ਅੰਤਰਰਾਸ਼ਟਰੀ ਪੱਧਰ ‘ਤੇ ਕੀਮਤਾਂ ਡਿੱਗਣ ਨਾਲ ਘਰੇਲੂ ਬਾਜ਼ਾਰ ਵਿੱਚ ਸੋਨੇ ਦੇ ਭਾਅ...
ਨਵੀਂ ਦਿੱਲੀ: ਅੰਤਰਰਾਸ਼ਟਰੀ ਪੱਧਰ ‘ਤੇ ਕੀਮਤਾਂ ਡਿੱਗਣ ਨਾਲ ਘਰੇਲੂ ਬਾਜ਼ਾਰ ਵਿੱਚ ਸੋਨੇ ਦੇ ਭਾਅ ਵਿੱਚ ਇਸ ਸਾਲ ਦੀ ਸਭ ਤੋਂ ਵੱਡੀ ਗਿਰਾਵਟ ਆਈ ਹੈ। ਵੀਰਵਾਰ ਨੂੰ ਦਿੱਲੀ ਸਰਾਫਾ ਬਾਜ਼ਾਰ ਵਿੱਚ 10 ਗਰਾਮ ਸੋਨੇ ਦੇ ਮੁੱਲ 766 ਰੁਪਏ ਤੱਕ ਰਿੜ੍ਹ ਗਏ ਹਨ। ਉਥੇ ਹੀ ਚਾਂਦੀ ਦੇ ਮੁੱਲ 1148 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਤੱਕ ਡਿੱਗ ਗਏ ਹਨ।
ਦੱਸ ਦਈਏ ਕਿ ਅਮਰੀਕਾ ਅਤੇ ਈਰਾਨ ਦੇ ਵਿੱਚ ਤਨਾਅ ਘਟਣ ਨਾਲ ਵਿਦੇਸ਼ੀ ਬਾਜ਼ਾਰ ਵਿੱਚ ਸੋਨੇ ਦੇ ਮੁੱਲ ਰਿੜ੍ਹ ਗਏ ਹਨ। ਕਾਮੈਕਸ ‘ਤੇ ਸੋਨੇ ਦੀਆਂ ਕੀਮਤਾਂ 1610 ਡਾਲਰ ਪ੍ਰਤੀ ਔਂਸ ਦਾ ਉੱਚਤਮ ਪੱਧਰ ਛੂਹਣ ਤੋਂ ਬਾਅਦ 1546 ਡਾਲਰ ਪ੍ਰਤੀ ਔਂਸ ‘ਤੇ ਆ ਗਈ ਹੈ।
ਉਥੇ ਹੀ, ਘਰੇਲੂ ਵਾਅਦਾ ਬਾਜ਼ਾਰ ਐਮਸੀਐਕਸ (Multi Commodity Exchange) ਉੱਤੇ ਵੀ ਗੋਲਡ ਵਾਅਦਾ (Gold Future Price 09 January 2020) ਦੀਆਂ ਕੀਮਤਾਂ 700 ਰੁਪਏ ਪ੍ਰਤੀ ਦਸ ਗਰਾਮ ਤੱਕ ਰਿੜ੍ਹ ਗਈ ਸੀ। ਇਸ ਲਈ ਘਰੇਲੂ ਬਾਜ਼ਾਰ ਵਿੱਚ ਸੋਨੇ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਆਈ ਹੈ।
ਸੋਨੇ ਦੀ ਨਵੀਂ ਕੀਮਤ ਵੀਰਵਾਰ ਨੂੰ 99.9 ਫੀਸਦੀ ਵਾਲੇ 24 ਕੈਰੇਟ ਸੋਨੇ ਦੀ ਕੀਮਤ 41400 ਰੁਪਏ ਪ੍ਰਤੀ ਦਸ ਗਰਾਮ ਤੋਂ ਡਿੱਗ ਕੇ 40, 634 ਰੁਪਏ ਪ੍ਰਤੀ ਦਸ ਗਰਾਮ ਉੱਤੇ ਆ ਗਈ ਹੈ।ਇਸ ਦੌਰਾਨ ਸੋਨੇ ਦੀਆਂ ਕੀਮਤਾਂ 766 ਰੁਪਏ ਪ੍ਰਤੀ ਦਸ ਗਰਾਮ ਤੱਕ ਘੱਟ ਹੋਈਆਂ ਹਨ। ਬੁੱਧਵਾਰ ਨੂੰ ਦਿੱਲੀ ਸਰਾਫਾ ਬਾਜ਼ਾਰ ਵਿੱਚ 10 ਗਰਾਮ ਸੋਨੇ ਦੀਆਂ ਕੀਮਤਾਂ 41,325 ਰੁਪਏ ਤੋਂ ਵਧਕੇ 41,810 ਰੁਪਏ ‘ਤੇ ਪਹੁੰਚ ਗਈ ਹੈ।
ਇਸ ਦੌਰਾਨ ਕੀਮਤਾਂ ਵਿੱਚ 485 ਰੁਪਏ ਪ੍ਰਤੀ ਦਸ ਗਰਾਮ ਦੀ ਤੇਜੀ ਆਈ।ਚਾਂਦੀ ਦੇ ਨਵੇਂ ਭਾਅ ਸੋਨੇ ਦੀ ਤਰ੍ਹਾਂ ਵੀਰਵਾਰ ਨੂੰ ਚਾਂਦੀ ਦੇ ਮੁੱਲ ਵੀ ਰਿੜ੍ਹ ਗਏ ਹਨ। ਇੱਕ ਕਿੱਲੋਗ੍ਰਾਮ ਚਾਂਦੀ ਦੇ ਮੁੱਲ 49,080 ਰੁਪਏ ਤੋਂ ਡਿੱਗ ਕੇ 47,932 ਰੁਪਏ ‘ਤੇ ਆ ਗਏ ਹਨ। ਇਸ ਦੌਰਾਨ ਚਾਂਦੀ ਇੱਕ ਦਿਨ ਵਿੱਚ ਹੀ 1148 ਰੁਪਏ ਤੱਕ ਸਸਤੀ ਹੋ ਗਈ ਹੈ।ਜਦੋਂ ਕਿ, ਇਸ ਤੋਂ ਪਹਿਲਾਂ ਦਿਨ ਯਾਨੀ ਬੁੱਧਵਾਰ ਨੂੰ ਚਾਂਦੀ ਦੀ ਕੀਮਤ 48,675 ਰੁਪਏ ਵਧ ਕੇ 49,530 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਹੋ ਗਈ ਸੀ। ਇਸ ਦੌਰਾਨ ਚਾਂਦੀ ਦੇ ਭਾਅ 855 ਰੁਪਏ ਤੱਕ ਵੱਧ ਗਏ।
ਕਿਉਂ ਸਸਤਾ ਹੋਇਆ ਸੋਨਾ ਅਤੇ ਚਾਂਦੀ
HDFC ਸਕਿਊਰੀਟੀਜ਼ ਦੇ ਹੇਡ ਦੇਵਰਸ਼ ਵਕੀਲ ਦਾ ਕਹਿਣਾ ਹੈ ਕਿ ਅਮਰੀਕਾ ਅਤੇ ਈਰਾਨ ਵਿਚਾਲੇ ਸੰਕਟ ਦੀ ਵਜ੍ਹਾ ਨਾਲ ਸੋਨੇ ਅਤੇ ਚਾਂਦੀ ਦੇ ਮੁੱਲ ਵਧੇ ਸਨ। ਉਥੇ ਹੀ , ਹੁਣ ਦੋਨਾਂ ਦੇਸ਼ਾਂ ਦੇ ਵਿੱਚ ਤਨਾਅ ਘੱਟ ਹੋ ਗਿਆ ਹੈ।ਇਸ ਲਈ ਨਿਵੇਸ਼ਕਾਂ ਦਾ ਰੁਝੇਵਾਂ ਸੋਨੇ ਤੋਂ ਹਟਕੇ ਸ਼ੇਅਰ ਬਾਜ਼ਾਰ ਦੇ ਵੱਲ ਵਧਿਆ ਹੈ। ਇਹੋ ਵਜ੍ਹਾ ਹੈ ਕਿ ਭਾਰਤੀ ਰੁਪਏ ਵਿੱਚ ਜੋਰਦਾਰ ਮਜ਼ਬੂਤੀ ਆਈ ਹੈ।ਹੁਣ ਸੋਨੇ ਦੀਆਂ ਕੀਮਤਾਂ ਲਈ ਅਗਲਾ ਸੰਕੇਤ ਵਿਆਹਾਂ ਦੇ ਸੀਜਨ ਤੋਂ ਮਿਲੇਗਾ।