ਵੀਰਵਾਰ ਨੂੰ ਸੋਨੇ ਦੀਆਂ ਕੀਮਤਾਂ ਵਿਚ ਲਗਾਤਾਰ 8ਵੇਂ ਕਾਰੋਬਾਰੀ ਸੈਸ਼ਨ ਵਿਚ ਉਛਾਲ ਦੇਖਣ ਨੂੰ ਮਿਲਿਆ ਹੈ
ਨਵੀਂ ਦਿੱਲੀ- ਵੀਰਵਾਰ ਨੂੰ ਸੋਨੇ ਦੀਆਂ ਕੀਮਤਾਂ ਵਿਚ ਲਗਾਤਾਰ 8ਵੇਂ ਕਾਰੋਬਾਰੀ ਸੈਸ਼ਨ ਵਿਚ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਸ਼ੁਰੂਆਤੀ ਕਾਰੋਬਾਰ ਵਿਚ ਮਲਟੀ ਕਮੋਡਿਟੀ ਐਕਸਚੇਂਜ 'ਤੇ ਅਗਸਤ ਦੀ ਸਪੁਰਦਗੀ ਲਈ ਸੋਨੇ ਦੀਆਂ ਕੀਮਤਾਂ 53,429 ਪ੍ਰਤੀ 10 ਗ੍ਰਾਮ ਦੇ ਰਿਕਾਰਡ ਪੱਧਰ' ਤੇ ਪਹੁੰਚ ਗਈਆਂ ਹਨ। ਸੋਨੇ ਵਿਚ 8 ਦਿਨਾਂ ਵਿਚ ਲਗਭਗ 5,500 ਪ੍ਰਤੀ 10 ਗ੍ਰਾਮ ਦਾ ਵਾਧਾ ਹੋਇਆ ਹੈ।
Gold
ਹਾਲਾਂਕਿ, ਐਮਸੀਐਕਸ 'ਤੇ ਚਾਂਦੀ ਦੇ ਵਾਅਦੇ ਵਿਚ ਗਿਰਾਵਟ ਆਈ ਹੈ। ਇਸ ਦੌਰਾਨ ਕੀਮਤਾਂ ਗਿਰ ਕੇ 65,212 ਪ੍ਰਤੀ ਕਿਲੋਗ੍ਰਾਮ 'ਤੇ ਆ ਗਿਆ ਹੈ। ਦੱਸ ਦੇਈਏ ਕਿ ਬੁੱਧਵਾਰ ਨੂੰ, ਦਿੱਲੀ ਬੁਲਿਅਨ ਬਾਜ਼ਾਰ ਵਿਚ 99.9 ਪ੍ਰਤੀਸ਼ਤ ਸ਼ੁੱਧਤਾ ਦੀ ਸੋਨੇ ਦੀ ਕੀਮਤ 53,087 ਰੁਪਏ ਪ੍ਰਤੀ ਦਸ ਗ੍ਰਾਮ ਤੋਂ ਵਧਾ ਕੇ 53,797 ਰੁਪਏ ਪ੍ਰਤੀ ਦਸ ਗ੍ਰਾਮ ਕੀਤੀ ਗਈ।
Gold
ਇਸ ਦੌਰਾਨ ਕੀਮਤਾਂ ਵਿਚ 710 ਰੁਪਏ ਪ੍ਰਤੀ ਦਸ ਗ੍ਰਾਮ ਦੀ ਜੋਰਦਾਰ ਤੇਜ਼ੀ ਆਈ। ਮੁੰਬਈ ਵਿਚ 99.9 ਪ੍ਰਤੀਸ਼ਤ ਦੀ ਸ਼ੁੱਧਤਾ ਵਾਲੇ ਸੋਨੇ ਦੀ ਕੀਮਤ 52760.00 ਰੁਪਏ ਰਹੀ। ਕੇਡੀਆ ਕਮੋਡਿਟੀ ਦੁਆਰਾ ਜਾਰੀ ਕੀਤੀ ਗਈ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਯੂਐਸ ਫੈਡਰਲ ਰਿਜ਼ਰਵ ਦੁਆਰਾ ਸੋਨੇ ਦੀ ਹਮਾਇਤ ਨੇ ਵਿਆਜ ਦਰਾਂ ਨੂੰ ਜ਼ੀਰੋ ਦੇ ਨੇੜੇ ਰੱਖਣ ਅਤੇ ਆਰਥਿਕਤਾ ਨੂੰ ਮੁੜ ਲੀਹ 'ਤੇ ਲਿਆਉਣ ਲਈ ਸਾਰੇ ਉਪਾਅ ਕਰਨ ਦੇ ਐਲਾਨ ਤੋਂ ਸੋਨੇ ਨੂੰ ਸਪੋਰਟ ਮਿਲਿਆ।
Gold
ਇਸ ਦੇ ਨਾਲ ਹੀ ਕਮਜ਼ੋਰ ਡਾਲਰ, ਘੱਟ ਵਿਆਜ ਦਰਾਂ ਅਤੇ ਦੇਸ਼-ਦੁਨੀਆ ਵਿਚ ਵਧ ਰਹੇ ਕੋਰੋਨਾ ਵਾਇਰਸ ਦੇ ਕੇਸਾਂ ਕਾਰਨ ਸੋਨੇ ਦੀ ਸੁਰੱਖਿਅਤ ਨਿਵੇਸ਼ ਦੀ ਮੰਗ ਵਿਚ ਵਾਧਾ ਹੋਇਆ ਹੈ। ਫੈੱਡ ਨੇ ਕਿਹਾ, ਜਦੋਂ ਤੱਕ ਆਰਥਿਕਤਾ ਮੁਸੀਬਤ ਤੋਂ ਬਾਹਰ ਨਹੀਂ ਨਿਕਲਦੀ ਅਤੇ ਆਪਣੇ ਰੁਜ਼ਗਾਰ ਅਤੇ ਮਹਿੰਗਾਈ ਦੇ ਟੀਚੇ ਪ੍ਰਾਪਤ ਨਹੀਂ ਹੁੰਦੇ ਕੇਂਦਰੀ ਬੈਂਕ ਸਾਰੇ ਲੋੜੀਂਦੇ ਉਪਾਅ ਜਾਰੀ ਰੱਖੇਗਾ।
Gold
ਵਰਲਡ ਗੋਲਡ ਕੌਂਸਲ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸੋਨੇ ਦੀ ਨਿਵੇਸ਼ ਦੀ ਮੰਗ ਪੂਰੀ ਦੁਨੀਆ ਵਿਚ ਉੱਚੇ ਪੱਧਰ ਤੇ ਪਹੁੰਚ ਗਈ ਹੈ। ਇਸ ਦੇ ਨਾਲ ਹੀ, ਭੌਤਿਕ ਸਿੱਕੇ, ਸੋਨੇ ਦੇ ਸਿੱਕੇ, ਮੂਰਤੀਆਂ, ਗਹਿਣਿਆਂ ਦੀ ਮੰਗ ਵਿਚ ਹੋਰ ਗਿਰਾਵਟ ਆਈ ਹੈ। ਕੇਡੀਆ ਕਮੋਡਿਟੀ ਦੇ ਐਮਡੀ ਅਜੈ ਕੇਡੀਆ ਦਾ ਕਹਿਣਾ ਹੈ ਕਿ ਰਾਹਤ ਪੈਰੇਜ ਦੀ ਉਮੀਦ ਦੇ ਕਾਰਨ ਵਿਸ਼ਲੇਸ਼ਕਾਂ ਨੇ ਸੋਨੇ ‘ਤੇ ਤੇਜ਼ੀ ਦਾ ਰੁਝਾਨ ਬਣਾਇਆ ਹੋਇਆ ਹੈ।
Gold
ਨਿਵੇਸ਼ ਬੈਂਕ ਗੋਲਡਮੈਨ ਸੇਕਸ ਨੇ ਅਗਲੇ ਸਾਲਦੇ ਲਈ ਸੋਨੇ ਦੀ ਕੀਮਤ 2300 ਡਾਲਰ ਪ੍ਰਤੀ ਔਂਸ ਤੱਕ ਜਾਣ ਦਾ ਅਮੁਮਾਨ ਲੱਗਾਇਆ ਹੈ। ਉਸ ਨੇ ਦੱਸਿਆ ਕਿ ਤਕਨੀਕੀ ਚਾਰਟ ਉੱਤੇ ਸੋਨੇ ਦੀਆਂ ਕੀਮਤਾਂ ਵਿਚ ਰੁਝਾਨ ਜਾਰੀ ਰਹਿਣ ਦੀ ਸੰਭਾਵਨਾ ਹੈ। ਥੋੜੇ ਸਮੇਂ ਵਿਚ ਸੋਨਾ ਅੰਤਰਰਾਸ਼ਟਰੀ ਪੱਧਰ 'ਤੇ 2054.00 ਡਾਲਰ ਪ੍ਰਤੀ ਔਂਸ ‘ਤੇ ਪਹੁੰਚ ਸਕਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
