ਇਸ ਤੋਂ ਪਹਿਲਾਂ ਜੂਨ ਵਿਚ ਜੀਐਸਟੀ ਦਾ ਕੁਲੈਕਸ਼ਨ 99,939 ਕਰੋੜ ਰੁਪਏ ਸੀ।
ਨਵੀਂ ਦਿੱਲੀ: ਦੇਸ਼ ਦਾ ਕੁਲ ਉਤਪਾਦਾਂ ਅਤੇ ਸੇਵਾਵਾਂ ਦਾ ਸੰਗ੍ਰਹਿ ਅਗਸਤ 'ਚ 1 ਲੱਖ ਕਰੋੜ ਰੁਪਏ ਦੇ ਮੁਕਾਬਲੇ 98,202 ਕਰੋੜ ਰੁਪਏ ਰਿਹਾ। ਜੁਲਾਈ ਵਿਚ ਕੁਲ ਜੀਐਸਟੀ ਸੰਗ੍ਰਹਿ 1.02 ਲੱਖ ਕਰੋੜ ਰੁਪਏ ਰਿਹਾ। ਵਿੱਤ ਮੰਤਰਾਲੇ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਹਾਲਾਂਕਿ ਇਹ ਪਿਛਲੇ ਸਾਲ ਅਗਸਤ ਵਿਚ 93,960 ਕਰੋੜ ਰੁਪਏ ਦੇ ਜੀਐਸਟੀ ਸੰਗ੍ਰਹਿ ਨਾਲੋਂ 4.5 ਫ਼ੀ ਸਦੀ ਵੱਧ ਹੈ। ਮੌਜੂਦਾ ਵਿੱਤੀ ਸਾਲ ਵਿਚ ਇਹ ਦੂਜਾ ਮੌਕਾ ਹੈ ਜਦੋਂ ਜੀਐਸਟੀ ਸੰਗ੍ਰਹਿ 1 ਲੱਖ ਕਰੋੜ ਰੁਪਏ ਦੇ ਪੱਧਰ ਤੋਂ ਹੇਠਾਂ ਆ ਗਿਆ ਹੈ।
GST
ਇਸ ਤੋਂ ਪਹਿਲਾਂ ਜੂਨ ਵਿਚ ਜੀਐਸਟੀ ਦਾ ਕੁਲੈਕਸ਼ਨ 99,939 ਕਰੋੜ ਰੁਪਏ ਸੀ। ਬਿਆਨ ਦੇ ਅਨੁਸਾਰ ਕੇਂਦਰੀ ਜੀਐਸਟੀ (ਸੀਜੀਐਸਟੀ) ਸੰਗ੍ਰਹਿ ਅਗਸਤ ਵਿਚ 17,733 ਕਰੋੜ ਰੁਪਏ ਸੂਬਾ ਜੀਐਸਟੀ (ਐਸਜੀਐਸਟੀ) ਦਾ ਸੰਗ੍ਰਹਿ 24,239 ਕਰੋੜ ਰੁਪਏ ਸੀ ਅਤੇ ਏਕੀਕ੍ਰਿਤ ਜੀਐਸਟੀ (ਆਈਜੀਐਸਟੀ) ਦਾ ਸੰਗ੍ਰਹਿ ਅਗਸਤ ਵਿਚ 48,958 ਕਰੋੜ ਰੁਪਏ ਸੀ। ਇਸ ਵਿਚ 24,818 ਕਰੋੜ ਰੁਪਏ ਦਾ ਆਯਾਤ ਇਕੱਤਰ ਕਰਨਾ ਵੀ ਸ਼ਾਮਲ ਹੈ।
ਸਮੀਖਿਆ ਅਧੀਨ ਮਿਆਦ ਵਿਚ ਜੀਐਸਟੀ ਸਰਚਾਰਜ ਕੁਲੈਕਸ਼ਨ 7,273 ਕਰੋੜ ਰੁਪਏ ਰਿਹਾ ਜਿਸ ਵਿਚ ਆਯਾਤ 'ਤੇ 841 ਕਰੋੜ ਰੁਪਏ ਦੇ ਸਰਚਾਰਜ ਦੀ ਕੁਲੈਕਸ਼ਨ ਸ਼ਾਮਲ ਹੈ। ਜੁਲਾਈ ਮਹੀਨੇ ਲਈ ਅਗਸਤ ਦੇ ਅੰਤ ਤੱਕ 75.80 ਲੱਖ ਜੀਐਸਟੀਆਰ 3 ਬੀ ਰਿਟਰਨ ਦਾਖਲ ਕੀਤੇ ਗਏ ਸਨ। ਜੀਐਸਟੀ ਮੁਆਵਜ਼ੇ ਵਜੋਂ ਜੂਨ-ਜੁਲਾਈ ਦੀ ਮਿਆਦ ਲਈ ਰਾਜਾਂ ਨੂੰ 27,955 ਕਰੋੜ ਰੁਪਏ ਜਾਰੀ ਕੀਤੇ ਗਏ ਸਨ।
Money
ਆਈਜੀਐਸਟੀ ਦੀ ਨਿਯਮਤ ਵਿਵਸਥਾ ਦੇ ਤਹਿਤ 23,165 ਕਰੋੜ ਰੁਪਏ ਸੀਜੀਐਸਟੀ ਅਤੇ 16,623 ਕਰੋੜ ਰੁਪਏ ਐਸਜੀਐਸਟੀ ਨੂੰ ਵਿਵਸਥਿਤ ਕੀਤੇ ਗਏ ਹਨ। ਇਸ ਤਰ੍ਹਾਂ ਅਗਸਤ 2019 ਵਿਚ ਕੇਂਦਰ ਸਰਕਾਰ ਦਾ ਕੁਲ ਸੀਜੀਐਸਟੀ ਸੰਗ੍ਰਹਿ 40,898 ਕਰੋੜ ਰੁਪਏ ਅਤੇ ਐਸਜੀਐਸਟੀ 40,862 ਕਰੋੜ ਰੁਪਏ ਦਾ ਹੈ। ਅਪ੍ਰੈਲ ਤੋਂ ਅਗਸਤ ਦੀ ਮਿਆਦ ਵਿਚ ਕੁਲ ਜੀ.ਐੱਸ.ਟੀ. ਕੁਲੈਕਸ਼ਨ 5,14,378 ਕਰੋੜ ਰੁਪਏ ਰਿਹਾ ਜੋ ਪਿਛਲੇ ਵਿੱਤੀ ਵਰ੍ਹੇ ਦੀ ਇਸੇ ਮਿਆਦ ਵਿਚ 4,83,538 ਕਰੋੜ ਰੁਪਏ ਇਕੱਤਰ ਕਰਨ ਨਾਲੋਂ 6.3% ਦੀ ਤੇਜ਼ੀ ਨਾਲ ਵਧਿਆ ਹੈ।
ਵਿੱਤੀ ਸਾਲ 2019- 20 ਲਈ ਸਰਕਾਰ ਨੇ ਸੀਜੀਐਸਟੀ ਤੋਂ 6.10 ਲੱਖ ਕਰੋੜ ਰੁਪਏ ਅਤੇ ਸੂਬਿਆਂ ਦੇ ਮਾਲੀਏ ਵਿਚ ਕਟੌਤੀ ਲਈ ਵਸੂਲੇ ਗਏ ਸਰਚਾਰਜ ਤੋਂ 1.01 ਲੱਖ ਕਰੋੜ ਰੁਪਏ ਦੀ ਵਸੂਲੀ ਦਾ ਟੀਚਾ ਮਿੱਥਿਆ ਹੈ। ਸੀ ਜੀ ਐਸ ਟੀ ਕੁਲੈਕਸ਼ਨ 4.25 ਲੱਖ ਕਰੋੜ ਰੁਪਏ ਸੀ ਅਤੇ ਮਾਲੀਏ ਮੁਆਵਜ਼ੇ ਲਈ ਸਰਚਾਰਜ ਵਿੱਤੀ ਸਾਲ 2018-19 ਵਿਚ 97,000 ਕਰੋੜ ਰੁਪਏ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
