ਇਸ ਕੰਪਨੀ ’ਤੇ RBI ਨੇ ਸੋਨੇ ਬਦਲੇ ਕਰਜ਼ੇ ਵੰਡਣ ਤੋਂ ਲਾਈ ਤੁਰੰਤ ਰੋਕ, ਡਿਫ਼ਾਲਟਰਾਂ ਨਾਲ ਹੋ ਰਹੀਆਂ ਸਨ ਬੇਨਿਯਮੀਆਂ
Published : Mar 4, 2024, 10:20 pm IST
Updated : Mar 4, 2024, 10:28 pm IST
SHARE ARTICLE
Gold Loan
Gold Loan

ਕਿਹਾ, ਰੈਗੂਲੇਟਰੀ ਨਿਗਰਾਨੀ ਦੌਰਾਨ ਸੋਨੇ ਬਦਲੇ ਉਧਾਰ ਦੇਣ ਵਿਚ ਕੁੱਝ ਚਿੰਤਾਵਾਂ ਜ਼ਾਹਰ ਕਰਨ ਤੋਂ ਬਾਅਦ ਇਹ ਕਦਮ ਚੁਕਿਆ ਗਿਆ

ਮੁੰਬਈ: ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਸੋਮਵਾਰ ਨੂੰ IIFL Finance Ltd. ਨੂੰ ਤੁਰਤ ਪ੍ਰਭਾਵ ਨਾਲ ਸੋਨੇ ਬਦਲੇ ਕਰਜ਼ੇ ਵੰਡਣ ਤੋਂ ਰੋਕ ਦਿਤਾ। ਭਾਰਤੀ ਰਿਜ਼ਰਵ ਬੈਂਕ (RBI) ਦਾ ਇਹ ਹੁਕਮ ਸਿਰਫ ਕੰਪਨੀ ਦੇ ਗੋਲਡ ਲੋਨ ਕਾਰੋਬਾਰ ਨਾਲ ਸਬੰਧਤ ਹੈ। ਪ੍ਰਮੁੱਖ ਵਿੱਤੀ ਸੇਵਾਵਾਂ ਪ੍ਰਦਾਤਾ IIFL Finance ਕਈ ਤਰ੍ਹਾਂ ਦੇ ਕਰਜ਼ੇ ਅਤੇ ਗਿਰਵੀ ਰੱਖ ਕੇ ਕਰਜ਼ੇ ਦੀ ਪੇਸ਼ਕਸ਼ ਕਰਦਾ ਹੈ। 

RBI ਨੇ ਇਕ ਬਿਆਨ ਵਿਚ ਕਿਹਾ ਕਿ ਰੈਗੂਲੇਟਰੀ ਨਿਗਰਾਨੀ ਦੌਰਾਨ ਸੋਨੇ ਬਦਲੇ ਉਧਾਰ ਦੇਣ ਵਿਚ ਕੁੱਝ ਚਿੰਤਾਵਾਂ ਜ਼ਾਹਰ ਕਰਨ ਤੋਂ ਬਾਅਦ ਇਹ ਕਦਮ ਚੁਕਿਆ ਗਿਆ ਹੈ। ਹਾਲਾਂਕਿ, IIFL Finance ਅਪਣੇ ਮੌਜੂਦਾ ਗੋਲਡ ਲੋਨ ਕਾਰੋਬਾਰ ਨੂੰ ਜਾਰੀ ਰੱਖਣ ਦੀ ਸੰਭਾਵਨਾ ਹੈ ਅਤੇ ਮੌਜੂਦਾ ਕਰਜ਼ਿਆਂ ਦੀ ਵਸੂਲੀ ਅਤੇ ਵਸੂਲੀ ਦੀ ਪ੍ਰਕਿਰਿਆ ਜਾਰੀ ਰੱਖੇਗੀ। 

ਬਿਆਨ ਮੁਤਾਬਕ, ‘‘RBI ਨੇ IIFL Finance Ltd. ਨੂੰ ਹੁਕਮ ਦਿਤਾ ਹੈ ਕਿ ਉਹ ਤੁਰਤ ਸੋਨੇ ’ਤੇ ਕਰਜ਼ ਨੂੰ ਮਨਜ਼ੂਰੀ ਦੇਣ ਜਾਂ ਵੰਡ ਕਰਨ ਜਾਂ ਅਪਣੇ ਕਿਸੇ ਵੀ ਗੋਲਡ ਲੋਨ ਦੀ ਸਿਕਿਓਰਾਈਜ਼ੇਸ਼ਨ ਜਾਂ ਵਿਕਰੀ ਨੂੰ ਤੁਰਤ ਪ੍ਰਭਾਵ ਨਾਲ ਰੋਕ ਦੇਵੇ।’’ RBI ਨੇ ਕਿਹਾ ਕਿ 31 ਮਾਰਚ, 2023 ਤਕ IIFL ਦੀ ਵਿੱਤੀ ਸਥਿਤੀ ਦੇ ਸੰਦਰਭ ’ਚ ਕੰਪਨੀ ਦੀ ਜਾਂਚ ਕੀਤੀ ਗਈ ਸੀ। 

ਕੇਂਦਰੀ ਬੈਂਕ ਨੇ ਕਿਹਾ, ‘‘ਕੰਪਨੀ ਦੇ ਗੋਲਡ ਲੋਨ ਕਾਰੋਬਾਰ ’ਚ ਕੁੱਝ ਮਹੱਤਵਪੂਰਨ ਚਿੰਤਾਵਾਂ ਵੇਖੀਆਂ ਗਈਆਂ ਹਨ। ਇਨ੍ਹਾਂ ’ਚ ਕਰਜ਼ੇ ਦੀ ਮਨਜ਼ੂਰੀ ਅਤੇ ਡਿਫਾਲਟ ’ਤੇ ਨਿਲਾਮੀ ਦੇ ਸਮੇਂ ਸੋਨੇ ਦੀ ਸ਼ੁੱਧਤਾ ਅਤੇ ਸ਼ੁੱਧ ਭਾਰ ਦੀ ਜਾਂਚ ਅਤੇ ਪ੍ਰਮਾਣੀਕਰਨ ’ਚ ਗੰਭੀਰ ਕਮੀਆਂ ਸ਼ਾਮਲ ਹਨ।’’ ਇਸ ਤੋਂ ਇਲਾਵਾ ਕਾਨੂੰਨੀ ਸੀਮਾ ਤੋਂ ਵੱਧ ਨਕਦ ’ਚ ਕਰਜ਼ੇ ਦੀ ਰਕਮ ਦੀ ਵੰਡ ਅਤੇ ਵਸੂਲੀ ਅਤੇ ਮਿਆਰੀ ਨਿਲਾਮੀ ਪ੍ਰਕਿਰਿਆ ਦੀ ਪਾਲਣਾ ’ਚ ਵੀ ਬੇਨਿਯਮੀਆਂ ਪਾਈਆਂ ਗਈਆਂ। 

ਕੇਂਦਰੀ ਬੈਂਕ ਨੇ ਕਿਹਾ ਕਿ ਉਹ ਪਿਛਲੇ ਕੁੱਝ ਮਹੀਨਿਆਂ ਤੋਂ ਕੰਪਨੀ ਦੇ ਸੀਨੀਅਰ ਪ੍ਰਬੰਧਨ ਅਤੇ ਆਡੀਟਰਾਂ ਨਾਲ ਇਨ੍ਹਾਂ ਕਮੀਆਂ ਬਾਰੇ ਵਿਚਾਰ-ਵਟਾਂਦਰੇ ਕਰ ਰਿਹਾ ਹੈ ਪਰ ਕਿਸੇ ‘ਸਾਰਥਕ ਸੁਧਾਰਾਤਮਕ ਕਾਰਵਾਈ’ ਦੀ ਪਛਾਣ ਨਹੀਂ ਕੀਤੀ ਗਈ ਹੈ। ਅਜਿਹੀ ਸਥਿਤੀ ’ਚ, ਗਾਹਕਾਂ ਦੇ ਸਮੁੱਚੇ ਹਿੱਤ ’ਚ ਤੁਰਤ ਪ੍ਰਭਾਵ ਨਾਲ ਵਪਾਰ ਪਾਬੰਦੀਆਂ ਲਗਾਉਣਾ ਜ਼ਰੂਰੀ ਹੋ ਗਿਆ ਹੈ। 

ਰੈਗੂਲੇਟਰੀ ਉਲੰਘਣਾ ਹੋਣ ਤੋਂ ਇਲਾਵਾ ਇਹ ਗਤੀਵਿਧੀਆਂ ਗਾਹਕਾਂ ਦੇ ਹਿੱਤਾਂ ਨੂੰ ਵੀ ਪ੍ਰਭਾਵਤ ਕਰਦੀਆਂ ਹਨ। ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਇਨ੍ਹਾਂ ਪਾਬੰਦੀਆਂ ਦੀ ਸਮੀਖਿਆ ਰਿਜ਼ਰਵ ਬੈਂਕ ਦੇ ਵਿਸ਼ੇਸ਼ ਆਡਿਟ ਦੇ ਮੁਕੰਮਲ ਹੋਣ ਤੋਂ ਬਾਅਦ ਅਤੇ ਵਿਸ਼ੇਸ਼ ਆਡਿਟ ਨਤੀਜਿਆਂ ਅਤੇ RBI ਦੇ ਨਿਰੀਖਣ ਤੱਥਾਂ ਵਿਚ ਕੰਪਨੀ ਦੇ ਸੰਤੁਸ਼ਟੀਜਨਕ ਹੱਲ ਤੋਂ ਬਾਅਦ ਕੀਤੀ ਜਾਵੇਗੀ। 

IIFL Finance ਵਿੱਤੀ ਸੇਵਾਵਾਂ ਦੇ ਖੇਤਰ ’ਚ ਮੋਹਰੀ ਕੰਪਨੀਆਂ ’ਚੋਂ ਇਕ ਹੈ। ਇਹ ਅਪਣੀਆਂ ਸਹਾਇਕ ਕੰਪਨੀਆਂ - IIFL ਹੋਮ ਫਾਈਨਾਂਸ, IIFL ਸਮਗਰਾ ਫਾਈਨਾਂਸ ਲਿਮਟਿਡ ਅਤੇ IIFL ਓਪਨ ਫਿਨਟੈਕ ਨਾਲ ਕਈ ਤਰ੍ਹਾਂ ਦੀਆਂ ਕਰਜ਼ਾ ਸੇਵਾਵਾਂ ਦੀ ਪੇਸ਼ਕਸ਼ ਕਰਦੀ ਹੈ। ਇਸ ਦੀਆਂ 500 ਤੋਂ ਵੱਧ ਸ਼ਹਿਰਾਂ ’ਚ 2,600 ਤੋਂ ਵੱਧ ਬ੍ਰਾਂਚਾਂ ਹਨ। 

Tags: rbi

SHARE ARTICLE

ਏਜੰਸੀ

Advertisement

ਭੀਖ ਮੰਗਣ ਵਾਲੇ ਨਿਆਣਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਦਾ ਰੈਸਕਿਊ, ਪੂਰੇ ਪੰਜਾਬ 'ਚ ਭਿਖਾਰੀਆਂ ਦੇ ਕੀਤੇ ਜਾਣਗੇ DNA ਟੈਸਟ

17 Jul 2025 7:49 PM

ਕਿਸਾਨ ਲੈਣਗੇ ਸਿਆਸਤਦਾਨਾਂ ਦੀ ਕਲਾਸ, ਸੱਦ ਲਈ ਸਭ ਤੋਂ ਵੱਡੀ ਬੈਠਕ, ਜ਼ਮੀਨ ਦੀ ਸਰਕਾਰੀ ਖ਼ਰੀਦ ਖ਼ਿਲਾਫ਼ ਲਾਮੰਬਦੀ

17 Jul 2025 7:47 PM

'Punjab 'ਚ ਚਿੱਟਾ ਲਿਆਉਣ ਵਾਲੇ ਹੀ ਅਕਾਲੀ ਨੇ' ਅਕਾਲ ਤਖ਼ਤ ਸਾਹਿਬ 'ਤੇ Sukhbir ਨੇ ਕਿਉਂ ਕਬੂਲੀ ਸੀ ਬੇਅਦਬੀ ਦੀ ਗੱਲ ?

17 Jul 2025 5:24 PM

'Raid 'ਚ Bikram Majithia ਦੀਆਂ ਕਈ ਬੇਨਾਮੀ ਜਾਇਦਾਦਾਂ ਮਿਲੀਆਂ' Advocate ਵੱਲੋਂ ਵੱਡੇ ਖ਼ੁਲਾਸੇ | Akali Dal

17 Jul 2025 5:23 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 15/07/2025

16 Jul 2025 4:25 PM
Advertisement