ਫੇਸਬੁੱਕ ਸ਼ੇਅਰਾਂ ਵਿਚ ਉਛਾਲ ਨਾਲ ਜ਼ਕਰਬਰਗ ਦੀ ਜਾਇਦਾਦ ਵਿਚ ਭਾਰੀ ਇਜ਼ਾਫਾ
ਵਾਸ਼ਿੰਗਟਨ: ਫੇਸਬੁੱਕ ਦੇ ਸੀਈਓ ਮਾਰਕ ਜ਼ਕਰਬਰਗ ਦੀ ਜਾਇਦਾਦ 100 ਅਰਬ ਡਾਲਰ ਦੇ ਅੰਕੜੇ ਨੂੰ ਪਾਰ ਕਰ ਗਈ ਹੈ। ਅਮਰੀਕੀ ਸ਼ੇਅਰ ਬਜ਼ਾਰ ਵਾਲ ਸਟਰੀਟ ਵਿਚ ਆਈ ਤੇਜ਼ੀ ਕਾਰਨ ਫੇਸਬੁੱਕ ਦੇ ਸ਼ੇਅਰਾਂ ਵਿਚ ਭਾਰੀ ਉਛਾਲ ਆਇਆ ਅਤੇ ਇਸ ਕਾਰਨ ਜ਼ਕਰਬਰਗ ਦੀ ਨੈੱਟਵਰਥ ਵਿਚ ਇਜ਼ਾਫਾ ਹੋਇਆ ਹੈ।
Mark Zuckerberg
ਸੋਸ਼ਲ ਨੈੱਟਵਰਕਿੰਗ ਕੰਪਨੀ ਫੇਸਬੁੱਕ ਦੇ ਸ਼ੇਅਰ ਵੀਰਵਾਰ ਨੂੰ 2.4 ਫੀਸਦੀ ਵਧ ਗਏ। ਇਸ ਕਾਰਨ ਇਕ ਦਿਨ ਵਿਚ ਹੀ ਜ਼ਕਰਬਰਗ ਦੀ ਨੈੱਟਵਰਥ 2.3 ਅਰਬ ਡਾਲਰ ਵਧ ਗਈ। ਉਹਨਾਂ ਦੀ ਨੈੱਟਵਰਥ ਵਧ ਕੇ 102 ਅਰਬ ਡਾਲਰ ਤੱਕ ਪਹੁੰਚ ਗਈ।
Facebook
ਦੁਨੀਆਂ ਦੇ ਤੀਜੇ ਅਮੀਰ ਹੋਏ ਮਾਰਕ ਜ਼ਕਰਬਰਗ
ਸ਼ੇਅਰ ਬਜ਼ਾਰ ਵਿਚ ਆਈ ਇਸ ਤੇਜ਼ੀ ਨਾਲ ਜ਼ਕਰਬਰਗ ਇਕ ਵਾਰ ਫਿਰ ਅਮਰੀਕਾ ਦੀ ਸੂਚੀ ਵਿਚ ਪਲਾਂਗ ਲਗਾ ਚੁੱਕੇ ਹਨ। ਉਹ ਦੁਨੀਆਂ ਦੇ ਟਾਪ 10 ਅਮੀਰਾਂ ਦੀ ਸੂਚੀ ਵਿਚ ਤੀਜੇ ਸਥਾਨ ‘ਤੇ ਪਹੁੰਚ ਚੁੱਕੇ ਹਨ। ਉਹਨਾਂ ਤੋਂ ਉੱਪਰ ਸਿਰਫ਼ ਐਮਾਜ਼ੋਨ ਦੀ ਸੀਈਓ ਜੈਫ ਬੇਜੋਸ (194 ਅਰਬ ਡਾਲਰ) ਅਤੇ ਮਾਈਕ੍ਰੋਸਾਫ਼ਟ ਦੇ ਸੰਸਥਾਪਕ ਬਿਲ ਗੇਟਸ (122 ਅਰਬ ਡਾਲਰ) ਹੀ ਹਨ।
Jeff Bezos
ਹਾਲਾਂਕਿ ਅਜਿਹਾ ਨਹੀਂ ਹੈ ਕਿ ਜ਼ਕਰਬਰਗ ਦੀ ਜਾਇਦਾਦ ਪਹਿਲੀ ਵਾਰ 100 ਅਰਬ ਡਾਲਰ ਤੋਂ ਪਾਰ ਹੋਈ ਹੈ। ਇਸ ਤੋਂ ਪਹਿਲਾਂ 7 ਅਗਸਤ ਨੂੰ ਜਦੋਂ ਫੇਸਬੁੱਕ ਦੇ ਸ਼ੇਅਰ ਰਿਕਾਰਡ ਹਾਈ ‘ਤੇ ਪਹੁੰਚ ਗਏ ਸੀ, ਤਾਂ ਵੀ ਜ਼ਕਰਬਰਗ ਦੀ ਜਾਇਦਾਦ 100 ਅਰਬ ਡਾਲਰ ਤੋਂ ਪਾਰ ਹੋ ਗਈ ਸੀ।
Mark Zuckerberg
ਚੌਥੇ ਸਥਾਨ ‘ਤੇ ਪਹੁੰਚੇ ਮਸਕ
ਉਹਨਾਂ ਨੇ ਟੇਸਲਾ ਅਤੇ ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੂੰ ਪਛਾੜਦੇ ਹੋਏ ਉਹਨਾਂ ਨੂੰ ਚੌਥੇ ਸਥਾਨ ‘ਤੇ ਪਹੁੰਚਾ ਦਿੱਤਾ ਹੈ। ਹਾਲਾਂਕਿ ਮਸਕ ਦੀ ਜਾਇਦਾਦ ਵੀ ਪਿਛਲੇ ਕੁਝ ਦਿਨਾਂ ਤੋਂ ਤੇਜ਼ੀ ਨਾਲ ਵਧ ਰਹੀ ਹੈ ਅਤੇ ਉਹ ਵੀ 100 ਅਰਬ ਡਾਲਰ ਦੇ ਅੰਕੜੇ ਨੂੰ ਪਾਰ ਕਰ ਸਕਦੇ ਹਨ।
