ਦਿੱਲੀ ਭਾਜਪਾ ਪ੍ਰਧਾਨ ਮਨੋਜ ਤਿਵਾੜੀ ਦਾ ਮੰਨਣਾ ਹੈ ਕਿ 8 ਨਵੰਬਰ 2016 ਨੂੰ ਜੋ ਨੋਟਬੰਦੀ ਹੋਈ ਉਹ ਨੋਟਬੰਦੀ ਨਹੀਂ ਬਲਕਿ ‘ਨੋਟ ਬਦਲੀ’ ਸੀ।
ਨਵੀਂ ਦਿੱਲੀ: ਦਿੱਲੀ ਭਾਜਪਾ ਪ੍ਰਧਾਨ ਮਨੋਜ ਤਿਵਾੜੀ ਦਾ ਮੰਨਣਾ ਹੈ ਕਿ 8 ਨਵੰਬਰ 2016 ਨੂੰ ਜੋ ਨੋਟਬੰਦੀ ਹੋਈ ਉਹ ਨੋਟਬੰਦੀ ਨਹੀਂ ਬਲਕਿ ‘ਨੋਟ ਬਦਲੀ’ ਸੀ। ਇਹ ਬਿਆਨ ਉਹਨਾਂ ਇਕ ਇੰਟਰਵਿਊ ਦੌਰਾਨ ਦਿੱਤਾ ਹੈ। ਭਾਜਪਾ ਆਗੂ ਨੇ ਕਿਹਾ ਕਿ ਉਸ ਦੌਰਾਨ ਲੋਕਾਂ ਨੂੰ ਥੌੜੀ ਤਕਲੀਫ ਵੀ ਹੋਈ, ਹਾਲਾਂਕਿ ਸਰਕਾਰ ਦਾ ਜੋ ਟੀਚਾ ਸੀ ਉਹ ਇਸ ਨੋਟਬੰਦੀ ਨਾਲ ਪੂਰਾ ਹੋ ਗਿਆ।
Photo
ਇਕ ਸਵਾਲ ਦੇ ਜਵਾਬ ਵਿਚ ਉਹਨਾਂ ਕਿਹਾ ਕਿ, ‘ਅਸਲ ਵਿਚ ਉਹ ਨੋਟਬੰਦੀ ਨਹੀਂ ਸੀ, ਬਲਕਿ ਨੋਟ ਬਦਲੀ ਸੀ’। ਉਹਨਾਂ ਕਿਹਾ ਕਿ ਨੋਟਬੰਦੀ ਕਹਿ ਕੇ ਇਸ ਨੂੰ ਗਲਤ ਨਾਂਅ ਦਿੱਤਾ ਗਿਆ। ਉਸ ਮੁਹਿੰਮ ਲਈ ਨੋਟਬੰਦੀ ਸਹੀ ਸ਼ਬਦ ਨਹੀਂ ਹੈ ਅਤੇ ਉਹ ‘ਨੋਟ ਬਦਲੀ’ ਮੁਹਿੰਮ ਸੀ।
Photo
ਇੰਟਰਵਿਊ ਦੌਰਾਨ ਅਰਥਸ਼ਾਸਤਰੀਆਂ ਦੇ ਬਿਆਨਾਂ ਦੇ ਹਵਾਲੇ ਨਾਲ ਪੁੱਛ ਗਏ ਇਕ ਸਵਾਲ ਦੇ ਜਵਾਬ ਵਿਚ ਦਿੱਲੀ ਭਾਜਪਾ ਪ੍ਰਧਾਨ ਨੇ ਕਿਹਾ ਕਿ, ‘ਅਰਥਸ਼ਾਸਤਰੀਆਂ ਨੂੰ ਛੱਡੋ...ਮਨੋਜ ਤਿਵਾੜੀ ਅਰਥਸ਼ਾਸਤਰੀ ਨੂੰ ਸੁਣੋ’। ਉਹਨਾਂ ਨੇ ਜੀਡੀਪੀ ਡਿੱਗਣ ਦੇ ਸਵਾਲ ‘ਤੇ ਕਿਹਾ, ‘ਜੀਡੀਪੀ ਦਾ ਡਿੱਗਣਾ ਅਤੇ ਉੱਠਣਾ ਹੋਰ ਚੀਜ਼ਾਂ ‘ਤੇ ਹੈ’।
Photo
ਇਸ ਦੌਰਾਨ ਮਨੋਜ ਤਿਵਾੜੀ ਨੇ ਕਿਹਾ ਕਿ ਨੋਟ ਬਦਲੀ ਨਾਲ ਲੋਕਾਂ ਨੂੰ ਸਮੱਸਿਆ ਤਾਂ ਹੋਈ ਪਰ ਜੋ ਉਦੇਸ਼ ਸੀ, ਉਹ ਬਹੁਤ ਵੱਡਾ ਸੀ ਅਤੇ ਉਹ ਉਦੇਸ਼ ਪੂਰਾ ਵੀ ਹੋਇਆ। ਦੱਸ ਦਈਏ ਕਿ ਦਿੱਲੀ ਵਿਚ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਇਹਨੀਂ ਦਿਨੀਂ ਭਾਜਪਾ ਪ੍ਰਧਾਨ ਮਨੋਤ ਤਿਵਾੜੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ।
Photo
ਦਿੱਲੀ ਦੀਆਂ ਚੋਣਾਂ ਨੂੰ ਲੈ ਕੇ ਸਾਰੀਆਂ ਸਿਆਸੀ ਪਾਰਟੀਆਂ ਪ੍ਰਚਾਰ ਵਿਚ ਜੁੜੀਆਂ ਹੋਈਆਂ ਹਨ। ਇਸ ਦੌਰਾਨ ਪਾਰਟੀਆਂ ਵੱਲੋਂ ਵੱਖ-ਵੱਖ ਮੁੱਦਿਆਂ ‘ਤੇ ਕੇਜਰੀਵਾਲ ਸਰਕਾਰ ਨੂੰ ਘੇਰਿਆ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਦੇਸ਼ ਦੀ ਰਾਸ਼ਟਰੀ ਰਾਜਧਾਨੀ ਦਿੱਲੀ ਵਿਚ 8 ਫਰਵਰੀ ਨੂੰ ਵਿਧਾਨ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ। ਇਹਨਾਂ ਚੋਣਾਂ ਦੇ ਨਤੀਜੇ 11 ਫਰਵਰੀ ਨੂੰ ਐਲਾਨੇ ਜਾਣਗੇ।
