ਆਨਲਾਈਨ ਆਰਡਰ ਦੇ ਜਰੀਏ ਖਾਣ-ਪੀਣ ਦੇ ਸਮਾਨ ਦੀ ਡਿਲਵਰੀ ਕਰਨ ਵਾਲੀ ਕੰਪਨੀ ਜੋਮੈਟੋ ਦਾ 2020 ਦੇ ਅੰਤ ਤੱਕ ਮੁਨਾਫਾ ਕਮਾਉਣ ਵਾਲੀ ਕੰਪਨੀ ਬਣਨ ਦਾ ਟੀਚਾ ਹੈ।.....
ਨਵੀਂ ਦਿੱਲੀ- ਆਨਲਾਈਨ ਆਰਡਰ ਦੇ ਜਰੀਏ ਖਾਣ-ਪੀਣ ਦੇ ਸਮਾਨ ਦੀ ਡਿਲਵਰੀ ਕਰਨ ਵਾਲੀ ਕੰਪਨੀ ਜੋਮੈਟੋ ਦਾ 2020 ਦੇ ਅੰਤ ਤੱਕ ਮੁਨਾਫਾ ਕਮਾਉਣ ਵਾਲੀ ਕੰਪਨੀ ਬਣਨ ਦਾ ਟੀਚਾ ਹੈ। ਜੋਮੈਟੋ ਦੇ ਸੰਸਥਾਪਕ ਅਤੇ ਸੀਈਓ ਦੀਪਇੰਦਰ ਗੋਇਲ ਨੇ ਦੱਸਿਆ, “ਇੱਕ ਸਾਲ ਵਿਚ, ਅਸੀਂ ਇੱਕ ਲਾਭਕਾਰੀ ਕੰਪਨੀ ਬਣ ਜਾਵਾਂਗੇ। ਅਸੀਂ ਸੱਤ ਮਹੀਨੇ ਪਹਿਲਾਂ ਦੇ ਮੁਕਾਬਲੇ ਆਪਣੇ ਨਕਦ ਖਰਚਿਆਂ ਨੂੰ 70 ਪ੍ਰਤੀਸ਼ਤ ਘਟਾ ਦਿੱਤਾ ਹੈ।
”ਇਸ ਵੇਲੇ ਕੰਪਨੀ ਹਰ ਮਹੀਨੇ ਲਗਭਗ 1.5 ਕਰੋੜ ਡਾਲਰ ਖਰਚ ਕਰਦੀ ਹੈ। ਜੋਮੈਟੋ ਨੇ ਇਸ ਤੋਂ ਪਹਿਲਾਂ ਅਕਤੂਬਰ ਵਿਚ ਕਿਹਾ ਸੀ ਕਿ ਅਪ੍ਰੈਲ-ਸਤੰਬਰ, 2019 ਵਿਚ ਉਸਦੀ ਆਮਦਨ ਤਿੰਨ ਗੁਣਾ ਵੱਧ ਕੇ 20.5 ਕਰੋੜ ਜਾਂ 1,458 ਕਰੋੜ ਰੁਪਏ ਹੋ ਗਈ, ਜੋ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਵਿਚ 6.3 ਕਰੋੜ ਜਾਂ 448 ਕਰੋੜ ਰੁਪਏ ਸੀ।
ਕੰਪਨੀ ਨੇ ਹਾਲ ਹੀ ਵਿਚ ਵਿੱਤ ਦੇ ਨਵੇਂ ਦੌਰ ਤਹਿਤ ਅਗਲੇ ਮਹੀਨੇ ਤਕ 600 ਕਰੋੜ ਡਾਲਰ ਜਾਂ 4,277 ਕਰੋੜ ਰੁਪਏ ਜੁਟਾਉਣ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਇਲਾਵਾ ਹੋਟਲ, ਰੈਸਟੋਰੈਂਟ ਅਤੇ ਜੋਮੈਟੋ ਦੇ ਵਿਚਕਾਰ ਇੱਕ ਤਲਵਾਰ ਖਿੱਚ ਗਈ ਹੈ। ਹੋਟਲ ਵਾਲਿਆਂ ਨੇ ਸਾਫ਼ ਕਹਿ ਦਿੱਤਾ ਹੈ ਜੇ ਜੋਮੈਟੋ ਮਨਮਾਨੀ ਨਹੀਂ ਰੋਕੇਗਾ ਤਾਂ ਉਹ ਉਹਨਾਂ ਨਾਲ ਰਿਸ਼ਤਾ ਤੋੜ ਲੈਣਗੇ।
ਉੱਥੇ ਹੀ ਜੋਮੈਟੋ ਦਾ ਕਹਿਣਾ ਹੈ ਕਿ ਉਹ ਫ੍ਰੀ ਮਾਰਕਿਟ ਦੇ ਨਿਯਮ ਨਾਲ ਕੰਮ ਰਹੀ ਹੈ। ਜੇ ਤੁਸੀਂ ਜੋਮੈਟੋ ਤੋਂ ਖਾਣਾ ਆਰਡਰ ਕਰਦੇ ਹਾਂ ਤਾਂ ਆਉਣ ਵਾਲੇ ਸਮੇਂ ਵਿਚ ਤੁਹਾਨੂੰ ਦਿੱਕਤ ਹੋ ਸਕਦੀ ਹੈ। ਜੋਮੈਟੋ ਦੀ ਮਾਨਹਾਣੀ ਤੋਂ ਹੋਟਲ ਵਾਲੇ ਪਰੇਸ਼ਾਨ ਹਨ। ਹੋਟਲ ਅਤੇ ਰੈਸਟੋਰੈਂਟ ਐਸੋਸੀਏਸ਼ਨ ਆਫ਼ ਇੰਡੀਆ ਮਤਲਬ HRAWI, AhAR ਵਰਗੇ ਸੰਗਠਨ ਨੇ ਆਪਣੇ ਨਿਯਮ ਕਰੜੇ ਕਰ ਲਏ ਹਨ।
ਉਹਨਾਂ ਦਾ ਮੰਨਣਾ ਹੈ ਕਿ ਜੇ ਜੋਮੈਟੋ ਉਹਨਾਂ ਦੀਆਂ ਸ਼ਰਤਾਂ ਨਹੀਂ ਮੰਨਦੇ ਹੈ ਤਾਂ ਕਾਨਟਰੈਕਟ ਤੋੜ ਲੈਣਗੇ। ਜੇ ਲੋਰ ਪਈ ਤਾਂ ਜੌਮੈਟੋ ਨੂੰ CCI ਵਿਚ ਵੀ ਲੈ ਜਾਣਗੇ। ਰੈਸਟੋਰੈਂਟ ਵਾਲਿਆਂ ਦਾ ਕਹਿਣਾ ਹੈ ਕਿ ਜੋਮੈਟੋ ਬਿਨ੍ਹਾਂ ਉਹਨਾਂ ਦੀ ਸਲਾਹ ਲਏ ਆਪਣਾ ਆਫਰ ਉਹਨਾਂ 'ਤੇ ਥੋਪ ਰਹੀ ਹੈ। ਇਸ ਲਈ ਰੈਸਟੋਰੈਂਟ ਵਾਲਿਆਂ ਨੇ ਸਰਤਾਂ ਰੱਖੀਆਂ ਹਨ ਕਿ ਇਸ ਵਿਚ ਕੋਈ ਵੀ ਆਫਰ ਲਿਆਉਣ ਤੋਂ ਪਹਿਲਾਂ ਉਹਨਾਂ ਦੀ ਸਲਾਹ ਲਈ ਜਾਵੇ ਅਤੇ ਕਸਟਮਰਸ ਨੂੰ ਲੁਭਾਉਣੇ ਆਫਰ ਨਾ ਦਿੱਤੇ ਜਾਣ। ਹੋਟਲ ਦੇ ਮੁਨਾਫੇ ਦਾ ਵੀ ਧਿਆਨ ਰੱਖਿਆ ਜਾਵੇ। ਹੋਟਲ ਜਾਂ ਰੈਸਟੋਰੈਂਟ ਤੇ ਆਪਣਾ ਆਫਰ ਨਾ ਥੋਪਿਆ ਜਾਵੇ।