤਾਨ ਤੇ 3 ਮਹੀਨਿਆਂ ਦੀ ਮੋਰਟੋਰਿਅਮ ਪ੍ਰਦਾਨ ਕਰਨ ਦੇ ਹੁਕਮ ਤੋਂ ਬਾਅਦ ਵਧ ਸਰਵਜਨਿਕ ਖੇਤਰ ਦੇ ਬੈਂਕਾਂ ਨੇ ਮੰਗਲਵਾਰ ਨੂੰ ਟਵਿੱਟਰ ਤੇ ਅਪਣੇ ਫ਼ੈਸਲੇ ਦਾ ਐਲਾਨ ਕੀਤਾ।
Bank
ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਭਾਰਤੀ ਸਟੇਟ ਬੈਂਕ, ਬੈਂਕ ਆਫ ਬੜੌਦਾ ਸਮੇਤ ਲਗਭਗ ਸਾਰੇ ਸਰਕਾਰੀ ਬੈਂਕਾਂ ਨੇ ਸਾਰੇ ਤਰ੍ਹਾਂ ਦੇ ਲੋਨ ਦੀ ਵਾਪਸੀ ਕਿਸ਼ਤ ਵਿਚ ਤਿੰਨ ਮਹੀਨੇ ਦੀ ਰੋਕ ਲਗਾਉਣ ਬਾਰੇ ਜ਼ਰੂਰੀ ਹੁਕਮ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਤਹਿਤ ਹੋਮ ਲੋਨ, ਵਹੀਕਲ ਲੋਨ, ਫ਼ਸਲ ਲੋਨ ਅਤੇ ਸਾਰੇ ਤਰ੍ਹਾਂ ਦੇ ਹੋਰ ਲੋਨ ਦੀਆਂ ਵਸੂਲੀ ਕਿਸ਼ਤਾਂ ਤੇ ਤਿੰਨ ਮਹੀਨਿਆਂ ਲਈ ਰੋਕ ਰਹੇਗੀ। ਇਸ ਨਾਲ ਲਾਕਡਾਊਨ ਦੌਰਾਨ ਗਾਹਕਾਂ ਨੂੰ ਵਿੱਤੀ ਤੰਗੀ ਤੋਂ ਕੁੱਝ ਰਾਹਤ ਮਿਲੇਗੀ।
Bank
ਐਸਬੀਆਈ ਨੇ ਟਵੀਟ ਕਰ ਕੇ ਦਸਿਆ ਕਿ ਐਸਬੀਆਈ ਨੇ ਆਰਬੀਆਈ ਕੋਵਿਡ-19 ਰੇਗੂਲੇਟਰੀ ਪੈਕੇਜ ਦੇ ਸੰਦਰਭ ਵਿਚ 1 ਮਾਰਚ 2020 ਤੋਂ 31 ਮਈ 2020 ਦੌਰਾਨ ਟਰਮ ਲੋਨ ਦੀਆਂ ਕਿਸ਼ਤਾਂ ਅਤੇ ਵਿਆਜ਼/EMI ਨੂੰ ਮੁਲਤਵੀ ਕਰਨ ਲਈ ਕਦਮ ਚੁੱਕਿਆ ਹੈ ਅਤੇ ਰਿਪੇਮੈਂਟ ਦੀ ਮਿਆਦ ਨੂੰ ਤਿੰਨ ਮਹੀਨਿਆਂ ਲਈ ਵਧਾ ਦਿੱਤਾ ਹੈ। 1.3.2020 ਤੋਂ 31.5.2020 ਦੀ ਮਿਆਦ ਲਈ ਵਰਕਿੰਗ ਕੈਪਿਟਲ ਸੁਵਿਧਾਵਾਂ ਤੇ ਵਿਆਜ਼ ਵੀ 30.6.3030 ਤਕ ਨਹੀਂ ਦੇਣੀ ਪਵੇਗੀ।
Bank
ਜੇ ਮੋਰੇਟੇਰਿਅਮ ਪੀਰੀਅਡ ਵਿਚ 3 ਇੰਸਟਾਲਮੈਂਟ ਨੂੰ ਨਹੀਂ ਜਮ੍ਹਾਂ ਕੀਤਾ ਜਾਂਦਾ ਤਾਂ ਇਸ ਨਾਲ ਗਾਹਕ ਦੇ ਕ੍ਰੈਡਿਟ ਹਿਸਟਰੀ ਤੇ ਕੋਈ ਅਸਰ ਨਹੀਂ ਪਵੇਗਾ। ਜੇ ਤੁਸੀਂ ਵੀ ਇਸ ਦਾ ਲਾਭ ਲੈਣਾ ਚਾਹੁੰਦੇ ਹੋ ਤਾਂ ਤੁਸੀਂ ਇੱਥੇ ਗਏ ਫਾਰਮ (https://bit.ly/2UUEorp) ਤੇ ਅਪਲਾਈ ਕਰ ਸਕਦੇ ਹੋ। ਅਤੇ ਈਮੇਲ ਆਈਡੀ ਦੀ ਲਿਸਟ (https://bit.ly/3bJc4yK) ਉਸ ਖੇਤਰ ਅਨੁਸਾਰ ਹੈ ਜਿੱਥੇ ਤੁਸੀਂ ਅਪਲਾਈ ਪੱਤਰ ਨੂੰ ਮੇਲ ਕਰਨਾ ਹੋਵੇਗਾ।
Bank
ਐਸਬੀਆਈ ਨੇ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਜੇ ਸੰਬੰਧਿਤ ਗਾਹਕ ਦਾ ਮਕਾਨ ਕਰਜ਼ 30 ਲੱਖ ਰੁਪਏ ਹੈ ਅਤੇ ਇਸ ਨੂੰ ਵਾਪਸ ਕਰਨ ਦੀ ਮਿਆਦ 15 ਸਾਲ ਬਾਕੀ ਹੈ ਤਾਂ ਤਿੰਨ ਮਹੀਨਿਆਂ ਦੀ ਮੌਹਲਤ ਮਿਆਦ ਦਾ ਵਿਕਲਪ ਲੈਣ ਤੇ 2.34 ਲੱਖ ਰੁਪਏ ਦੇ ਕਰੀਬ ਵਧ ਵਿਆਜ਼ ਲਗੇਗਾ ਜੋ ਕਿ 8 ਈਐਮਆਈ ਦੇ ਬਰਾਬਰ ਹੈ।
ਇਸੇ ਤਰ੍ਹਾਂ ਜੇ ਗਾਹਕ ਨੇ 6 ਲੱਖ ਰੁਪਏ ਦਾ ਵਾਹਨ ਕਰਜ਼ ਲਿਆ ਹੈ ਅਤੇ ਉਸ ਨੂੰ ਵਾਪਸ ਕਰਨ ਲਈ 54 ਮਹੀਨਿਆਂ ਦਾ ਸਮਾਂ ਬਚਿਆ ਹੈ ਤਾਂ ਛੋਟ ਮਿਆਦ ਦਾ ਵਿਕਲਪ ਚੁਣਨ ਤੇ ਉਸ ਨੂੰ 19,000 ਰੁਪਏ ਕਰੀਬ ਵਧ ਵਿਆਜ਼ ਦੇਣੇ ਪੈਣਗੇ ਜੋ ਕਿ 1.5 ਵਧ ਈਐਮਆਈ ਦੇ ਬਰਾਬਰ ਹੈ।
Bank
ਬੈਂਕ ਆਫ ਬੜੌਦਾ ਨੇ ਅਪਣੇ ਟਵੀਟ ਵਿਚ ਕਿਹਾ ਕਿ ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਆਰਥਿਕ ਪ੍ਰਭਾਵ ਨਾਲ ਨਿਪਟਣ ਲਈ ਆਰਬੀਆਈ ਕੋਵਿਡ-19 ਰੇਗੁਲੇਟਰੀ ਪੈਕੇਜ ਵਿਚ ਬੈਂਕ ਲੋਨ ਦੀ ਕਿਸ਼ਤ ਟਾਲਣ, ਕਾਰਜਸ਼ੀਲ ਪੂੰਜੀ ਤੇ ਵਿਆਜ਼ 1 ਮਾਰਚ 2020 ਤੋਂ ਤਿੰਨ ਮਹੀਨਿਆਂ ਲਈ ਵਧਾਉਣ ਦੀ ਆਗਿਆ ਦੇਣਾ ਸ਼ਾਮਲ ਹੈ। ਇਕ ਹੋਰ ਜਨਤਕ ਖੇਤਰ ਦੇ ਬੈਂਕ ਪੀ ਐਨ ਬੀ ਨੇ ਕਿਹਾ ਕਿ ਉਹ ਆਪਣੇ ਗਾਹਕਾਂ ਲਈ ਰਾਹਤ ਸਕੀਮ ਦੀ ਪੇਸ਼ਕਸ਼ ਕਰ ਰਹੀ ਹੈ।
ਕੇਨਰਾ ਬੈਂਕ ਨੇ ਟਵੀਟ ਕੀਤਾ ਹੈ ਕਿ ਆਰਬੀਆਈ ਪੈਕੇਜ ਤਹਿਤ ਕਰਜ਼ਦਾਰ ਅਪਣਾ ਇਕ ਮਾਰਚ 2020 ਤੋਂ 31 ਮਈ 2020 ਤਕ ਭੁਗਤਾਨ ਵਾਲੀ ਅਪਣੀ ਈਐਮਆਈ ਤਿੰਨ ਮਹੀਨਿਆਂ ਲਈ ਟਾਲ ਸਕਦੇ ਹਨ। ਬੈਂਕਾਂ ਵੱਲੋਂ ਈਐਮਆਈ ਰੋਕ ਤੇ ਸਥਿਤੀ ਸਪੱਸ਼ਟ ਹੋਣ ਨਾਲ ਗਾਹਕਾਂ ਦਾ ਸ਼ੱਕ ਦੂਰ ਹੋਵੇਗਾ। ਉਹ ਬੈਂਕਾਂ ਤੋਂ ਭੁਗਤਾਨ ਨੂੰ ਲੈ ਕੇ ਮੋਬਾਇਲ ਫੋਨ ਤੇ ਆ ਰਹੇ ਮੈਸੇਜ ਨੂੰ ਦੇਖਦੇ ਹੋਏ ਦੁਚਿਤੀ ਵਿਚ ਫਸੇ ਹੋਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
