ਮੁੰਬਈ-ਦਿੱਲੀ ਰਾਜਧਾਨੀ ਐਕਸਪ੍ਰੈਸ ਦੇ ਏ.ਸੀ. ਫ਼ਸਟ ਦੀ ਟਿਕਟ ਹਵਾਈ ਕਿਰਾਏ ਤੋਂ ਮਹਿੰਗੀ ਪੈ ਰਹੀ ਹੈ
ਮੁੰਬਈ : ਗਰਮੀ 'ਚ ਘੁੰਮਣ ਜਾਣ ਵਾਲੇ ਲੋਕਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਇਸ ਕਾਰਨ ਕੁਝ ਮੁੱਖ ਮਾਰਗਾਂ 'ਤੇ ਟਰੇਨਾਂ ਦੀ ਟਿਕਟ ਹਵਾਈ ਸਫ਼ਰ ਨਾਲੋਂ ਵੀ ਮਹਿੰਗੀ ਮਿਲ ਰਹੀ ਹੈ। ਹਾਲਤ ਇਹ ਹੈ ਕਿ ਮੁੰਬਈ-ਦਿੱਲੀ ਰਾਜਧਾਨੀ ਐਕਸਪ੍ਰੈਸ ਦੇ ਏ. ਸੀ. ਫ਼ਸਟ ਦੀ ਟਿਕਟ ਯਾਤਰਾ ਤੋਂ ਤਿੰਨ ਹਫ਼ਤੇ ਪਹਿਲਾਂ ਲੈਣ 'ਤੇ ਵੀ ਇਹ ਹਵਾਈ ਕਿਰਾਏ ਤੋਂ ਮਹਿੰਗੀ ਪੈ ਰਹੀ ਹੈ।
GO Airline
28 ਮਈ ਦੀ ਯਾਤਰਾ ਲਈ ਇਕ ਮੁਸਾਫ਼ਰ ਨੇ ਗੋਰਖਪੁਰ ਤੋਂ ਮੁੰਬਈ ਦੀ ਟਿਕਟ ਖ਼ਰੀਦਣੀ ਸੀ ਤਾਂ ਉਸ ਨੂੰ ਪਤਾ ਲੱਗਾ ਕਿ ਏ. ਸੀ. ਸੈਕੰਡ ਦਾ ਕਿਰਾਇਆ ਪ੍ਰਤੀ ਵਿਅਕਤੀ 6,610 ਰੁਪਏ ਹੈ। ਯਾਤਰੀ ਨੇ ਕਿਹਾ ਕਿ ਉਸ ਨੇ ਅਜਿਹੇ 'ਚ ਫ਼ਲਾਈਟ ਲੈਣੀ ਬਿਹਤਰ ਸਮਝੀ ਤੇ ਪਰਵਾਰ ਦੇ ਚਾਰ ਮੈਂਬਰ ਨਾਲ ਉਸ ਨੂੰ 1,000 ਰੁਪਏ ਤਕ ਦੀ ਬਚਤ ਹੋਈ, ਨਾਲ ਹੀ 30 ਘੰਟੇ ਦੀ ਰੇਲ ਯਾਤਰਾ ਤੋਂ ਵੀ ਛੁਟਕਾਰਾ ਰਿਹਾ।
Train
ਜ਼ਿਕਰਯੋਗ ਹੈ ਕਿ ਗਰਮੀ ਵਿਚ ਛੁੱਟੀਆਂ ਹੋਣ 'ਤੇ ਲੋਕਾਂ ਦੀ ਕਿਤੇ ਨਾ ਕਿਤੇ ਘੁੰਮਣ ਜਾਣ ਦੀ ਯੋਜਨਾ ਹੁੰਦੀ ਹੈ, ਜਿਸ ਕਾਰਨ ਕਿਰਾਏ ਪੀਕ ਸੀਜ਼ਨ 'ਚ ਚੜ੍ਹ ਜਾਂਦੇ ਹਨ। ਰੇਲਵੇ ਨੇ ਲੋਕਾਂ ਦੀ ਸੁਵਿਧਾ ਲਈ ਟਰੇਨਾਂ ਦੀ ਗਿਣਤੀ ਵਧਾਈ ਹੈ ਪਰ ਮੁਸਾਫ਼ਰਾਂ ਦੀ ਗਿਣਤੀ ਕਾਫ਼ੀ ਜ਼ਿਆਦਾ ਵੱਧ ਰਹੀ ਹੈ। ਰਿਪੋਰਟਾਂ ਅਨੁਸਾਰ ਗਰਮੀ ਦੀਆਂ ਛੁੱਟੀਆਂ ਬਿਤਾਉਣ ਲਈ ਸਫ਼ਰ ਕਰਨ ਵਾਲੇ ਮੁਸਾਫ਼ਰਾਂ ਦੀ ਭੀੜ ਅਤੇ 'ਡਾਇਨੈਮਿਕ ਪ੍ਰਾਈਸਿੰਗ' ਕਾਰਨ ਰੇਲ ਯਾਤਰਾ ਮਹਿੰਗੀ ਹੋ ਗਈ ਹੈ, ਭਾਵੇਂ ਹੀ ਟਿਕਟ ਕਈ ਦਿਨ ਪਹਿਲਾਂ ਬੁੱਕ ਕਰਨੀ ਹੋਵੇ।
