ਮੱਧ ਪ੍ਰਦੇਸ਼ ਦੇ ਮੁਰੈਨਾ ਸ਼ਹਿਰ ਕੋਤਵਾਲੀ ਪੁਲਿਸ ਨੇ ਐਕਸਿਸ ਬੈਂਕ ਦੇ ਮੈਨੇਜਰ ਅਤੇ ਸੇਲਸ...
ਨਵੀਂ ਦਿੱਲੀ: ਮੱਧ ਪ੍ਰਦੇਸ਼ ਦੇ ਮੁਰੈਨਾ ਸ਼ਹਿਰ ਕੋਤਵਾਲੀ ਪੁਲਿਸ ਨੇ ਐਕਸਿਸ ਬੈਂਕ ਦੇ ਮੈਨੇਜਰ ਅਤੇ ਸੇਲਸ ਅਫਸਰ ਸਮੇਤ ਦੋ ਫਰਮ ਓਪਰੇਟਰਾਂ ਦੇ ਖਿਲਾਫ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਹੈ। ਬੈਂਕ ਅਧਿਕਾਰੀਆਂ ਨੇ ਨੋਟਬੰਦੀ ਦੌਰਾਨ ਫਰਿਆਦੀ ਤੋਂ ਜ਼ੀਰੋ ਬੈਲੇਂਸ ਦਾ ਖਾਤਾ ਖੋਲ੍ਹਣ ਲਈ ਦਸਤਾਵੇਜ਼ ਲਈ ‘ਤੇ ਬਾਅਦ ‘ਚ ਮਨਾ ਕਰ ਦਿੱਤਾ।
Cash
ਕੁਝ ਸਮੇਂ ਬਾਅਦ ਉਸਦੇ ਦਸਤਾਵੇਜ਼ ਦੀ ਵਰਤੋ ਕਰ ਖਾਤਾ ਖੋਲਿਆ ਅਤੇ ਦੋ ਫਰਮਾਂ ਦਾ ਪੈਸਾ ਖਾਤੇ ਵਿੱਚ ਟਰਾਂਸਫਰ ਕਰ ਦਿੱਤਾ। ਫਰਿਆਦੀ ਨੂੰ ਪਤਾ ਉਦੋਂ ਲੱਗਿਆ ਜਦੋਂ ਉਸਦੇ ਕੋਲ ਅਕਤੂਬਰ 2019 ‘ਚ ਆਇਕਰ ਵਿਭਾਗ ਦਾ ਨੋਟਿਸ ਆਇਆ। ਉਸਨੇ ਕੋਤਵਾਲੀ ਥਾਣੇ ‘ਚ ਸ਼ਿਕਾਇਤ ਕੀਤੀ।
Notebandi
ਜਾਂਚ ਤੋਂ ਬਾਅਦ ਕੋਤਵਾਲੀ ਪੁਲਿਸ ਨੇ ਮੈਨੇਜਰ, ਸੇਲਸ ਅਫ਼ਸਰ ਅਤੇ ਦੋ ਫਰਮਾਂ ਦੇ ਓਪਰੇਟਰਾਂ ਦੇ ਖਿਲਾਫ਼ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਹੈ। ਰਿਪੋਰਟ ਅਨੁਸਾਰ, ਤਾਪ ਦਾ ਪੂਰਾ ਗੁੜਾ ਨਿਵਾਸੀ ਨਿਰੰਜਨ ਸਿੰਘ ਸੁਕਰਵਾਰ ਨੂੰ 7 ਅਕਤੂਬਰ ਨੂੰ ਆਇਕਰ ਵਿਭਾਗ ਤੋਂ ਨੋਟਿਸ ਮਿਲਿਆ। ਜਿਸ ‘ਚ ਉਸਦੇ ਐਕਸਿਸ ਬੈਂਕ ਦੇ ਖਾਤੇ ਤੋਂ 76 ਲੱਖ 20 ਹਜਾਰ ਰੁਪਏ ਦਾ ਲੈਣ-ਦੇਣ ਹੋਣਾ ਦੱਸਿਆ।
Rupees
ਵਿਭਾਗ ਨੇ 15 ਅਕਤੂਬਰ ਤੱਕ ਜਵਾਬ ਮੰਗਿਆ ਸੀ। ਨਿਰੰਜਨ ਨੇ ਕੋਤਵਾਲੀ ‘ਚ ਦਿੱਤੇ ਆਵੇਦਨ ਵਿੱਚ ਦੱਸਿਆ ਕਿ 2016 ਵਿੱਚ ਉਸਨੇ ਐਕਸਿਸ ਬੈਂਕ ਵਿੱਚ ਜ਼ੀਰੋ ਬੈਲੇਂਸ ‘ਤੇ ਖਾਤਾ ਖੁਲਵਾਉਣ ਲਈ ਆਵੇਦਨ ਦਿੱਤਾ ਸੀ ਅਤੇ ਦਸਤਾਵੇਜ਼ ਲਗਾਏ ਸਨ, ਲੇਕਿਨ ਬੈਂਕ ਮੈਨੇਜਰ ਆਸ਼ੀਸ਼ ਜੈਨ ਅਤੇ ਸੇਲਸ ਅਫਸਰ ਵਿਕਰਮ ਜੈਨ ਨੇ ਦਸਤਾਵੇਜ਼ ਲੈਣ ਤੋਂ ਦੋ ਦਿਨ ਬਾਅਦ ਕਿਹਾ ਕਿ ਹੁਣ ਜ਼ੀਰੋ ਬੈਲੇਂਸ ਦੇ ਖਾਤੇ ਨਹੀਂ ਖੁੱਲ ਰਹੇ ਹਨ।
Axis Bank
ਇਸਤੋਂ ਬਾਅਦ ਆਰੋਪੀਆਂ ਨੇ ਉਸਦੇ ਨਾਮ ਤੋਂ ਖਾਤਾ ਖੋਲਕੇ ਟਰਾਂਜੇਕਸ਼ਨ ਕੀਤੀ ਹੈ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਕੀਤੀ ਤਾਂ ਸਾਹਮਣੇ ਆਇਆ ਕਿ ਨਿੰਰਜਨ ਦੇ ਖਾਤੇ ਵਿੱਚ 76 ਲੱਖ 20 ਹਜਾਰ ਦੀ ਰਕਮ ਜਮਾਂ ਕਰ ਉਸਤੋਂ ਨਵੀਨ ਜੈਨ ਦੀ ਫਰਮ ਦੌਲਤ ਇੰਟਰਪ੍ਰਾਇਜੇਜ ਅਤੇ ਸੌਰਭ ਸਿੰਘ ਦੀ ਫਰਮ ਬੀਐਸ ਟਰੇਡਿੰਗ ਕੰਪਨੀ ਦੇ ਖਾਤਿਆਂ ਵਿੱਚ ਟਰਾਂਸਫਰ ਕੀਤੀ ਗਈ ਹੈ। ਪੁਲਿਸ ਨੇ ਜਾਂਚ ਤੋਂ ਬਾਅਦ ਚਾਰਾਂ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
