Advertisement

ਭਾਰਤ ਦਾ GDP ਵਾਧਾ ਅਨੁਮਾਨ ਘਟਾ ਕੇ 6% ਕੀਤਾ

ਏਜੰਸੀ
Published Oct 13, 2019, 6:04 pm IST
Updated Oct 13, 2019, 6:06 pm IST
IMF ਤੋਂ ਬਾਅਦ ਵਿਸ਼ਵ ਬੈਂਕ ਨੇ ਦਿੱਤਾ ਝਟਕਾ
World Bank Cuts India's Growth Forecast To 6%
 World Bank Cuts India's Growth Forecast To 6%

ਨਵੀਂ ਦਿੱਲੀ : ਅੰਤਰਰਾਸ਼ਟਰੀ ਮੁਦਰਾ ਫੰਡ (ਆਈ.ਐਮ.ਐਫ਼.) ਤੋਂ ਬਾਅਦ ਹੁਣ ਵਿਸ਼ਵ ਬੈਂਕ ਨੇ ਐਤਵਾਰ ਨੂੰ ਚਾਲੂ ਵਿੱਤੀ ਸਾਲ 2019-20 ਲਈ ਭਾਰਤ ਦਾ ਗ੍ਰੋਥ ਰੇਟ ਅਨੁਮਾਨ ਘਟਾ ਦਿੱਤਾ ਹੈ। ਵਿਸ਼ਵ ਬੈਂਕ ਨੇ ਕਿਹਾ ਕਿ ਭਾਰਤ ਦੀ ਵਿਕਾਸ ਦਰ 6 ਫ਼ੀਸਦੀ ਰਹਿ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਵਿੱਤੀ ਸਾਲ (2018-19) 'ਚ ਭਾਰਤ ਦੀ ਵਿਕਾਸ ਦਰ 6.9 ਫ਼ੀਸਦੀ ਰਹੀ ਸੀ। ਆਈ.ਐਮ.ਐਫ਼. ਨਾਲ ਸਾਲਾਨਾ ਬੈਠਕ ਤੋਂ ਬਾਅਦ ਵਿਸ਼ਵ ਬੈਂਕ ਨੇ ਇਹ ਐਲਾਨ ਕੀਤਾ ਹੈ।

World Bank Cuts India's Growth Forecast To 6%World Bank Cuts India's Growth Forecast To 6%

Advertisement

ਵਿਸ਼ਵ ਬੈਂਕ ਨੇ ਕਿਹਾ ਕਿ ਲਗਾਤਾਰ ਦੂਜੇ ਸਾਲ ਭਾਰਤ ਦੀ ਆਰਥਕ ਗ੍ਰੋਥ ਰੇਟ ਘੱਟ ਹੋਈ ਹੈ। ਆਈ.ਐਮ.ਐਫ਼. ਅਤੇ ਵਿਸ਼ਵ ਬੈਂਕ ਦੀ ਸੰਯੁਕਤ ਸਾਲਾਨਾ ਬੈਠਕ ਤੋਂ ਪਹਿਲਾਂ ਜਾਰੀ ਰਿਪੋਰਟ 'ਚ ਲਗਾਤਾਰ ਦੂਜੇ ਸਾਲ ਭਾਰਤ ਦੀ ਆਰਥਕ ਵਾਧਾ ਦਰ 'ਚ ਗਿਰਾਵਟ ਦਾ ਅਨੁਮਾਨ ਲਗਾਇਆ ਗਿਆ ਹੈ। ਵਿੱਤੀ ਸਾਲ 2018-19 'ਚ ਵਾਧਾ ਦਰ, ਵਿੱਤੀ ਸਾਲ 2017-18 ਦੇ 7.2 ਫ਼ੀਸਦੀ ਤੋਂ ਘੱਟ ਰਿਹਾ ਸੀ। ਨਿਰਮਾਣ ਗਤੀਵਿਧੀਆਂ 'ਚ ਵਾਧੇ ਕਾਰਨ ਉਦਯੋਗਿਕ ਉਤਪਾਦਨ ਦੀ ਵਾਧਾ ਦਰ ਵੱਧ ਕੇ 6.9% ਹੋ ਗਈ, ਜਦਕਿ ਖੇਤੀ ਤੇ ਸੇਵਾ ਖੇਤਰ 'ਚ ਵਾਧਾ ਦਰ ਲੜੀਵਾਰ 2.9% ਅਤੇ 7.5% ਰਹੀ।

World Bank retains projections for India's economic growthWorld Bank

ਜ਼ਿਕਰਯੋਗ ਹੈ ਕਿ ਇਸੇ ਹਫ਼ਤੇ ਆਈ.ਐਮ.ਐਫ. ਨੇ ਚਾਲੂ ਵਿੱਤੀ ਸਾਲ 'ਚ ਭਾਰਤੀ ਅਰਥਵਿਵਸਥਾ ਦੀ ਵਿਕਾਸ ਦਰ ਦਾ ਅਨੁਮਾਨ ਘਟਾ ਦਿੱਤਾ ਸੀ। ਆਈ.ਐਮ.ਐਫ. ਨੇ ਹੁਣ ਵਿਕਾਸ ਦਰ ਦਾ ਅਨੁਮਾਨ 0.30 ਫ਼ੀਸਦੀ ਘਟਾ ਕੇ 7 ਫ਼ੀਸਦੀ ਕਰ ਦਿੱਤਾ ਹੈ। ਉਸ ਤੋਂ ਪਹਿਲਾਂ ਰਿਜ਼ਰਵ ਬੈਂਕ ਆਫ਼ ਇੰਡੀਆ ਨੇ ਭਾਰਤ ਦਾ ਗਰੋਥ ਰੇਟ ਅਨੁਮਾਨ 6.8 ਫ਼ੀਸਦੀ ਤੋਂ ਘਟਾ ਕੇ 6.1 ਫੀਸਦੀ ਕਰ ਦਿੱਤਾ ਸੀ। ਜਾਣਕਾਰਾਂ ਮੁਤਾਬਕ ਅਜਿਹਾ ਘਰੇਲੂ ਮੰਗਾਂ 'ਚ ਆਈ ਕਮੀ ਦੀ ਵਜ੍ਹਾ ਨਾਲ ਕੀਤਾ ਗਿਆ ਹੈ।

World Bank Cuts India's Growth Forecast To 6%World Bank Cuts India's Growth Forecast To 6%

ਵਿਕਾਸ ਦਰ ਨੂੰ ਘਟਾਉਣ ਦੇ ਅਨੁਮਾਨ ਤੋਂ ਕੇਂਦਰ ਸਰਕਾਰ ਦੀ ਦੇਸ਼ ਨੂੰ 50 ਖ਼ਰਬ ਇਕੋਨਾਮੀ ਬਣਾਉਣ ਦੀ ਕਵਾਇਦ ਨੂੰ ਵੀ ਝਟਕਾ ਲੱਗ ਸਕਦਾ ਹੈ। ਜੇ ਅਰਥਵਿਵਸਥਾ 'ਚ ਮੰਦੀ ਦਾ ਦੌਰ ਵੇਖਣ ਨੂੰ ਜਾਂ ਫਿਰ ਹੌਲੀ ਰਫ਼ਤਾਰ ਰਹੇਗੀ ਤਾਂ ਇਸ ਦਾ ਅਸਰ ਭਵਿੱਖ 'ਚ ਵੀ ਵੇਖਣ ਨੂੰ ਮਿਲੇਗਾ। ਫਿਲਹਾਲ ਦੇਸ਼ 'ਚ ਕਈ ਸੈਕਟਰਾਂ 'ਚ ਉਤਪਾਦਨ ਲਗਭਗ ਠੱਪ ਹੋ ਗਿਆ ਹੈ। ਅਜਿਹਾ ਇਸ ਲਈ ਕਿਉਂਕਿ ਲੋਕ ਪੁਰਾਣੇ ਸਟਾਕ ਨੂੰ ਵੀ ਨਹੀਂ ਖਰੀਦ ਰਹੇ ਹਨ। 

Location: India, Delhi, New Delhi

ਸਬੰਧਤ ਖ਼ਬਰਾਂ

Advertisement

 

Advertisement
Advertisement