McDonald's ਨੇ ਰੂਸ ’ਚ 850 ਰੈਸਟੋਰੈਂਟ ਬੰਦ ਕਰਨ ਦਾ ਲਿਆ ਫੈਸਲਾ, ਕੋਕਾ-ਕੋਲਾ ਤੇ ਸਟਾਰਬਕਸ ਨੇ ਵੀ ਸੇਵਾਵਾਂ ਕੀਤੀਆਂ ਮੁਅੱਤਲ
Published : Mar 9, 2022, 9:18 am IST
Updated : Mar 9, 2022, 9:18 am IST
SHARE ARTICLE
McDonald’s, Coca-Cola and Starbucks halt Russian sales
McDonald’s, Coca-Cola and Starbucks halt Russian sales

ਯੂਕਰੇਨ 'ਚ ਲਗਾਤਾਰ ਹੋ ਰਹੇ ਹਮਲਿਆਂ ਦੇ ਮੱਦੇਨਜ਼ਰ ਰੂਸ 'ਤੇ ਪੱਛਮੀ ਦੇਸ਼ਾਂ ਵੱਲੋਂ ਪਾਬੰਦੀਆਂ ਦਾ ਸਿਲਸਿਲਾ ਜਾਰੀ ਹੈ

 

ਨਵੀਂ ਦਿੱਲੀ:  ਯੂਕਰੇਨ 'ਚ ਲਗਾਤਾਰ ਹੋ ਰਹੇ ਹਮਲਿਆਂ ਦੇ ਮੱਦੇਨਜ਼ਰ ਰੂਸ 'ਤੇ ਪੱਛਮੀ ਦੇਸ਼ਾਂ ਵੱਲੋਂ ਪਾਬੰਦੀਆਂ ਦਾ ਸਿਲਸਿਲਾ ਜਾਰੀ ਹੈ, ਹੁਣ ਇਸ 'ਚ ਮੈਕਡੋਨਲਡ, ਕੋਕਾ ਕੋਲਾ, ਪੈਪਸੀ ਅਤੇ ਸਟਾਰਬਕਸ ਦਾ ਨਾਂਅ ਵੀ ਜੁੜ ਗਿਆ ਹੈ। ਦਰਅਸਲ ਮੈਕਡੀ ਅਤੇ ਸਟਾਰਬਕਸ ਨੇ ਰੂਸ ਵਿਚ ਆਪਣੇ ਸਾਰੇ ਕੈਫੇ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ ਕੋਕਾ-ਕੋਲਾ ਨੇ ਕਿਹਾ ਕਿ ਉਹ ਰੂਸ 'ਚ ਆਪਣੇ ਉਤਪਾਦਾਂ ਦੀ ਵਿਕਰੀ 'ਤੇ ਪਾਬੰਦੀ ਲਗਾ ਰਹੀ ਹੈ।

McDonald's McDonald's

ਕੋਕਾ-ਕੋਲਾ ਨੇ ਕਿਹਾ ਕਿ ਰੂਸ ਅਤੇ ਯੂਕਰੇਨ ਵਿਚ ਕੰਪਨੀ ਦੇ ਕਾਰੋਬਾਰ ਨੇ 2021 ਵਿਚ ਕੰਪਨੀ ਦੇ ਮਾਲੀਏ ਵਿਚ 1 ਤੋਂ 2 ਪ੍ਰਤੀਸ਼ਤ ਤੱਕ ਦਾ ਯੋਗਦਾਨ ਪਾਇਆ। ਇਸ ਤੋਂ ਪਹਿਲਾਂ ਮੈਕਡੋਨਲਡ ਨੇ ਰੂਸ ਵਿਚ ਆਪਣੇ ਸਾਰੇ 847 ਰੈਸਟੋਰੈਂਟਾਂ ਨੂੰ ਅਸਥਾਈ ਤੌਰ 'ਤੇ ਬੰਦ ਕਰਨ ਦਾ ਫੈਸਲਾ ਕੀਤਾ ਸੀ। ਸਾਰੀਆਂ ਚਾਰ ਕੰਪਨੀਆਂ ਰੂਸ ਵਿਚ ਵੱਡੇ ਪੱਧਰ 'ਤੇ ਕੰਮ ਕਰਦੀਆਂ ਹਨ। ਮੈਕਡੋਨਲਡਜ਼ ਨੇ ਕਿਹਾ ਕਿ ਉਹ ਆਪਣੇ 62,000 ਕਰਮਚਾਰੀਆਂ ਨੂੰ ਤਨਖਾਹ ਦੇ ਰਿਹਾ ਹੈ।

Coca-ColaCoca-Cola

1990 ਵਿਚ ਮਾਸਕੋ ਦੇ ਪੁਸ਼ਕਿਨ ਸਕੁਆਇਰ ਵਿਚ ਪਹਿਲਾ ਮੈਕਡੋਨਲਡ ਸਟੋਰ ਖੋਲ੍ਹਿਆ ਗਿਆ ਸੀ। ਇਸ ਦੇ ਨਾਲ ਹੀ ਸਟਾਰਬਕਸ ਆਪਣੇ 100 ਕੈਫੇ ਬੰਦ ਕਰਨ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਪੈਪਸੀਕੋ ਇੰਕ ਰੂਸ ਵਿਚ ਆਪਣੇ ਸਾਰੇ ਵਿਗਿਆਪਨ ਅਤੇ ਆਪਣੇ ਪੀਣ ਵਾਲੇ ਬ੍ਰਾਂਡ ਦੀ ਵਿਕਰੀ ਨੂੰ ਰੋਕ ਰਹੀ ਹੈ। ਹਾਲਾਂਕਿ ਇਸ ਨੇ ਦੁੱਧ ਅਤੇ ਬੇਬੀ ਫੂਡ ਵਰਗੀਆਂ ਜ਼ਰੂਰੀ ਚੀਜ਼ਾਂ ਦੀ ਵਿਕਰੀ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਹੈ। ਕੋਕਾ-ਕੋਲਾ ਨੂੰ 1980 ਦੀਆਂ ਓਲੰਪਿਕ ਖੇਡਾਂ ਤੋਂ ਅਧਿਕਾਰਤ ਤੌਰ ’ਤੇ ਡਰਿੰਕ ਮਾਨਤਾ ਮਿਲੀ।

PepsicoPepsico

ਸੈਂਕੜੇ ਕੰਪਨੀਆਂ ਪਹਿਲਾਂ ਹੀ ਰੂਸ ਵਿਚ ਆਪਣੇ ਕੰਮਕਾਜ ਨੂੰ ਅਸਥਾਈ ਤੌਰ 'ਤੇ ਰੋਕ ਚੁੱਕੀਆਂ ਹਨ। ਇਸ ਸਿਲਸਿਲੇ 'ਚ ਐਮਾਜ਼ਾਨ ਨੇ ਵੀ ਮੰਗਲਵਾਰ ਨੂੰ ਕਿਹਾ ਕਿ ਉਸ ਨੇ ਆਪਣੀ ਕਲਾਊਡ ਸੇਵਾ ਲਈ ਨਵੇਂ ਗਾਹਕਾਂ ਨੂੰ ਲੈਣਾ ਬੰਦ ਕਰ ਦਿੱਤਾ ਹੈ। ਯੂਨੀਵਰਸਲ ਮਿਊਜ਼ਿਕ ਨੇ ਰੂਸ ਵਿਚ ਕੰਮਕਾਜ ਰੋਕ ਦਿੱਤਾ, ਜਦਕਿ ਆਨਲਾਈਨ ਡੇਟਿੰਗ ਸੇਵਾ ਬੰਬਲ ਇੰਕ ਨੇ ਰੂਸ ਅਤੇ ਬੇਲਾਰੂਸ ਵਿਚ ਆਪਣੇ ਸਟੋਰਾਂ ਤੋਂ ਐਪਸ ਨੂੰ ਹਟਾ ਦਿੱਤਾ।

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 09/07/2025

09 Jul 2025 12:28 PM

Bhagwant Mann Vs Bikram Singh Majithia | Bhagwant Mann Reveals Why Vigilence arrest Majithia !

09 Jul 2025 12:23 PM

ਹੁਣੇ ਹੁਣੇ ਬੱਸ ਅਤੇ ਕਾਰ ਦੀ ਹੋ ਗਈ ਭਿਆਨਕ ਟੱਕਰ, 10 ਲੋਕਾਂ ਦੀ ਮੌ+ਤ, ਪੈ ਗਿਆ ਚੀਕ ਚਿਹਾੜਾ, ਦੇਖੋ ਤਸਵੀਰਾਂ

07 Jul 2025 5:53 PM

Abohar Tailer Murder News | Who killed Abohar Taylor? | Abohar wear well owner sanjay verma Murder

07 Jul 2025 5:51 PM

Punjabi Actress Tania's Father News : Tania ਦੇ Father ਨੂੰ ਗੋ+ਲੀਆਂ ਮਾਰਨ ਵਾਲੇ ਤਿੰਨ ਕਾਬੂ | Moga Police

06 Jul 2025 9:40 PM
Advertisement