ਜਾਣੋ ਕਿਵੇਂ ਕਰੀਏ 25 ਹਜ਼ਾਰ ਦੀ Basic Salary ਨਾਲ 1 ਕਰੋੜ ਰੁਪਏ ਦੀ ਬਚਤ
Published : Dec 27, 2019, 4:05 pm IST
Updated : Apr 9, 2020, 9:59 pm IST
SHARE ARTICLE
Employee Provident Fund
Employee Provident Fund

ਹਰ ਕਿਸੇ ਲਈ ਰਿਟਾਇਰਮੈਂਟ ਦੇ ਸਮੇਂ ‘ਤੇ 1 ਕਰੋੜ ਰੁਪਏ ਦੀ ਸੇਵਿੰਗ ਕਰਨਾ ਸੰਭਵ ਨਹੀਂ ਹੁੰਦਾ ਹੈ।

ਨਵੀਂ ਦਿੱਲੀ: ਹਰ ਕਿਸੇ ਲਈ ਰਿਟਾਇਰਮੈਂਟ ਦੇ ਸਮੇਂ ‘ਤੇ 1 ਕਰੋੜ ਰੁਪਏ ਦੀ ਸੇਵਿੰਗ ਕਰਨਾ ਸੰਭਵ ਨਹੀਂ ਹੁੰਦਾ ਹੈ। ਜੇਕਰ ਤੁਹਾਡੀ ਤਨਖਾਹ ਬਹੁਤ ਘੱਟ ਹੈ ਤਾਂ ਇਹ ਅਸਾਨ ਨਹੀਂ ਹੋਵੇਗਾ। ਅਜਿਹੇ ਵਿਚ ਤੁਹਾਨੂੰ ਇਸ ਗੱਲ ਦਾ ਧਿਆਨ ਰੱਖਣਾ ਹੋਵੇਗਾ ਕਿ ਤੁਸੀਂ ਹੋਰ ਤਰੀਕਿਆਂ ਨਾਲ ਵੀ ਰਿਟਾਇਰਮੈਂਟ ਲਈ ਬੱਚਤ ਕਰਨਾ ਸ਼ੁਰੂ ਕਰ ਦਿਓ।

ਕਰਮਚਾਰੀ ਭਵਿੱਖ ਨਿਧੀ (Employee Provident Fund) ਦੁਆਰਾ ਬੱਚਤ ‘ਤੇ ਹੀ ਪੂਰੀ ਤਰ੍ਹਾਂ ਨਾਲ ਨਿਰਭਰ ਨਹੀਂ ਰਿਹਾ ਜਾ ਸਕਦਾ ਹੈ ਕਿਉਂਕਿ ਇਸ ਵਿਚ ਬੱਚਤ ਸੀਮਤ ਅਤੇ ਮਿਲਣ ਵਾਲਾ ਵਿਆਜ ਵੀ ਹੋਰ ਵਿਕਲਪਾਂ ਨਾਲੋਂ ਘੱਟ ਹੀ ਹੁੰਦਾ ਹੈ। ਤਨਖਾਹ ਲੈਣ ਵਾਲੇ ਕਰਮਚਾਰੀਆਂ ਲਈ ਬੇਸਿਕ ਸੈਲਰੀ ਦਾ 12 ਫੀਸਦੀ ਹਿੱਸਾ ਕਰਮਚਾਰੀ ਭਵਿੱਖ ਨਿਧੀ (EPF) ਵਿਚ ਜਾਂਦਾ ਹੈ।

ਇੰਨੀ ਹੀ ਰਕਮ ਮਾਲਕ ਵੱਲੋਂ ਵੀ ਜਮਾਂ ਕੀਤੀ ਜਾਂਦੀ ਹੈ। ਹਾਲਾਂਕਿ ਤੁਹਾਡੇ ਵੱਲੋਂ ਜਮਾਂ ਕੀਤੀ ਗਈ ਪੂਰੀ ਰਕਮ ਪੀਐਫ ਵਿਚ ਨਹੀਂ ਜਾਂਦੀ ਹੈ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਦੇ ਨਿਯਮਾਂ ਮੁਤਾਬਕ ਮਾਲਕ ਦੇ ਯੋਗਦਾਨ ਦਾ 8.33 ਫੀਸਦੀ ਹਿੱਸਾ ਜੋ ਕਿ ਵੱਧ ਤੋਂ ਵੱਧ 15,000 ਰੁਪਏ ਹੋ ਸਕਦਾ ਹੈ, ਈਪੀਐਸ ਵਿਚ ਜਾਂਦਾ ਹੈ।ਜਦਕਿ ਬਾਕੀ ਦੀ ਰਕਮ ਪੀਐਫ ਵਿਚ ਜਾਂਦੀ ਹੈ।

ਇਸ ਦਾ ਮਤਲਬ ਹੈ ਕਿ ਜੇਕਰ ਕਿਸੇ ਦੀ ਬੇਸਿਕ ਸੈਲਰੀ 15,000 ਰੁਪਏ ਤੋਂ ਜ਼ਿਆਦਾ ਹੈ ਤਾਂ ਹਰੇਕ ਮਹੀਨੇ ਉਹਨਾਂ ਦੇ ਈਪੀਐਸ ਵਿਚ 1,250 ਰੁਪਏ ਜਮਾਂ ਹੁੰਦੇ ਹਨ।
ਬੇਸਿਕ ਸੈਲਰੀ-25,000 ਰੁਪਏ,
ਪੀਐਫ ਵਿਚ ਕਰਮਚਾਰੀ ਦਾ ਯੋਗਦਾਨ-12 ਫੀਸਦੀ ਦੇ ਹਿਸਾਬ ਨਾਲ 3,000 ਰੁਪਏ

ਈਪੀਐਸ ਵਿਚ ਮਾਲਕ ਦਾ ਯੋਗਦਾਨ-8.33 ਫੀਸਦੀ ਦੇ ਹਿਸਾਬ ਨਾਲ 1,250 ਰੁਪਏ
ਪੀਐਫ ਵਿਚ ਮਾਲਕ ਦਾ ਯੋਗਦਾਨ-1750 ਰੁਪਏ (3000 ਵਿਚੋਂ 1,250 ਘਟਾਉਣ ਤੋਂ ਬਾਅਦ)
ਹਰ ਮਹੀਨੇ ਵਿਚ ਪੀਐਫ ਵਿਚ ਕੁੱਲ਼ ਯੋਗਦਾਨ-4750 ਰੁਪਏ

ਇਸ ‘ਤੇ 8.5 ਫੀਸਦੀ ਦੀ ਵਿਆਜ ਦਰ ਨਾਲ ਮੰਨ ਲੈਂਦੇ ਹਾਂ ਕਿ ਕਰਮਚਾਰੀ ਜੇਕਰ 25 ਸਾਲ ਕੰਮ ਕਰਨ ਤੋਂ ਬਾਅਦ ਰਿਟਾਇਰ ਹੁੰਦਾ ਹੈ ਤਾਂ ਪੀਐਫ ਵਿਚ ਕੁਲ ਬਕਾਇਆ ਕਰੀਬ 50 ਲੱਖ ਰੁਪਏ ਹੀ ਹੋਵੇਗਾ। ਪੀਐਫ ‘ਤੇ ਵਿਆਜ ਮਾਸਿਕ ਰਨਿੰਗ ਬੈਲੇਂਸ ਦੇ ਅਧਾਰ ‘ਤੇ ਗਿਣਿਆ ਜਾਂਦਾ ਹੈ। ਹੁਣ 1 ਕਰੋੜ ਰੁਪਏ ਦੇ ਟੀਚੇ ਨਾਲ ਦੇਖਿਆ ਜਾਵੇ ਤਾਂ ਜਮਾਂ ਰਕਮ ਵਿਚ 50 ਲੱਖ ਰੁਪਏ ਦੀ ਕਮੀ ਹੈ।

ਇਸ ਦੇ ਲਈ ਕਰਮਚਾਰੀ ਨੂੰ 25 ਸਾਲ ਲਈ Equity Mutual Fund ਵਿਚ ਨਿਵੇਸ਼ ਕਰਨਾ ਬੇਹਤਰ ਹੋਵੇਗਾ। ਇਸ ਦੇ ਲਈ ਮੰਨ ਲੈਂਦੇ ਹਾਂ ਕਿ ਔਸਤਨ ਸਲਾਨਾ 12 ਫੀਸਦੀ ਦੀਆਂ ਦਰਾਂ ਨਾਲ ਵਿਆਜ ਮੰਨ ਲਈਏ ਤਾਂ 25 ਸਾਲ ਲਈ ਹਰ ਮਹੀਨੇ 2600 ਰੁਪਏ ਦਾ ਨਿਵੇਸ਼ ਕਰਨਾ ਹੋਵੇਗਾ। ਇਸ ਪ੍ਰਕਾਰ 25 ਸਾਲ ਦੀ ਨੌਕਰੀ ਪੂਰੀ ਕਰਨ ਤੋਂ ਬਾਅਦ 50-50 ਲੱਖ ਰੁਪਏ ਐਸਆਈਪੀ ਅਤੇ ਪੀਐਫ ਰੁਪਏ ਬਚਾਇਆ ਜਾ ਸਕਦਾ ਹੈ।

ਇਸ ਤਰ੍ਹਾਂ 25 ਸਾਲ ਦੀ ਨੌਕਰੀ ਕਰਨ ਤੋਂ ਬਾਅਦ 25000 ਰੁਪਏ ਦੀ ਬੇਸਿਕ ਸੈਲਰੀ ਦੇ ਅਧਾਰ ‘ਤੇ ਵੀ ਰਿਟਾਇਰਮੈਂਟ ਦੇ ਸਮੇਂ ‘ਤੇ 1 ਕਰੋੜ ਰੁਪਏ ਜੁਟਾਏ ਜਾ ਸਕਦੇ ਹਨ। ਇਸ ਦੇ ਨਾਲ ਹੀ ਇਸ ਗੱਲ ‘ਤੇ ਧਿਆਨ ਦੇਣਾ ਹੋਵੇਗਾ ਕਿ ਜਿਵੇਂ-ਜਿਵੇਂ ਤੁਹਾਡੀ ਉਮਰ ਅਤੇ ਤਜ਼ੁਰਬਾ ਵਧਦਾ ਰਹੇਗਾ, ਉਸੇ ਤਰ੍ਹਾਂ ਤੁਹਾਡੀ ਆਮਦਨ ਵੀ ਵਧਦੀ ਰਹੇਗੀ। ਅਜਿਹੇ ਵਿਚ ਤੁਸੀਂ ਇਸ ਰਕਮ ਨੂੰ ਵਧਾਉਣ ਲਈ ਹੋਰ ਸੇਵਿੰਗ ਕਰ ਸਕਦੇ ਹੋ।

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM
Advertisement