ਘਟਨਾ ਸਬੰਧੀ ਦਿਤੀ ਜਾਣਕਾਰੀ, ਕੀਤਾ ਕਬੂਲਨਾਮਾ
Criminals Who Opened Fire on Elvish Yadav's House Repent Latests News in Punjabi ਫ਼ਰੀਦਾਬਾਦ : ਹਰਿਆਣਾ ਵਿਚ ਐਲਵਿਸ਼ ਯਾਦਵ ਦੇ ਘਰ 'ਤੇ ਗੋਲੀਬਾਰੀ ਕਰਨ ਵਾਲੇ ਅਪਰਾਧੀਆਂ ਨੂੰ ਕੈਮਰੇ ਸਾਹਮਣੇ ਹੱਥ ਜੋੜ ਕੇ ਅਪਣਾ ਅਪਰਾਧ ਕਬੂਲ ਕਰਦੇ ਦੇਖਿਆ ਗਿਆ। ਦੱਸ ਦਈਏ ਕਿ ਹਰਿਆਣਾ ਵਿਚ ਪੁਲਿਸ ਵਲੋਂ ਅਪਰਾਧੀਆਂ ਵਿਰੁਧ ਲਗਾਤਾਰ ਕੀਤੀ ਜਾ ਰਹੀ ਕਾਰਵਾਈ ਕਾਰਨ ਅਪਰਾਧੀ ਅਪਣੇ ਅਪਰਾਧਾਂ ਦਾ ਪਛਤਾਵਾ ਕਰ ਰਹੇ ਹਨ।
ਦੱਸ ਦਈਏ ਕਿ ਐਲਵਿਸ਼ ਯਾਦਵ ਦੇ ਘਰ 'ਤੇ ਗੋਲੀਬਾਰੀ ਕਰਨ ਵਾਲੇ ਦੋ ਅਪਰਾਧੀਆਂ ਨੇ ਨੌਜਵਾਨਾਂ ਨੂੰ ਵੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਕੁੱਝ ਪੈਸਿਆਂ ਦੀ ਖ਼ਾਤਰ ਉਨ੍ਹਾਂ ਵਾਂਗ ਅਪਣੀ ਜ਼ਿੰਦਗੀ ਬਰਬਾਦ ਨਾ ਕਰਨ ਦੀ ਅਪੀਲ ਕੀਤੀ। ਦੋਵੇਂ ਅਪਰਾਧੀ ਕੈਮਰੇ ਸਾਹਮਣੇ ਹੱਥ ਜੋੜ ਦੇ ਵੇਖੇ ਗਏ।
h
ਉਨ੍ਹਾਂ ਨੇ 17 ਅਗੱਸਤ ਦੀ ਸਵੇਰ ਨੂੰ ਗੁਰੂਗ੍ਰਾਮ ਵਿਚ ਐਲਵਿਸ਼ ਯਾਦਵ ਦੇ ਘਰ 'ਤੇ ਗੋਲੀਬਾਰੀ ਕੀਤੀ ਸੀ। ਇਕ ਅਪਰਾਧੀ ਨੇ ਹੱਥ ਜੋੜ ਕੇ ਕੈਮਰੇ ਸਾਹਮਣੇ ਪੂਰੀ ਘਟਨਾ ਦੱਸੀ। ਉਸ ਨੇ ਕਿਹਾ ਕਿ ਉਨ੍ਹਾਂ ਨੇ ਵਿਦੇਸ਼ ਵਿਚ ਰਹਿੰਦੇ ਇਕ ਅਪਰਾਧੀ ਨਾਲ ਸੰਪਰਕ ਕੀਤਾ ਸੀ ਅਤੇ ਐਲਵਿਸ਼ ਯਾਦਵ ਦੇ ਘਰ 'ਤੇ ਗੋਲੀਬਾਰੀ ਕੀਤੀ ਸੀ। ਉਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪੈਸੇ ਦੇ ਲਾਲਚ ਨਾਲ ਗੋਲੀਬਾਰੀ ਕਰਨ ਲਈ ਉਕਸਾਇਆ ਗਿਆ ਸੀ।
k
ਇਥੇ ਧਿਆਨ ਦੇਣ ਯੋਗ ਹੈ ਕਿ ਯੂ-ਟਿਊਬਰ ਦੇ ਘਰ 'ਤੇ ਬਾਈਕ ਸਵਾਰ ਦੋ ਬਦਮਾਸ਼ਾਂ ਵਲੋਂ ਲਗਭਗ 12 ਰਾਉਂਡ ਗੋਲੀਆਂ ਚਲਾਈਆਂ ਗਈਆਂ ਸਨ। ਇਹ ਘਟਨਾ ਸਵੇਰੇ 5 ਤੋਂ 6 ਵਜੇ ਦੇ ਵਿਚਕਾਰ ਵਾਪਰੀ ਸੀ। ਜਦੋਂ ਗੋਲੀਬਾਰੀ ਹੋਈ ਤਾਂ ਐਲਵਿਸ਼ ਘਰ ਵਿਚ ਨਹੀਂ ਸਨ। ਗੋਲੀਬਾਰੀ ਸਮੇਂ ਉਸ ਦਾ ਦੇਖਭਾਲ ਕਰਨ ਵਾਲਾ ਅਤੇ ਪਰਵਾਰਕ ਮੈਂਬਰ ਮੌਜੂਦ ਸਨ।
ਪੁਲਿਸ ਨੇ ਦੋਵਾਂ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ। ਅਦਾਲਤ ਦੇ ਹੁਕਮਾਂ 'ਤੇ ਦੋਵੇਂ ਅਪਰਾਧੀ ਆਦਿੱਤਿਆ ਅਤੇ ਗੌਰਵ ਨੂੰ ਜੇਲ ਭੇਜ ਦਿੱਤਾ ਗਿਆ ਹੈ।
(For more news apart from Criminals Who Opened Fire on Elvish Yadav's House Repent Latests News in Punjabi stay tuned to Rozana Spokesman.)
