ਕੋਰੋਨਾ ਮਹਾਂਮਾਰੀ ਦੌਰਾਨ ਸਟੇਟ ਬੈਂਕ ਆਫ ਇੰਡੀਆ ਨੇ ਅਪਣੇ ਗਾਹਕਾਂ ਲਈ ਨਵੀਂ ਏਟੀਐਮ ਸਰਵਿਸ ਸ਼ੁਰੂ ਕੀਤੀ ਹੈ।
ਨਵੀਂ ਦਿੱਲੀ: ਕੋਰੋਨਾ ਮਹਾਂਮਾਰੀ ਦੌਰਾਨ ਸਟੇਟ ਬੈਂਕ ਆਫ ਇੰਡੀਆ ਨੇ ਅਪਣੇ ਗਾਹਕਾਂ ਲਈ ਨਵੀਂ ਏਟੀਐਮ ਸਰਵਿਸ ਸ਼ੁਰੂ ਕੀਤੀ ਹੈ। ਇਸ ਦੇ ਤਹਿਤ ਤੁਹਾਨੂੰ ਬਸ ਐਸਬੀਆਈ ਨੂੰ ਵਟਸਐਪ ਮੈਸੇਜ ਜਾਂ ਫੋਨ ਕਰਨਾ ਹੋਵੇਗਾ ਤੇ ਇਕ ਮੋਬਾਈਲ ਏਟੀਐਮ ਤੁਹਾਡੀ ਦੱਸੀ ਲੋਕੇਸ਼ਨ ‘ਤੇ ਪਹੁੰਚ ਜਾਵੇਗਾ।
SBI
ਐਸਬੀਆਈ ਨੇ ਇਸ ਨੂੰ ਡੋਰਸਟੈੱਪ ਏਟੀਐਮ ਸਰਵਿਸ ਦਾ ਨਾਮ ਦਿੱਤਾ ਹੈ। ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਨੇ ਇਹ ਸਹੂਲਤ ਅਪਣੇ ਗਾਹਕਾਂ ਨੂੰ ਕੋਰੋਨਾ ਵਾਇਰਸ ਤੋਂ ਬਚਾਉਣ ਅਤੇ ਸਮਾਜਕ ਦੂਰੀ ਨੂੰ ਬਰਕਰਾਰ ਰੱਖਣ ਲਈ ਸ਼ੁਰੂ ਕੀਤੀ ਹੈ। ਐਸਬੀਆਈ ਦੇ ਲਖਨਊ ਸਰਕਲ ਦੇ ਚੀਫ਼ ਜਨਰਲ ਮੈਨੇਜਰ ਅਜੇ ਕੁਮਾਰ ਖੰਨਾ ਨੇ ਦੱਸਿਆ ਕਿ ਐਸਬੀਆਈ ਡੋਰਸਟੈੱਪ ਏਟੀਐਮ ਸਰਵਿਸ ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਤੋਂ ਸ਼ੁਰੂ ਕਰਨ ਦਾ ਫੈਸਲਾ ਲਿਆ ਗਿਆ ਹੈ।
This Independence Day @TheOfficialSBI for the Lucknowites has introduced the facility of Mobile ATM at their doorstep. Just dial or WhatsApp to let us know and we will do the rest.#SafeBanking
— Ajay Kumar Khanna (@AjayKhannaSBI) August 17, 2020
Proud partners with @radiocityindia pic.twitter.com/puQgjIfjXr
ਉਹਨਾਂ ਨੇ ਦੱਸਿਆ ਕਿ ਲਖਨਊ ਵਿਚ ਇਹ ਸਰਵਿਸ 15 ਅਗਸਤ ਤੋਂ ਸ਼ੁਰੂ ਕਰ ਦਿੱਤੀ ਗਈ ਹੈ। ਹੁਣ ਐਸਬੀਆਈ ਗਾਹਕਾਂ ਨੂੰ ਬਸ ਵਟਸਐਪ ਮੈਸੇਜ ਕਰਨਾ ਹੋਵੇਗਾ ਜਾਂ ਫੋਨ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਸਾਰਾ ਕੰਮ ਬੈਂਕ ਦੀ ਜ਼ਿੰਮੇਵਾਰੀ ਹੈ। ਇਸ ਦੇ ਲਈ ਸਟੇਟ ਬੈਂਕ ਆਫ ਇੰਡੀਆ ਨੇ ਦੋ ਨੰਬਰ (7052911911 ਅਤੇ 7760529264) ਜਾਰੀ ਕੀਤੇ ਹਨ।
SBI Doorstep ATM Service
ਇਸ ਸਰਵਿਸ ਦੇ ਚਲਦਿਆਂ ਹੁਣ ਗਾਹਕਾਂ ਨੂੰ ਪੈਸੇ ਕਢਵਾਉਣ ਲਈ ਬੈਂਕ ਅਤੇ ਏਟੀਐਮ ਜਾਣ ਦੀ ਲੋੜ ਨਹੀਂ ਹੋਵੇਗੀ। ਯਾਨੀ ਹੁਣ ਗਾਹਕਾਂ ਨੂੰ ਏਟੀਐਮ ਤੋਂ ਬਾਹਰ ਲੰਬੀਆਂ ਲਾਈਨਾਂ ਤੋਂ ਛੁਟਕਾਰਾ ਮਿਲਣ ਵਾਲਾ ਹੈ।
SBI Doorstep ATM Service
ਜ਼ਿਕਰਯੋਗ ਹੈ ਕਿ ਭਾਰਤੀ ਸਟੇਟ ਬੈਂਕ ਪਹਿਲਾਂ ਤੋਂ ਹੀ ਸੀਨੀਅਰ ਸਿਟੀਜ਼ਨ ਜਾਂ ਅਪਾਹਜ ਗਾਹਕਾਂ ਨੂੰ ਡੋਰਸਟੈੱਪ ਸਰਵਿਸ ਦੇ ਰਿਹਾ ਹੈ। ਇਸ ਦੇ ਲਈ ਗਾਹਕ ਦਾ ਰਜਿਸਟਰਡ ਪਤਾ ਬੈਂਕ ਤੋਂ 5 ਕਿਲੋਮੀਟਰ ਦੇ ਘੇਰੇ ਵਿਚ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਤੁਸੀਂ ਘਰ ਬੈਠੇ ਹੀ ਇਕ ਮੈਸੇਜ ਜ਼ਰੀਏ ਅਪਣੇ ਖਾਤੇ ਦਾ ਬਕਾਇਆ ਜਾਣ ਸਕਦੇ ਹੋ। ਇਸ ਦੇ ਲਈ ਗਾਹਕਾਂ ਕੋਲੋਂ ਕੋਈ ਵੀ ਫੀਸ ਨਹੀਂ ਵਸੂਲੀ ਜਾਂਦੀ।
