ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਨੇ ਨਿਜੀ ਖੇਤਰ ਦੀ ਏਵੀਏਸ਼ਨ ਕੰਪਨੀ ਜੈਟ ਏਅਰਵੇਜ ਦੇ ‘ਬਹੀਖਾਤਿਆਂ ਅਤੇ ਦਸਤਾਵੇਜ਼ਾਂ’ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ। ਕੇਂਦਰੀ ਮੰਤਰੀ...
ਨਵੀਂ ਦਿੱਲੀ : ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਨੇ ਨਿਜੀ ਖੇਤਰ ਦੀ ਏਵੀਏਸ਼ਨ ਕੰਪਨੀ ਜੈਟ ਏਅਰਵੇਜ ਦੇ ‘ਬਹੀਖਾਤਿਆਂ ਅਤੇ ਦਸਤਾਵੇਜ਼ਾਂ’ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ। ਕੇਂਦਰੀ ਮੰਤਰੀ ਪੀ.ਪੀ. ਚੌਧਰੀ ਨੇ ਇਹ ਜਾਣਕਾਰੀ ਦਿਤੀ। ਮੰਤਰਾਲਾ ਦੇ ਤਹਿਤ ਆਉਣ ਵਾਲੇ ਕੰਪਨੀ ਰਜਿਸਟਰਾਰ ਨੇ ਇਸ ਸਬੰਧ ਵਿਚ ਕੰਪਨੀ ਵਿਰੁਧ ਆਈ ਸ਼ਿਕਾਇਤ 'ਤੇ ਸਪਸ਼ਟੀਕਰਨ ਮੰਗਿਆ ਹੈ।
Jet Airways
ਕਾਰਪੋਰੇਟ ਮਾਮਲਿਆਂ ਦੇ ਰਾਜਮੰਤਰੀ ਚੌਧਰੀ ਨੇ ਦੱਸਿਆ ਕਿ ਮੰਤਰਾਲਾ ਨੇ ਕੰਪਨੀ ਦੇ ਬਹੀਖਾਤਿਆਂ ਦੀ ਜਾਂਚ ਦੇ ਆਦੇਸ਼ ਦੇ ਦਿਤੇ ਹਨ। ਕੰਪਨੀ ਰਜਿਸਟਰਾਰ ਨੇ ਕੰਪਨੀ ਦੇ ਕਾਰੋਬਾਰ ਵਿਚ ਕਥਿਤ ਕਸਰ (ਕਾਰਪੋਰੇਟ ਗਵਰਨੈਂਸ ਵਿਚ ਕਸਰ) ਵਰਤਣ ਦੇ ਇਕ ਸਵਾਲ ਦਾ ਜਵਾਬ ਮੰਗਿਆ ਹੈ। ਨਾਲ ਹੀ ਉਹ ਇਸ ਮਾਮਲੇ ਨੂੰ ਦੇਖ ਰਿਹਾ ਹੈ। ਚੌਧਰੀ ਨੇ ਇਕ ਇੰਟਰਵਿਊ ਵਿਚ ਕਿਹਾ ਕਿ ਮੰਤਰਾਲਾ ਨੇ ਕੰਪਨੀ ਐਕਟ ਦੀ ਧਾਰਾ 206 (5) ਦੇ ਤਹਿਤ 30 ਅਗਸਤ 2018 ਨੂੰ ਜੈਟ ਏਅਰਵੇਜ਼ ਦੇ ਬਹੀਖਾਤਿਆਂ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ।
Jet Airways
ਹਾਲਾਂਕਿ ਉਨ੍ਹਾਂ ਨੇ ਕਿਸੇ ਵਿਸ਼ੇਸ਼ ਮੁੱਦੇ ਬਾਰੇ ਵਿਸਥਾਰ ਨਾਲ ਨਹੀਂ ਦੱਸਿਆ। ਕੰਪਨੀ ਐਕਟ ਦੀ ਧਾਰਾ 206 ਸਰਕਾਰ ਨੂੰ ਕੰਪਨੀ ਤੋਂ ਕਿਸੇ ਤਰ੍ਹਾਂ ਦੀ ਜਾਣਕਾਰੀ ਮੰਗਣ ਅਤੇ ਬਹੀਖਾਤਿਆਂ ਦੀ ਜਾਂਚ ਕਰਨ ਦਾ ਅਧਿਕਾਰ ਦਿੰਦੀ ਹੈ। ਹਾਲਾਂਕਿ ਇਸ ਬਾਰੇ ਵਿਚ ਜੈਟ ਏਅਰਵੇਜ਼ ਨੇ ਤੱਤਕਾਲ ਕੋਈ ਪ੍ਰਤੀਕਿਰਿਆ ਨਹੀਂ ਦਿਤੀ ਹੈ। ਉਧਰ, ਜੈਟ ਏਅਰਵੇਜ਼ ਨੇ ਵੀ ਆਰਓਸੀ ਤੋਂ ਸਪਸ਼ਟੀਕਰਨ ਮੰਗੇ ਜਾਣ ਬਾਰੇ ਵਿਚ ਪੱਤਰ ਮਿਲਣ ਦੀ ਪੁਸ਼ਟੀ ਕੀਤੀ ਹੈ। ਧਿਆਨਯੋਗ ਹੈ ਕਿ 25 ਸਾਲ ਤੋਂ ਵੀ ਜ਼ਿਆਦਾ ਪੁਰਾਣੀ ਏਅਰਲਾਈਨ ਜੈਟ ਏਅਰਵੇਜ਼ ਨੇ 27 ਅਗਸਤ ਨੂੰ ਜੂਨ ਤਿਮਾਹੀ ਵਿਚ 1,323 ਕਰੋੜ ਰੁਪਏ ਦੇ ਘਾਟੇ ਦੀ ਜਾਣਕਾਰੀ ਦਿਤੀ ਹੈ।
Jet Airways
ਦੱਸ ਦਈਏ ਕਿ ਸਿਵਲ ਹਵਾਈ ਮੰਤਰਾਲੇ ਨੇ ਕਿਹਾ ਸੀ ਕਿ ਉਹ ਜੈਟ ਏਅਰਵੇਜ਼ ਨਾਲ ਜੁਡ਼ੇ ਘਟਨਾਕ੍ਰਮ 'ਤੇ ਨਜ਼ਰ ਰੱਖ ਰਿਹਾ ਹੈ। ਜੈਟ ਏਅਰਵੇਜ਼ ਨੇ ਕੱਲ ਤਿਮਾਹੀ ਨਤੀਜਾ ਦਾ ਐਲਾਨ ਟਾਲ ਦਿਤਾ ਸੀ। ਕੰਪਨੀ ਇਨੀਂ ਦਿਨੀਂ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ ਅਤੇ ਉਸ ਦੇ ਸ਼ੇਅਰਾਂ ਵਿਚ ਭਾਰੀ ਗਿਰਾਵਟ ਦੇਖੀ ਗਈ ਹੈ।
